Oosana 1:12 - Anutuna Ufa

¹² Maqa fannoo, oosana oosana andanda faqa saqari faqa maqanau. Maqasoofanoo Anutufa aiquqummaseenoo doo amiqimminoo fee qimasee asasinau.

Oosana 1:12 Referans Kwoze

Mareekoo 4:28

Maqa fannoo naamma amifanoo kambiqafinoo qaqama iraidanoo. Indaaru ummaqusainanoo radiqifinoo afumu kambiqafinoo doo urureenoo afufeenaarinoo doo qaqama ireenoo qaqama anoona kambiqaidanoo.

Ruka 6:44

Saqari qaqama fannoo saqari oosanara koorooinana anee irinnaranoo aiqama saqari qaqama irafinoo oosanara koorooidanoo. Anee naqi fee masee reereeroondaana sandasaaqaraana faafisa qaqama tiqinnaree sia minasaa iraannoo. Kaifaa naqi fee masee kaakuna sandasaa kamukamuna qaqama tiqinnaree sia minasaa iraannoo.

Karatia 6:7

Innee sia nariqa nikaru qiaqa, sia innee amana Anutuna afusaa ititasee furufariranaki quqeefaranoo, mifa maasa oosanara iridanoo. Anee narana asumu ummaqinana mina kai unakinnaranoo, anee nana mandoosana niminana anee mina kai mareennaranoo.

2 Koorinti 9:10

Anutufa inni Koorinti maqannaa faqa dadaaqammiannoo. Mifa asumu faqa neemaria narana faqa nimimarifa maridanoo inni nimana asumu inni nimisainaqa ummaqusaifanoo Anutufa kambiqarana nimiannoo innee afaaramandee moo maqannaa narana dadaaqifanoo innee kafaa kafaa miqiaqee qimasee inni Anutufa irairaairana nimiannoo.

Heeburu 6:7

Anutufa maqa dadaaqidanoo aaku quqasaifanoo ridanoo maqasaa ainaini mariasa dadaaqidanoo narana minakiqari kambiqaifaqa neemariafanoo. Miqi kai masee faiqí anaasee Anutuna ufamau fimariasa misa Anutufa misa amiqi amiqiannoo.

Oosana 1:11

Asasammaseenoo fuka maqasaara Anutufa qinau. Andanda oosana oosana kambiqaani, oosana oosana andanda neemaru ainainna aqama faqa kambiqaanni, oosana oosana aqama ireemari saqarisa faqa kambiqaannee qufanoo miqimminau.

Oosana 1:13

Miqimmasoofanoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa qaaramookinau.

Idi Ufa 104:14

Anutu anee aaku adiasaananoo aandauqa neefandinna andandausa kambiqaidanoo. Mi aakufa faiqí neemaria narannana afu amifanoo kambiqaidanoo. Miqimasaifanoo faiqí narí nara ainaina ummaqidanoo.