Oosana 1:11 - Anutuna Ufa

¹¹ Asasammaseenoo fuka maqasaara Anutufa qinau. Andanda oosana oosana kambiqaani, oosana oosana andanda neemaru ainainna aqama faqa kambiqaanni, oosana oosana aqama ireemari saqarisa faqa kambiqaannee qufanoo miqimminau.

Oosana 1:11 Referans Kwoze

Heeburu 6:7

Anutufa maqa dadaaqidanoo aaku quqasaifanoo ridanoo maqasaa ainaini mariasa dadaaqidanoo narana minakiqari kambiqaifaqa neemariafanoo. Miqi kai masee faiqí anaasee Anutuna ufamau fimariasa misa Anutufa misa amiqi amiqiannoo.

Idi Ufa 147:8

Mifa oonnamu innaarunai rainaidanoo. Mifa aaku quqasaifanoo rifanoo amuaqu namusaaqaraa andandauqa ururaidanoo.

Oosana 1:29

Anutufa kaifaa qinoo qinau. Inni narana sakummara foora ireemarina oosana oosana faqa oosana oosana saqari aqama faqa naaqeera nimidaqa.

Oosana 2:9

Anutufa oosana oosana amiqira saqariara qufanoo minaki kambiqafufaqa amiqira aqama iraqau. Kadiqa qambaanai saqari qaaraqanda marinau. Moo saqari fannoo marirana nimi maru saqarifa marinau. Kafaa moo saqari fannoo mandainainara faqa amiqira ainainara faqa irimaria iriranna nimimarufa marinau.

Mareekoo 4:28

Maqa fannoo naamma amifanoo kambiqafinoo qaqama iraidanoo. Indaaru ummaqusainanoo radiqifinoo afumu kambiqafinoo doo urureenoo afufeenaarinoo doo qaqama ireenoo qaqama anoona kambiqaidanoo.

Mataioo 6:30

Kaasau qusau ainaina Anutufa qamunnara foora nimidanoo. Sia mina kisaaqasaa marira ainainau nimidanoofau. Maqee kasidanoo duna ateekasee ida araseefandinna ainainafa maridanoo. Innee faiqí sia miqirausa. Innee kisaaqasaa inni aukuana marifara. Anutufa qusau ainaina ririmma qamunna nimidanoo inni faiqí fiqaramasee nimiannoo. Innee faiqí qamunna ainara kai nimuqusimarianara Anutunara kaqikaaqoo kai irirana Anutunasaa rusi mariafanoo, aaqaida miqimariafanoo.

Idi Ufa 1:3

Miqi maria fasiqa anaaseesa saqari nammari aaqa ummaqirafara foora iqa mariasa maridaqa narí qanaa mina aqama amiqimmasee iraidanoo mina amanee sia kakasidanoo. Miqira fasiqa anaasee nana ainainee auqaafanoo anoonaikidanoo.

Oosana 2:5

Indaaru karaambaiqa Anutufa maa maqana faqa miri innaaruna faqa auqu aukuanna aaku sia maqasaa quqoonara oosana oosana andanda qaqama sia kambiqanau. Faiqí maqa apaurirafa faqa sia marinau.

Yameesa 3:12

Sia faafisa namufaqa keefaadi iraannoo. Sia kamukamuna sanda fannoo faafisa iraannoo. Sia ooruku nammari fannoo faqa nammari uqanna fabaqa iannoo. Maasa nifauru fannoo kai qaaraikidanoo. (Maaqoo misa saqari sia marifaqa kaqi maaqooqaraa saqari auquraidaqa. Faafisa maaqooqaraasaindi Yuda maqannaasaindi mina fooqaafa asumu faafis maridanoo. Keefaadiara oorifa saqari fee qimariqau. Kamukamunara kareepa fee qimariqau.)

Mataioo 3:10

Doo Anutuna saasunara foora saqari atuka ateekarara rauqiaqee idanoo. Sia naundura quandainausa Anutufa narirafa qusandaannoo. Yasaqari fee sia andeeqasee qaqamma irainafa kudi saqari Anutufa mina ateeka idaraannoo.

Oosana 2:16

Anutufa quqaseenoo mi fasiqana maaqi qimaseenoo aakapanau. Anee kadidakina aiqama saqari qaqama diqisee naannee qinau.

1 Koorinti 15:38

Anutufa narí iriranannai aiqama aadu aadu qaqama nári aadu aadu kambiqaaninnana anoona namufaqa amanee namufaqa nimidanoo. Anutufa aiqama qaqama andeeqasee narí kai anoona amidanoo.

Oosana 1:12

Maqa fannoo, oosana oosana andanda faqa saqari faqa maqanau. Maqasoofanoo Anutufa aiquqummaseenoo doo amiqimminoo fee qimasee asasinau.