Oosana 1:1 - Anutuna Ufa

¹ Oosana kuradoo aukuanna Anutufa sia maru ainainannai miri innaarunna faqa maa maqana faqa oosana arasee auqinau.

Oosana 1:1 Referans Kwoze

Heeburu 11:3

Ooqai Anutufa narí ufannai maqa faqa innaaruna faqa auqusoofanoo maridanoo. Maasa Anutunasaa irirana rusiranannai mi ufanara kuqaa anoonee qidaqa. Mifa sia akooqoo maru ainainna qumareenoo maqee qafee marunna ainaina auqinau.

Uqafiqoo Ufafa 4:11

Oo Karaambaiqa Anutufa anee amiqirafa. Anee amana areenarana faqa amooqirafa faqa afeeka faqa amana mareennaranoo. Anee aiqama ainaina auqunafa. Aneenna iriranannai marirana faqa kasirana faqa nimunafa marianafa mariananoo.

Heeburu 1:10

Anutufa kafaa narí amaakuara maaqi qinau. Anee karaambaiqa mariananoo oosana aroo aukuana maa maqa maaqana oosana arasee auqunafa mariananoo. Anee aneenna asaukunnai innaaruna faqa minaki mari ainainna faqa auqunafa marianafa mariananoo.

Rafudoo Akarafa 20:11

Dinni taikasee dinni ani moodaa marasee 6 faasaana qinee Yaaweesa innaaruna faqa maqa faqa ooruku nammari faqa minauqaki mari ainainausa faqa auqi qiafana. Dinni ani qaara marasee 7 faasaanasaa qinee qidooa qiafana. Minara qinee Yaaweesa Sabata faasaana afaaqooqa qimasee naaquqara faasaanee qidaqa.

2 Peetooroo 3:5

Qinee Peetooroosa minara maaqi qidaqa. Mi aaqara ufana qimariasa maa ainainnara qikoomma irirara qaifaqee qidaqa unnaqimasaida sia iridaqa. Ooqai Anutufa maa maqa maaqana nammari aufiranannai kuridinau. Ooqai indaaru Anutufa qufanoo sia maru ainainnai maa maqa maaqana auqusoofanoo kambiqanau. Maa maqa maaqana nammarinnai auqusoofanoo nammarikiqari kambiqanau. Kafaa miqooqari nammari aufiranannai maa maqa maaqana ooqeenaana amiqimmandee kuridinau.

Idi Ufa 33:9

Yaaweefa qufanoo maa maqa maaqafa kambiqanau. Mifa afeeka ufa qufanoo aiqama ainaina kambiqanau.

Aaquqira Ufa 3:19

Yaaweefa narí amiqira iriranannai innaruna faqa maqa faqa auqinau. Oonumafi iriranannai innaaruna murufi atukaranau.

Uqafiqoo Ufafa 14:7

Innee Anutunara rufiasee mina afeeka uriqararanara amooqiaqa, doo mifa maqasaa mariasa ufa irirafa doo ani maridanoo. Mifa innaaruna faqa maqa faqa ooruku nammari faqa kaqi nammariuqa faqa minauqa auqufa maridanoo, mina oorisaa kumaramafi amooqiaqa.

Idi Ufa 115:15

Yaaweefa maa maqa maaqana faqa innaarunna faqa auqu quqaqoofa mifa inni amiqi amiqimma nimaqaani.

Idi Ufa 136:5

Mifa narí amiqira iriranannai innaaruna auqufa maridanoo. Mina amuqusirafa naaru naaru marifa maridanoo.

1 Koorinti 8:6

Sia maasa misauqara iridaqa maasa Yisuna ufa irimariasa Anutufa aiqamausa nikoofa moodaa kai marifaqee qidaqa, aiqama ainaina auqu quqoo fee qidaqa maasa mi Anutuna ainainammaisaranara maridaqa. Sia moo karaambaiqa maridanoo maasa karaambaiqa, asauku mundirafa Yisufa mifa kai marifaqee qidaqa. Minannai Anutufa sia maru ainainanna aiqama ainaina auquqoofa maridanoo, maasa minasaaqaraa mariranasaa maridaqa. Minara maasa aiqama narana amana naanaura. Kaqi narana faqa fifau afaanna aandau faqa aiqamaqara namasee mina neemariafa sia aaqarafa maridanoo. Moo ainaina aaqarafa maaqimminoo maridanoo. Aiqama Yisuna ufa irimariasa sia maa qunnanara iridaqa. Akaqausa ooqaindari sia Yisunara iru aukuanaindari mi fifau afaanna amaana maqanaki maqee maqee keeqafiqa narana namasee mi narannara mi afaannanaindi fee qimariqau, kafaa maqee faqa Yisuna ufa iridaqa sia afaannara innaaru qidaqa kaqi keeqafi namasaidaqa unna qimasaida afaanna marifaqee qimasaidaqa kaqi mi narannara Anutuna namuqaandi fee qimasee boo Anutuna namuqaa aqoondikidaqa aaqaidee qimasaidaqa nári maraquna nári naakirafa ummaara nimifaqa maasa daunduraki putaairana qimifaqee qidaqa.

Idi Ufa 8:3

Qinee anee auqu quqaqoonnana quqoona faqa fasauqa faqa innaarunai qafaidaqa.

Idi Ufa 102:25

Ooqai kuradoo aukuana anee maa maqa maaqana poosauqa faakanara foora atukaranau. Aneenna asaukunnai innaaruna auqu quqoonafa mariananoo.

Heeburu 3:4

Sia maaqa moo fifau kambiqaidanoo. Aiqama maaqa usakeemarifa kai usakaidanoo. Anutufa mifa aiqama ainaina auqeemarifa marifanoo Yisufa Anutuna ameemaanai maaqa usakee marifa marinara Mooseena uraaqaranoo maridanoo.

Idi Ufa 124:8

Maasa dadaaqirafa Yaawee finnaindari anidanoo. Maqa faqa innaaruna faqa auqu finnaindari anidanoo.

Heeburu 1:2

Maa maqee inaaqianna kamu narí amaakunnai maasa qimaqiminoo. Minannai kai Anutufa maqa faqa innaaruna faqa minakinaa ainainauqa faqa auquseenoo narí amaaku aiqamausakinaana marasee rusandeesamumasee amianauree quna taikara aukuana aiqama ainaina saqama anindi kammiannoo fee qimaqoofa maridanoo.

Aaquqira Ufa 16:4

Yaaweefa aiqama ainaina auqufa taikeefandinnanara iridanoo. Manda oosana maree mariasa inaaqianna kuqiranaki taikee fandinnanara faqa iridanoo.

Idi Ufa 33:6

Yaaweefa ufannai qufanoo innaaruna kambiqanau. Narí ookinaa aidoonnai qufanoo suani faqa quqoona faqa fasau faqa kambiqanau.

Idi Ufa 121:2

Qini dadaaqirafa Yaawee finaindari kai aniannoo. Maa maqana faqa innaaruna faqa auqu quqoo finnaindari kai aniannoo.

Idi Ufa 104:24

Oo Yaawee, anee moomoo ainainatia auqu quqoonafa mariananoo. Aneenna amiqira iriranannai kai aiqama ainaina auqu quqoonafa mariananoo. Anee moomoo kasi mari ainainna auqu quqaqoonafa maa maqa maaqana qumbiqanoo maridanoo.

Idi Ufa 96:5

Anaamuru mariasa unnaqira anutusa fifau nariqa auqusee amooqidaqa. Miqi mariafanoo maasa Yaaweefa innaaruna faqa minakinaa ainaina faqa auqu quqoofa uriqaranoo maridanoo.

Roomma 11:36

Naqimasee moo fannoo Anutuna moo ainaina amiannoo fee narí kai aiqama ainaina auqufa minaindi kai maridanoo. Aiqama ainaina minasaa qaraafa kai afeekaikinoo maridanoo. Aiqama areenarafa naaru naaru Anutunaindi kai mariannoo. Kuqaa.

Idi Ufa 90:2

Ooqai aaqana faqa maa maqa maaqafa faqa sia marufana anee marinau. Anee ooqai mariunna Anutufa kafaa naaru faqa marinna Anutufa mariananoo.

Idi Ufa 146:6

Innaaruna faqa maqa faqa ooruku nammari faqa minaki maria ainainausa faqa auqunasaa mundi mariasa asasidaqa. Mifa aiqama kari narí qima afeekaikiranasaa afu rusisee maridanoo.

Idi Ufa 134:3

Yaaweefa maa maqana faqa miri innaarunna faqa auqu quqoofa Sioona maqusakiqari inni amiqi amiqimma nimaqaani.

Uqafiqoo Ufafa 22:13

Qinee oosana aroonakiqari marunausa maridaqa. Qinee taikaaninna aukuanna faqaasa maridaqa.

1 Yoohanee 1:1

Qinee kaqi marira ufa anoonara Yisunara akara rumasee qimannimidaqa. Mi kaqi marira ufana Yisufa ooqai maa maqa maaqafa sia marunakina marufa maridanoo qinee mi ufanara qimannimidaqa. Maasa mi ufana anoona qifunnai qafeeqa daaqoonnai iriqiafana. Maasa qifu qafamasee qisaukunnai akooqoo kaqi marirana anoona marufaqa auqamasee qafeeqa qimannimidaqa.

Mareekoo 13:19

Mi manda aukuanafa anirainaqa aiqamausa aupuraranaki firaanaki marifaranoo. Ooqai indaaru Anutufa aiqama ainaina auqunakiqari kaqiqaa aupurarafa oosana oosana marinau, maqee faqa miqikai idanoo kaqiqaa aupurarafa maridanoo. Kasooqaqee firaafa uqanna kambiqaannoo. Mifa taikainna kari sia miqirafa kambiqaannoo.

Idi Ufa 104:30

Anee aidoo aiqama ainaina nimianaqa misa kasirana maraidaqa. Maa maqa maaqanasaa aiqama atinai mari ainainausa fukaikamanimaqee mariananoo.

Uqafiqoo Ufafa 21:6

Kafaa qimaqiminoo qinau. Doo aiqama ainaina taikeenoo. Qinee oosana araafanausa maridaqa taikaaninna aukuana faqaasa maridaqa. Nammariara nidimarisa fuka maqakiqari ururee mari nammarina, kaqi marira nammari asooarafa sia feefaurirafa kaqi nimianauranoo.

Eefeesusa 3:9

Anutuna ooqai kukeeqara irirafa maqee kooroommasee faiqí anaasee amiqimmandee iriaqeera faqa qini minaki faqa quqaqisaifaqa maridaqa. Anutufa aiqama ainaina auquqoofanoo marufa miqooqari moomoo aukuana narí kukeeqara irirana Yisunara kisaaqasaa rafaaqafuqoofanoo marinau.

Uqafiqoo Ufafa 3:14

Yisufa miqi qimasee Firadeerafia amaana maqasaa Paatoonara Yoohaneena qimamiseenoo quandaki Raoodiseea amaana maqasaa rakisiranara qimaminoo qinau. Yoohanee anee Raoodiseea amaana maqa rakisira Paatoora faqa maaqi qimasee akara rumamia. Qinee mapukusee marunna fasiqausa Yisusa inni qimannimidaqa. Qinee naaru naaru kuqaa anoona ainaina kai qimarunausa inni qimannimidaqa. Anutufa aiqama ainaina auqimaruna oosana qinee marunausa inni qimannimidaqa.

Mataioo 11:25

Mikari Yisufa innaaru qimasee qinau. Qini qikoofa, maa maqana faqa innaaruna faqa rakisirafa dufi dufi ani ufa qinee maqee maqee maa ufana qimannimimarunnanara irirana faqaasa nifusaa rafaaqafunniseenana kaiqeesa nifusaa kooroo mannimaqee mariananoo.

Rafudoo Akarafa 31:18

Anutufa aiqama ufa Mooseena Sinai aaqanasaa qimami taikaseenoo qaara ooni ausiriranasaa Anutufa narí asaukunnai sanda ufa akara rumaqoona aminau.

Idi Ufa 8:4

Qinee mi ainainausa qafaidaqa maaqi qidaqa, Faiqí nanee mariafanee anee misara iridanee. Fifau kaqikaa ainaina maridanoo. Faiqí faiqí faqa nanainainee mariafanee anee misa rakisidanee.