Mataioo 9:22 - Anutuna Ufa

²² Mina qamunna auqamasoofanoo Yisufa quandafinoo qafamaseenoo qinau. Qini qiraamuna sia rufia afaaqa quqasee maria anee aneenna irirana qinisaa rusiranannai kai ani aurirafa doo taikeenoo, mifa kai. Miqi qimasoofanoo miqoo kai mi anaaseena aurirafa taikanau.

Mataioo 9:22 Referans Kwoze

Ruka 7:50

Yisufa mi anaaseena kafaa qimaminoo qinau, oo maa anaasee anee aneenna aunduraindari qinisaa rusimarianafa mifa kai ani innaarunai marira asumu aminoo doo asooaranaki fua.

Mataioo 15:28

Yisufa mi ufana iriseenoo qimaminau. Imboo maa anaaseeo̱o Anee qinisaa irirana rusirana firaafa marianafa. Anee aneenna innainaina mifa kai kambiqaannoo. Miqi qimasoofanoo mi anaaseena araamuna mikari kai nianai marunnai ooqeena taikasoofanoo mi manaaqafa amiqinoo marinau.

Mataioo 9:2

Oonuroofaqa faiqí mi maqusanaindari moo auruna aiku asauku pipisaaqa usufufanoo maruna aindusu mareeqa Yisufuqoo maree aniqau. Misa irirafa Yisunaki marunara Yisufa mina qafamaseenoo quandafinoo aurira faiqi qimaminau. Sia rufiaqa rufiaqa ia. Afaaqa quqaa. Doo qinee ani mandainaina numoo minnaiseeqa.

Ruka 18:42

Yisufa qimaminau, doo aneenna afu irirana qinisaa rusiananannoo amiqianano.

Ruka 17:19

Miqi qimasee Yisufa mi fasiqana qimaminau, doo findifi fua, anee qini saqarikiannanannai kai amiqiananoo.

Ruka 8:48

Yisufa mina ufa iriseenoo qinau, oo qini qiraamuna anee irirana qinisaa rusiannanara ani aurirafa taikeenoo, doo asooaranaki fua.

Mareekoo 5:34

Yisufa iriseenoo qimaminoo qinau Oo qini qiraamuna aneenna irirana qinisaa rusimarianafa mifa kai ani andeeqeenoo doo asooaranaki fua ani aurirafa doo taikeenoo. Miqi qimarufanoo Iairusana maaqaki marusa aniree Iairusana qimamiqau sia ufasaa rakisirana kadaapi arua doo ani araamuna kuqufinoo.

Mataioo 9:29

Yisufa mi ufana iriseenoo qimanniminau. Inneeqara qiniara amanafee qianara miqi qianara sia nipatiani andeeqannisaanaura.

Yoohanee 4:53

Mina akoofa Yisunara oonumafi iriseenoo qinau. Oo mi kamu qoo kai ani faiqi findifuannoo fee qifaqa irunna qoo kai doo findifinoo. Doo mi uriqarara fasiqafa narí faiqi anaasee faqa narí aiku asauku faqa Yisunara kuqaa Anutuna amaaku fee qimasee kuqaa mina saqarikiqau.

Heeburu 4:2

Ooqai inni saimbaqa Isaraee maqannaa ninausa nikausa Anutuna ufa iriqau. Maasa maqee doo irimmaseeqa amiqira fasaasa ufa maridanoo. Indaaru misa mi ufana iriseeqa aqummasaqau. Misa mi ufana naaqoonnai iriseeqa sia naundura nimuqusannai mi ufana qumaraqau. Sia minara kuqaa fee qimasee minasaa irirana rusiqau.

Mataioo 17:18

Yisufa mi afaannana aqiqoofanoo fufanoo mi kumaaraana mikari kai miqoo kai andeeqa aisanau.

Mataioo 8:13

Miqi qimaseenoo Yisufa faiqí anaasee qimanniminoo quandafinoo sundia saideena qimaminau. Doo aneenna maaqai fua. Aneenna irirana qinisaa rusisaannanara doo ani ainainira faiqi andeeqafinoo. Doo anirandee amaaqa fua. Miqi qimasoofanoo mi kamuqoo kai mi aurira fasiqafa moosaa mariufa doo findifinau.