Mataioo 8:9 - Anutuna Ufa

⁹ Qini uriqarara sundiauqa moomoosa mariafaqa qinee misa nimeemaanai maridaqa misa ufamau fidaqa. Qinee akaqa sundiauqa rakisirausa maridaqa. Qinee ufa kai moora fuannee qimarunanoo mifa doo fidanoo. Moora ufannai kai qimamimarunanoo mi ainainna auqaidanoo. Anee Yisufa faqa maqasaa ainaina faqa aurirana oosana oosana ainaina faqa uriqararafa marianaqa qimamidaqa. Minara anee miqooqari kai maridana ufannai kai aurirafa taikaannee qinanoo qini ainainira fasiqa aurirafa taikaannoo.

Mataioo 8:9 Referans Kwoze

Titusa 2:9

Doo aniara qiqa maqee feefauruara ainaini mariasara qianaura. Feefauruara ainainimaria fasiqausa anee maaqi qimasee qimannimia. Misa nári rakisirausa ufara sia rukiaaqa eedoo kai qiaqa. Nári rakisirausa asasiaqee ainainakaimmiaqa. Misa nári rakisiruasa ufa sia ati raqannimiaqa.

Kooroosee 3:22

Innee ainainira faiqiuqa mariasa innaarunai inni rakisirafa maridanoo inni saika oosana qafaidanoo. Innee maa maqanasaaqaraa rakisirausara faqa iriaqa aiqama kari misa ufara faqa eedoo qiaqa. Sia nári niqafainnaqoo kai andeeqasee ainainiaqa, kaqiqoo kaqiqoo faqa amiqimasee ainainiqa fuaqa. Miqi kai iqa sia faiqí anaasee nifusaa, inni nimooqiranara kai irisee ainainiaqa. Innee inneeqa nimuqusa ookiqari karaambaiqara naaquqainaqa minara irisee amiqimasee ainainiqa fuaqa.

Ruka 7:8

Qini uriqarara sundiauqa moomoosa mariafaqa qinee misa nimeemaanai maridaqa misa ufamau fidaqa, qini qimeemaanai moomoo sundiauqa faqa mariafaqa qinee moonara fuannee qunanoo fidanoo moonara aniannee qunanoo anidanoo qeeqa ainainira fasiqara maa ainainna auqaa qunanoo auqaidanoo, anee Yisufa uriqararafa mariananoo anee miqooqari kai aurirafa taikaannee qinanoo qini ainainira fasiqa fannoo findifuani.

Ruka 4:39

Mifa iriseenoo mina qaari aaqa oonureenoo mi auriranara qaoo qufanoo taikoofanoo mi anaaseefa aaqee findifinoo narana deedaqamasee niminau.

Idi Ufa 119:91

Ani naamuaqira ufa marinara aiqama ainaina maqee kaqi maridanoo. Mi aiqama ainainausa ani ainainira faiqiara foora marianara maqee kaqi maridaqa.

Mataioo 8:8

Roomma maqannaa sundia saideena fannoo Yisuna findifinoo mina maaqai firanara iriseenoo qaoo qinau. Sia fua. Sia qini manda maaqaki anee keeqaanneera. Qinee aanaamuru fasiqa ooreeqarausa maridaqa. Anee qini uriqararafa qini maaqaki keeqafinaqa qisauruanoora.

Mataioo 8:10

Yisufa mi ufana iriseenoo tautufanoo aaquqoofanoo faiqí anaasee mina faqa rumbarausa fifiusa qimanniminau. Qini ufa iriaqa. Maa Roomma maqannaa fasiqafa firaaqoo qini saqarikidanoo qinee Isaraee maqannaasaki qeeqa maqannaasaki maqusa maqusa nidaqa sia moo maaqira amiqira fasiqa paquriqa, aanaamuru maridanoommi.

Mareekoo 1:27

Faiqí anaasee mina qafamasoofanoo naaquqoofaqa narí qimami narí qimamiqa qiqau. Maa fasiqafa Yisufa nanee maridanoo, nana fuka naakaparufa qinoo fee. Maa fasiqafa narí Anutufara foora narí afeeka ufannai kaasau afaannauqa qimannimifaqa eedoo kai qimasee rafudamaki fiqa.

Ruka 9:1

Yisufa narí faiqi namu (12) qisaukuqara taikasee qikunni ooqu qaara marasee naarama moodaaqoo quqaseenoo Anutuna afeeka faafasaaqa afaqara afeeka faqa aurirana oosana oosana taikara afeeka faqa niminau.