Mataioo 8:3 - Anutuna Ufa

³ Yisufa mi ufanara iriseenoo narí asauku minasaa munduseenoo asasammasee qinau. Eeoo doo qiananoo amana qiqa irirafa eedoo qidanoo rukammaisaanaura. Miqi qimasoofanoo miqoo kai mina karoora taikanau.

Mataioo 8:3 Referans Kwoze

Ruka 5:13

Yisufa iriseenoo narí asauku uqeerasee minasaa munduseenoo qinau, Eeoo qini irirafa ani dadaaqiraree qidaqa, doo rukafinana maria qufanoo aaqee kai mina karoora rukafinau.

Idi Ufa 33:9

Yaaweefa qufanoo maa maqa maaqafa kambiqanau. Mifa afeeka ufa qufanoo aiqama ainaina kambiqanau.

Mareekoo 1:41

Yisufa mi fasiqana qafoofanoo amuqusa mandaikufanoo asauku uqeerasee mina afaaqasaa munduseenoo qinau, eeoo qini dididanoo doo rukafua qufanoo doo miqoo uqanna aaqee miqi qimarufanoo karoora ruka taikanau.

Yoohanee 5:21

Qini qikoofa kuqira fasiqauqa findifumannisaidanoo. Qinee faqa miqikai iqa qeeqa didiranannoo kai kaqi marirana akaqausa nimianaura.

Mareekoo 4:39

Yisufa findifinoo ufaira doo saa qimasee nammariara amakaura doo taikaa qufanoo ufai uqirafa taikeenoo nammari amakaurirafa taikafinoo doo firaaqoo dai qimafinau.

Oosana 1:3

Mi faasaanna Anutufa qinau, kaaqa qaranara mariannee qufanoo kaaqa qarafa kambiqanau.

Yoohanee 11:43

Yisufa miqi qimaseenoo innaaru qimaseenoo firaa kari kuqirana aareenoo qinau. Rasarusa minakiqari rauda.

Ruka 7:14

Yisufa mina afiqamareenoo narí anoofinnai munaisoofaqa faiqí anaasee firaaqoo naaquqoofaqa Anutuna amooqidaqa qiqau. Uriqarara tamummaqara fasiqa doo maasaki akooqoo kooroomafinoo maridanoo fee qufaqa akaqausa maaqi qiqau. Anutufa doo narí maqannaasa ooqai qimaqoo dadaaqianinafa doo ani maridanoo.

Mareekoo 5:41

Yisufa mi kuqira manaaqana asauku qumareenoo nári ufakiqari kaqikaa manaaqa qinee ani qimamidaqa doo findi fua qimasoofanoo mifa aaqee findifinoo doo ninau. Minaki marusa mina qafamasoofanoo naaquqeenoo naindiri ranau. Mi manaaqafa qisaukuqara taikasee qikunni ooqu qaara aukuana marasoo maanaaqafa marunara naaquqanau.

Yoohanee 15:24

Qinee misa nifusaa faiqí sia auqaaqaa ira ainaina auqaafannana sia maqasaa fasiqa moo fannoo mi ainainna auqoofanoo anoona kambiqanau. Qinee sia miqimaseeqa mi ainainna auqaananoofau misa numoo sia mariqini. Qinee oosana oosana ainaina auqaunaqa misa sia amiqimasee maaqanda qisakoosara irirai maaqandara fidiaqaamma qimaqaidaqa.

Rafudoo Akarafa 4:7

Anutufa kafaa qinau aneenna asauku kaifaa upeekaa qufanoo upeekaseenoo radukusee qafoofanoo asauku mau namuandaundau irafa sia marinau. Dinniara foora kai marinau.

Mataioo 12:13

Miqi qufanoo mi fasiqafa asauku uqinau. Uqusoofanoo asauku amiqinau, dinni asaukuara foora amiqinau.

Ruka 4:27

Anutuna tamummaqara fasiqa Eerisaafa maru aukuana narí maqannaasa Isaraee maqa maaqaki karoora nárí marusa moomoo mariqau, Eerisaafa sia misa karoora taikannisanau, aanaamurua Siria maqusanaasa uriqararana auqu Naamana mina karoora kai taikamaqanau. Innee qiniara sia tamummaqara fasiqa fee qimariafanoo qiniara nikooqee mariafanoo qinee faqa miqi kai iqa qeeqa maqusanaasa inni sia amana dadaaqianaura.