Mataioo 8:15 - Anutuna Ufa

¹⁵ Yisufa mina qafeenoo asauku qumaranau. Asauku qumaroofanoo aurirafa taikanau. Taikafufanoo mi anaaseefa aaqee findifinoo narana aina Yisuna aminau.

Mataioo 8:15 Referans Kwoze

Ruka 8:54

Yisufa mi manaaqafa rinoo marunnai oonureenoo mina asauku qumareenoo qimaminau, qini qiraamuna findi fua.

Mareekoo 1:41

Yisufa mi fasiqana qafoofanoo amuqusa mandaikufanoo asauku uqeerasee mina afaaqasaa munduseenoo qinau, eeoo qini dididanoo doo rukafua qufanoo doo miqoo uqanna aaqee miqi qimarufanoo karoora ruka taikanau.

Mataioo 20:34

Miqi qimasoofanoo Yisuna kaaqa amuqusufanoo asauku nifusaa mundinau. Mikari kai misa nifu maqasoofaqa miqanda Yisuna faqa fiqau.

Mataioo 14:36

Aurimarusa misa anireeqa maasa moomoosa marida Yisufa sia maasa aiqama andeeqaqisaandoora qamunna atikai amanee maasa kaqi auqaananoo aurirafa taikaannoo fee qufanoo Yisufa eedoo qimasoofaqa mina qamunna ati auqamasoosa aurirafa aiqama taikeenoo amiqi uqannammannisanau.

Mataioo 9:29

Yisufa mi ufana iriseenoo qimanniminau. Inneeqara qiniara amanafee qianara miqi qianara sia nipatiani andeeqannisaanaura.

Mataioo 9:20

Fimarufanoo anaasee moo fannoo aanaaqianaindari oonureenoo mina qamunna ati ireeda auqanau. Mi anaaseefa kisaaqandaikufa qisaukuqara taikasee qikunni ooqu qaaraqanda aukuana marasoofa marinau.

Mataioo 8:3

Yisufa mi ufanara iriseenoo narí asauku minasaa munduseenoo asasammasee qinau. Eeoo doo qiananoo amana qiqa irirafa eedoo qidanoo rukammaisaanaura. Miqi qimasoofanoo miqoo kai mina karoora taikanau.

Mataioo 8:14

Yisufa miqooqari Peetooroona maaqai finau. Oonuree qafoofanoo Peetooroona airaamaku anaasee aurimarinau. Afaaqa ididi marufanoo aurida faiqaqee marufanoo.

Mataioo 8:16

Mi eenoonnai mi maqusaanaasa nári aurimarusa faqa fueenaikimarusa moomoosa faqa nifiqee Yisufinnai minni quqee mariqau. Minni quqasoofanoo Yisufa ufannai fueena niqiqoofaqa quqasee fiqau. Aurusa Yisufa misa aurirana faqa taikannisanau.

Mareekoo 1:29

Misa mi amaana maqanakiqari rafudamakufaqa Simoonasa Andurusa maaqaki fiqau. Yameesa Yoohaneesa misa faqa fiqau. Yoohaneefa nammari nimimaruna amarafa Yisuna aiku asaukukirafa marufa misa faqa finau.