Mataioo 7:7 - Anutuna Ufa

⁷ Anee ainainara sarauqinana Anutunara innaaru qinanoo ani amiannoo. Ainainara sarauqinana Anutufinnai randainanoo mifa uqafiqaani. Ainainara sarauqinana Anutuna kooqi arinanoo mifa kooqi rafaqaamasee ani amiani.

Mataioo 7:7 Referans Kwoze

Mataioo 21:22

Kaifaa anee nanainainaree Anutunara iraidanee anee aneenna irirana Anutunasaa rusisainafa marinana anee moo ainainara innaaru qinanoo mifa mi ainainna kai ani amiannoo.

1 Yoohanee 3:22

Paasoosidaqa maasa nana ainainaree sarau ianna ainainnara innaaru qiananoo Anutufa maasa qimiannoo. Maasa mina ufara qimuqusannoo eedoo qimasee Anutuna aidimari oosana maraidaqa iraanna ainainara qiananoo mifa qimiannoo.

Yoohanee 15:7

Innee qiniki marirara kai idaqa marifaqa qinee qimannimunna ufafa inniki marirara kai imarinaqa innee nana ainainaree qiniara iraifaqa nimianaura.

Mareekoo 11:24

Minara qinee inni maa ufana faqa qimannimidaqa innee moo ainainara innaaru qidaqa inni irirafa doo mareera foora miqiunoo qimasee irirana Anutunasaa rusisaifanoo aiqama innaaru qimariana Anutufa inni nimiannoo.

Mataioo 6:33

Innee Anutuna ququsara faqa inni andeeqarafa Anutuna andeeqara fara foora marinaqa mi irirafa kai marinanoo niqinaaqa mara quqaseeqa fifanoo maasa narana aina faqa qamunna ainaina faqa Anutufa qimiannoo.

Mataioo 7:8

Aiqama ireemariasa mareefaranoo. Randeemariasa paqurifaranoo. Kooqi arimarifa mifa kai kooqi paqurinoo maaqaki keeqafinoo irai ainaina maraannoo.

Yoohanee 15:16

Sia innee qini rusandeesamumandee qini qumaraafanoo. Qinee naaree inniara rusandeesamumandee inni qumareeqa. Inni marirafa nirafa qini daanna ramasee mariaqeera qinindikiaqeera qimasee inni mareeqa. Mi marira oosanafa sia putaa iannoo afeeka kai mariannoo. Innee minara irisee nana sarauimari ainainaree qini qikoofinnai innaaru qimasee qini duqusaa innaaru qimasaifanoo nimiannoo.

Heeburu 11:6

Sia faiqí moo fannoo dapi marirana niranannai Anutuna asasirana maraannoo, minara narí Anutunasaa irirana rusiranannai kai mina asasirana maraannoo. Faiqí anaasee moo fannoo faasa Anutunara kuqaa maridanoommifoo qimarinafa, Anutufa narí andeeqara oosanara randeemarisa amiqira ainaina innaarunai nimiannoommifoo qimarinafa mi ufaqanda qimaria fasiqa aanaaseesa kai Anutufinnai fifaranoo.

Aaquqira Ufa 8:17

Qiniara rimariasara qinee faqa misara ridaqa. Nimudaanai qimasee qiniara randee mariasa misa qini paqurifaranoo.

Idi Ufa 10:17

Oo Yaawee anee oorudupirausa innaaru irinnaranoo. Anee misa paasoosirana niminnaranoo.

Yoohanee 4:10

Akasaa Yuda maqannaafammia. Sia Yuda maqannaasa Samaria maqannaasa kaafa piritaki naidammia. Qinee Samaria maqannaa maridaqammu. Anee naqi fee qidanee nammariara qiniara innaaru qidanee. Yisufa minara iriseenoo maaqi qimasee narí qimaminau. Anee Anutuna nimira ainainara faqa qiniara faqa irimarinafa maridanau qiniara irainaqau naaru marira nammari ani amini.

Mataioo 18:19

Qinee kaifaa moo ufa qimannimidaqa. Qaara fasiqa maa maqanasaa maqasaaqaraa nana ainainaree moodaaqoo naundura quqasee iraifanoo innaarunai qini qikoofa mi ainainna nimiannoo.

Yameesa 5:15

Misa naundura Yisunasaa mundusee innaaru qidaqa mi innaaruqirafa aurira fasiqa anaasee mara findifuannoo. Karaambaiqa fannoo marafindifidanoo mina aaqarafa marinanoo karambaiqa minnisaannoo.

Idi Ufa 27:8

Anee qiniara aniree qini qimooqiannee qianaqa Yaawee, qinee eedoo qimasee anianaura.

Ruka 18:1

Yisufa narí faiqi namuara sia nikoo nikaa masee innaaru qiranara minnisaaqee maqee maqee afeekaikamasee innaaru qiaqeera quandara ufa qimanniminau.

Mataioo 7:11

Innee manda oosana maree mariasa mariafanoo inneeqa faiqi namu innaaru qiafaqa amiqira ainaina kai nimimariafanoo. Innaarunai nikoofa amiqirafa uqanna maridanoo minara innaaru qimarinausa minara narí firaaqoo amiqirana amana kai amiqira ainaina kai nimiannoo.

Idi Ufa 50:15

Ummaara inniki kambiqafinaqa qini daaraifaqa qinee inni dadaaqianaqa innee quandakina qini qimooqiaqa.

Roomma 2:7

Akaqa fasiqa anaasee amiqira oosana kai maraqa nidaqa innaarunai areenarana faqa innaarunai nuqu uqeerarana faqa naaru naaru mariranara faqa randaidaqa. Miqi mariasa Anutufa naaru marirana nimiannoo. Akaqausa nári nifaaqara kai ridaqa andeeqarana futeeqaidaqa aaqaranaki kai fidaqa. Misasaa Anutufa narí aanoo qirana faqa narí aranaqarana faqa nammariara foora adiannimaqaannoo.

Idi Ufa 119:12

Oo Yaawee qinee ani amooqidaqa. Aneenna oosanara qimaqimia.

Idi Ufa 86:5

Oo Yaawee, anee maasa amiqimma qisaseenana maasa numoo minni qisee mariananoo. Aniara innaaru qimariasara ani misara amuqusirafa firaafa maridanoo.

Idi Ufa 70:4

Oo Yaawee anee iannannai ani mariasa asasidaqa nasuriaqa. Ani asumu mariranara nidimarisa, maaqi qiaqa. Yaaweefa uriqararafa maridanoo fee qiaqa.

Idi Ufa 69:32

Kudi fasiqauqa mina qafamasee asasammifaranoo. Innee Anutunara randeemariasa inni irirana afeekaikamma nimaqaannoo.

Idi Ufa 10:4

Manda oosana maree mariasa sia Yaaweenara qeerairidaqa. Nári nasuriranakiqari Anutunara sia anoonee qidaqa.

Ruka 13:25

Mi maqana akoofa findifinoo kooqi atukarasainaqa misa madaanaindari kooqi aridaqa maaqi qifaranoo, kooqi atuaqisainaqa keeqaanee qifanoo maaqa akoofa maaqi qimasee qimannimiannoo.

Idi Ufa 34:4

Qinee Yaaweenara innaaru qunanoo mifa qini dadaaqinoo. Qini rufiaranakinaana iduku qiseenoo.

Idi Ufa 37:4

Yaaweenaki asasamasee marinanoo ani amuqusaki aidimari ainainna ani amiannoo.

Oosana 26:32

Doo mi faasaanna Isakeena ainainira fasiqa namu nammari madika indufu qoonaki nammari paqurimmasee Isakeena qimamiqa qiqau. Doo maasa nammari paquriqa.