Mataioo 7:6 - Anutuna Ufa

⁶ Innee amiqira narana faini nimidee. Sia nimimariafanoo. Faini sia mi amiqira naranna aminnanara iriannoo amina namaseenoo kaqi quandafinoo ani ukaqa amiannoo. Aneenna afaaqa auqira ainaina kuarauqa nimidee, sia nimi mariafanoo rakeekaamminoo doona ramasaannoo. Miqi kai masee innee furufarira fasiqa anaasee irimari ainainna sia nimiaqa. Sia irifaranoo. Faini kuara rakeekaa inoo doona ramasaani.

Mataioo 7:6 Referans Kwoze

Aaquqira Ufa 23:9

Anee sia furufarira fasiqa ufa amia. Mifa ani ufara sia asasiannoo.

Aaquqira Ufa 26:11

Furufarira fasiqa fannoo ooqai furufarira ainaina auqeeundee inoo kaifaa auqaidanoo. Fainiara foora fidisee quandafi kaifaa naidanoo.

Firipi 3:2

Innee mandoosana maree mariasara eerairida aufariaqa misa kaasau fainiara foora maridaqa misa Yuda maqannaa oosana marida fainanduqiranara afeekaiki mariasa maridaqa. Misa fainanduqirana nariqa faina kafaqianda uqiranara anoona ainainee qimasaidaqa miqidaqa aaqaidaqa miqidaqa, maasa kai anoona faina kafaqianda uqimarunausara foora maree marunausa maridaqa.

Mataioo 15:26

Yisufa iriseenoo qimaminoo qinau. Kamaa suqasee faiqiuqaindi nimiraree qimasee sia quandaki faini nimia, sia mi oosanafa miqinoo maridanoo.

Heeburu 10:29

Faiqí moo fannoo Anutuna amaakuara akooqainafa mina arirafa firaaqoo fiqaranoo mariannoo. Mi fasiqafa Anutuna moodaanaki kira ufa fidikara narí mi fasiqana numoo rukasainnanara qikoo fee qinafa faqa Anutuna afaari mari maraqunara faqa mandufa qinafa, mi fasiqana arirafa sia Mooseena aanna raannoo, fiqaranoo mariannoo.

2 Peetooroo 2:22

Misa ooqeenaasa ufamau fidaqa faini narí fidirana kafaa narí naidanoo, kuarara foora afaaqa nammari uqusainanoo kafaa oonu dikoomaki doona reeree mareenoo anidanoo misa miqimmidaqa.

Mataioo 24:10

Moomoosa mina qafamasee rufiasee qini Yisusaki mariasa quqasee minniseefaranoo. Moomoosa narí ueeqee narí ueeqee qifaranoo narí akooqee narí akooqee ifaranoo.

Aaquqira Ufa 11:22

Amiqira afaaqa faqaa anaasee maridanoo irirana furufari marifa kuara aanna raidanoo. Amiqira afaaqa faqaafa fifau maridanoo.

Heeburu 6:6

Misa mi ainainausara nikooqaifaqa kaqirunna fidaqa sia amana misa kafaa aupuramasee quandakinaqa kafaa Anutuna aanai ubeekeefaranoo. Misa miqimariasa Anutuna amaaku kafaa aunirira saqarisaa quqasee pirimma aridaqa miqidaqa aiqamausa nifusaa asaurirana amidaqa miqi mariafanoo.

2 Koorinti 11:26

Qinee Yisuna ufa qimannimiqa nimariafanaqa moomoo aukuana maqusa maqusa nuafannanakina qinee moomoo kari qimeekee mariqiafana nammari aufunaki faqa nipuraraa fasiqauqaki faqa Yuda maqannaasaki faqa aanaamuru mariasaki faqa firaa taunaki faqa kaasau maqa maaqa oombura maqa maaqaki faqa ooruku nammari firaa farumaki faqa qikaru qimaru aqoondisa faqa misauqakina moomookari kuqirara qimeekeeqa.

Aaquqira Ufa 26:4

Sia anee furufarira fasiqa fannoo ani manda ufara irainana mina faqa ufa qia. Ani faqa mi furufarirafa aaku finana miqinafaara.

Mataioo 7:5

Qaaraiki marianafa mandaiki marianafa. Aneenna naaree aneenna afukina mee firaa saqari akatia marina mara aquseenana andeeqaseenana afu maqaseenana miqoo quandafinana aneenna akaqaafasaa afuki kaqikaa saqari arai marinnana mara aqinanoo andeeqara oosana mariannoo.

Uqafiqoo Ufafa 22:15

Mi maqusana aqoosai kaaqa ufa rukiee mariasa faqa aukainaina maraqa nuasa faqa faiqí anaasee nariara nariara fanandi mariasa faqa faiqí anaasee kuqa narí mariasa faqa saqarinnai faiqí nimana auqusaida innaaru qimariasa faqa unna oosana auqimariasa faqa unna ufa qimariasa faqa misa aiqama aqoosai marifaranoo.