Mataioo 7:21 - Anutuna Ufa

²¹ Yisufa kafaa maaqi qimasee qimanniminau. Faiqí fifau misa nookiqari qiniara karaambaiqee karaambaiqee qimariasa sia innaaruna ququsaki fifaranoo. Qini innaarunai qikoona iriranamau fimariasa misa kai innaaruna ququsaki keeqeefaranoo.

Mataioo 7:21 Referans Kwoze

Roomma 2:13

Sia Mooseena sandufa naaqoonnai irimariana sia minau Anutufa narafusaa andeeqaranaki faiqí anaasee quqaidanoofau, mi sandufana marasee imariana andeeqasee auqee marianannai kai Anutufa narí andeeqaranaki quqannisaannoo.

Ruka 6:46

Innee nanaree qini Yisunara karaambaiqee karaambaiqee qidaqa qini ufa sia irida fee, faiqí moo fannoo qinee marunannai anireenoo qini ufa irimarifa mina oosana maaqimminoo marida.

Yameesa 1:22

Sia anutuna ufa naaqoo kai irisee minnisee oo qinee. Anutuna ufa irimarunausee qiaqa. Miqi qidaqa nariqa nikaru qidaqa. Naaqoo iriseeqa nisaukukoo qumaraaqa.

Ruka 11:28

Miqi qufanoo Yisufa quandafi mi ufana qaoo qinoo qinau, abee Anutuna ufa irisee mi mau fimariasa misa kai firaaqoo asasirausa maridaqa.

Titusa 1:16

Amiqi mariasa anirarisameeqee mandaki quqeemariasa misa nári nookiqari maasa Anutunara iridee qimasaidaqa quandaki nári auqee maria ainainafa moomau fimarifaqa maasa qafamasee unna qidammiafoo qidaqa. Faiqí aanaaseera fidiaqaaimariasa ufa rukiee mariasa mi manda fasiqausa maridaqa. Amiqira saikara sia amanaiki mariasa maridaqa.

Heeburu 4:6

Indaaru marusa misa Anutuna amiqira fasaasa ufa irisee sia mina idooaranaki keeqaqau. Nariqa ufa sia irunnannai sia idooaranaki keeqaqau. Akaqausa Anutuna faqa keeqeefandinausa marianara moo keeqaaninna faasaana quqasee maqee kamuqoo fee qinau.

Yoohanee 6:40

Qini qikoofa maanara ridanoo. Mina amaaku qiqafee mariasa minasaa irirana rusimariasa mi kamuqoo kai naaru marirana mareefaranoo. Taikara faasaana qinee misa uqeereeqee naaru mariranaki quqannisaanaura.

Uqafiqoo Ufafa 3:5

Mandainaina fannoo inni maqee maqee rafaaqafimarifaqa mi manda ainainna uriqararausa inni naanna ramasee eekara qamunna afisunnimaqarara qidaqa inni nuqu faqa naaru kaqi marira papiqakinaana sia ateekaanaura kaqi marianifeera qidaqa. Qinee qeeqa qikoona oorisaa faqa mina qangiroo misa noorisaa faqa innee qikairi siaisara qini faiqi namu fee qianaura.

1 Peetooroo 4:2

Nipatasaa nidafirana naruqooqari innee maa maqanasaa maridaqa inniqa nidira mandainaina fannoo sia inni mara quqaannoo, Anutuna irirafa kai inni mareeqee quqaani.

Heeburu 13:21

Anutufa asooarana faqaafa innee mina iriranamau fifandinna oosana akoofasaikirana inni niminaqa fuaqeera. Anutufa asauku mundiranannai maasa faqa mareeqeenoo narí aidira oosanaki narí iriranamau firanaki quqannisaani. Aiqama amooqirafa faqa kaaqa areenarafa faqa asauku mundiranaindi naaru naaru mariannoo. Kuqaa.

Mataioo 12:50

Faiqí anaasee yausee innaarunai qini qikoona iriranamau fimariasa misa kai qini qikaqa faqa qini dauna faqa qini qinausa faqa maridaqa.

Uqafiqoo Ufafa 22:14

Nári qamunanda nammari uqusee anukara qamunna faqaasa misa kai amana fuka Yeerusaree maqusa kooqiki keeqafiqa kaqi naaru marira saqari qaqamma amana diqisee neefaranoo. Miqimariasa asasifaranoo.

Yoohanee 3:5

Yisufa iriseenoo qimaminoo qinau. Qinee anoona ufa ani qimamidaqa. Faiqí kaqimarinausa sia uqanna Anutuna ququsaki keeqeefaranoo. Anaasee aranandaki kambiqainausa quandafi Anutuna maraqunannai faqa fukasaa aanaaqi kamafinausa kai Anutuna ququsaki keeqeefaranoo.

Mataioo 18:3

Qinee kuqaa anoona ufa inni qimannimida. Innee sia oonu quandakinaqa sia kafaa aanaaqi aanaaqi kammafinaqa innaaruna ququsaki sia fifaranoo.

Yoohanee 7:17

Qini ufa Anutunaindi fee qinee qeeqa fee qidee. Faiqí moo fannoo Anutuna iriranamau firarimarifa qini ufara Anutufa fee qiannoo.

Roomma 12:2

Minara irisee maaqimmiaqa sia maa maqa maaqanasaa mariasa naanna raaqa. Innee eedoo qifanoo Anutufa inni nitikura amiqimmasee firaaqoo quandanniseenoo naunduraki nirana faqa quandannisaannoo. Innee miqimmaseeqa Anutuna irirana faqa Anutuna aidirana faqa amiqiranee qimariana faqa idaaqiranee qimariana faqa amiqimandee irifaranoo.

Eefeesusa 6:6

Sia misa eedoo qira ufara kai irisee misa nifusaa kai ainainiaqa, inneeqa nimuqusannai Anutuna ufamau asauku mundirana ainainidara foora amiqimasee ainainamannimaqaaqa.

1 Peetooroo 2:15

Furufari mariasa inni Yisuna ufa irimariasa minara manda dapi ufa inni nimifaqa sia aanooqirana nariranannai rafaaqafuaqa. Anutufa inniara inneeqa amiqira nira mariranannai mi furufarirana qiqanuasa ufa rafaaqafuaqeera qidanoo.

Mataioo 25:21

Mina rakisirafa minara iriseenoo doo qimaseenoo irinau. Iriseenoo maaqi qimasee narí ainainira fasiqa qimaminau. Oo anee amiqira fasiqa oori runuseenana ainaini marianafa andeeqara fasiqa uqanna, anee kaqikaa ainainasaa faqa andeeqasee rakisimarianafa mariananoo. Minara qinee firaa ainaina aiqama ainainasaa rakisirana anisaa kai quqaanaura. Sia anee kaqi ainainira faiqifau marinnandia. Anee qini faiqiara foora marinnaranoo. Anee faqa qinee faqa moodaanaki asasirausa marianaura.

1 Teesaroonika 4:3

Anutuna irirafa inniara maaqimminoo maridanoo inni andeeqara naaquqarafa marinaqa faiqí anaasee narí ummuari narí ummuarirafa sia inni rumbanoo mariani mandainainakiqari idukirausa naanna ramasee mariaqee qiaqa.

Kooroosee 4:12

Eepafaraasafa inni Kooroosee maqannaafa mai maridanoo inni nimandaidanoo. Mifa faqa asauku mundirana Yisuna ainainira faiqi maridanoo, mifa inni Kooroosee maqannaasara andeeqasee Anutuna ufa nimandakusee irisee mi mau andeeqasee fuaqeera afeekaikamasee innaaru qidanoo. Innee kooroosee maqannaasa faiqí firaasara maqi mafi amiqimasee Yisuna aiku oosanaki ooqumarifi afeekaikiqa mariaqeera innaaru qidanoo. Innee miqiaqeera Eepafaraasafa inniara maqee maqee afeekaikamasee innaaru qidanoo.

Ruka 13:25

Mi maqana akoofa findifinoo kooqi atukarasainaqa misa madaanaindari kooqi aridaqa maaqi qifaranoo, kooqi atuaqisainaqa keeqaanee qifanoo maaqa akoofa maaqi qimasee qimannimiannoo.

Ruka 18:25

Qoosa fannoo ukaamaraki ruqiqaki firafa sia amanaikiannoo, qumiasana moomoo faqaafa innaaruna ququsaki firara miqi kai inoo sia amanaikiannoo.

Mareekoo 9:47

Aninna afu aaqoo fannoo ani mareeqee Anutuna ufamau firanakiqari kaqinni ubeekee marina mina imbasaa. Anee moodaa afu aaqoo faqaafa Anutuna ququsaki keeqarana amana maria. Qaara afu aaqoo faqaafa idaki aqufirafa sia andeeqanoo mariani.

Mataioo 19:24

Qinee kafaa qianaura. Amanee qoosa fannoo uka aamarai keeqaannoo fee. Sia amana fuannoo titiqiannoo. Doo miqi kai masee ainaina faqaa fasiqa innaaruna kooqiki keeqarara anuquannoo.

Mataioo 18:35

Yisufa mi ufana qimaseenoo narí faiqi namu maaqi qimasee qimanniminau. Innee faqa sia inneeqa niqoonausa inneeqa naundurannoo misa nikiaqara mi aikana sia tatiqa aunifanoo qini innaarunai qikoofa faqa miqi kai inoo inni aika sia tatuannoo.

Yoohanee 15:23

Faiqí moo fannoo qiniara fidiaqaammidanoo qini qikoonara faqa fidiaqaammidanoo.

Mataioo 26:42

Miqi qimaseenoo Yisufa kaifaa kaqikaa qoo oonureenoo innaaru qinoo qinau. Oo qini qikoofa anee amanee sia kuquana nammarina qiminnaree anee sia minniqisainaqee sia kuquanauree. Sia qeeqa iriranannaifau qidau anee qinandee, qinaqa miqimmiqa kuquanaura.

Mataioo 16:17

Yisufa iriseenoo narí qimaminau. Oo Simoona Yoonaana amarana amaaku, maqasaa fasiqa sia miqi qimasee ani qimamiaqini. Innaarunai qini qikoofa mifa kai ani aaqoosaa rinoo. Minara anee asasimarianafa mariananoo ani qimaminoo.

Uqafiqoo Ufafa 2:27

Niminaqa kasooqaqee naaru misa moo maqannaasa urinaaqaramasee ainna faaqaanannai misa qafeera foora rukamifaranoo. Qinee iqaqara duqudeeqi faqa nimianaura.

Yoohanee 14:7

Innee qiniara irifau qini qikoonara faqa irini. Maqee mariaqooqari qini qikoonara iriqa qini qikoona qafee mariafanoo.

Yoohanee 5:17

Yisufa mina iriseenoo rakisirausa maaqi qimasee qimanniminau. Qini qikoofa sia moo faasaana minnisaidanoo aiqama faasaana ainainidanoo. Qinee faqa miqikaimmianauranoo.

Mataioo 26:39

Miqi qimaseenoo mifa kaqikaa qoo nariara oonu oorindari mi saqamanaki maqasaa aqufufanoo innaaru qinoo qinau. Oo qini qikoofa amanee anee sia qini minniqisainaqee sia kuquanauree. Sia qeeqa didiranara iridaqa ani aidiranara dididanoo, anee qinaqa kuquanaura.

Mataioo 18:10

Innee aufariaqa. Sia uqanna faiqi aanaaqi moo fannoo maaqirafa akoo uqannaqaani. Innee mi oosannara eerairiaqa. Minara qimannimianaura. Innaaruna maqusai qangiroouqa maqasaaqaraa faiqi aanaaqi misa naadu naadu rakisinnimaqara qangiroouqa qini innaarunaindaraa qikoona oorisaa kikiqidaqa nári faiqi aanaaqi maa maqanasaaqaraasa rakisinnimaqaranara Anutuna qimamidaqa mina oorisaa maridaqa.

Mataioo 18:19

Qinee kaifaa moo ufa qimannimidaqa. Qaara fasiqa maa maqanasaa maqasaaqaraa nana ainainaree moodaaqoo naundura quqasee iraifanoo innaarunai qini qikoofa mi ainainna nimiannoo.

Mataioo 25:10

Misa fufanoo amundara fasiqa irirana faqaasa maruqoo anireenoo ai misa nifiqeenoo firaa maqaki keeqaqau. Keeqafufaqa misa kooqi ititaseeqa narana neemariqau.