Mataioo 7:2 - Anutuna Ufa

² Anee mi aikana kai raquru niminaqa Anutufa mi aikanannai kai ani faqa raquru amiannoo. Anee nana aqira ufa faiqí anaasee akaqausa niminanoo Anutufa mi ufanannai kai aninna rafaaqafu amaqaannoo.

Mataioo 7:2 Referans Kwoze

Yameesa 2:13

Innee inneeqa niqoonausara sia nimuqusirana nimifanoo Anutufa faqa inniara faqa sia amuqusirana nimiannoo. Nariqa niqoonausara nimuqusidaqa dadaaqimariasa sia Anutuna ufara rufieefaranoo, amiqimasee marifaranoo.

Mareekoo 4:24

Yisufa kafaa maaqi qimasee qimanniminau, innee naaqoo irimari ufanara amiqimandee rakisiaqa. Anee nana ufa fee faiqí anaasee niminanoo Anutufa mi ufanannai kai aninna rafaaqafu amaqaannoo sia aneenna qinnana amana kaifau ani rafaaqafu amaqaannoo fau fiqaramasee ani rafaaqafuamaqaannoo.

Ruka 6:38

Innee faiqí anaasee kaqi nimifanoo Anutufa inni faqa kaqi nimiannoo, mifa firaaqoo qumbiqasee rairaamasee inni nimiannoo, innee faiqí anaasee niminnandee kai maseenoo Anutufa inni faqa nimiannoo. Anee faiqí anaasee nimira oosana Anutufa qafamasee mi nimira oosanamau kai inni nimiannoo.

Uqafiqoo Ufafa 18:6

Misa inni mandaikamma nimaqoondee kai innee quandaki nári nimiaqa. Misa inni mandaikamannimaqoona akiaqara innee quandaki qaaraikamandee nimiaqa. Misa manda nammari inni nimunara innee quandaki mi kaafanaki kai idaqainna nammarina firaaqoo nimifaqa naaqa.

2 Koorinti 9:6

Moodaa asumu ummaqimarifa moodaa kai aiquannoo moomoo ummaqimarifa moomoo aiquannoo. Qinee Pauroosa minasaaqari inni dadaaqira oosanara maaqi qidaqa.

Idi Ufa 109:17

Mi manda fasiqafa niqurara ufa qiranara kai aidimarifa marinara anee mina akiiqara aqurara ufa kai amia. Mi manda fasiqafa amiqi amiqimma nimaqaranara fidiaqaa imarinara sia moo fannoo mina amiqi amiqimma amaqaaqanani.

Mataioo 6:14

Yisufa mi ufanara kaifaa maaqi qimasee qimanniminoo qinau. Innee inneeqa niqoonausa faqa aanaamuru faqa manda oosana akiaqara mininnisaifanoo innaarunai nikoofa inni manda oosana akiaqara faqa minnisaannoo.

Rafudoo Akarafa 21:24

Nifu dimbasainaqa narí afu faqa dimbaaqa. Nifai itairisainaqa narí afai faqa itairiaqa. Nisauku raudasainaqa narí asauku faqa raudaaqa. Niku itairisainaqa narí aiku faqa itairiaqa.