Mataioo 7:14 - Anutuna Ufa

¹⁴ Kaqi marira kooqi tiqeeraikinoo maridanoo, mi aanafa faqa tiqeeraikinoo maridanoo, afeeka aatata maridanoo. Faiqí anaasee moodaa moodaa mi tiqeera kooqina paqurida fimariafa maridanoo. Innee miqoo kai fuaqa.

Mataioo 7:14 Referans Kwoze

Mataioo 22:14

Yisufa mi ufana maaqi qimasee rafaaqafinoo qinau. Anutufa moomoo naaramasaifaqa. Misa aniraifanoo Anutufa misakinaana moodaa kai moodaa kai nariara maraidanoo. Moomoosa sia amanaikidaqa.

Roomma 12:2

Minara irisee maaqimmiaqa sia maa maqa maaqanasaa mariasa naanna raaqa. Innee eedoo qifanoo Anutufa inni nitikura amiqimmasee firaaqoo quandanniseenoo naunduraki nirana faqa quandannisaannoo. Innee miqimmaseeqa Anutuna irirana faqa Anutuna aidirana faqa amiqiranee qimariana faqa idaaqiranee qimariana faqa amiqimandee irifaranoo.

Mareekoo 8:34

Miqi qimaseenoo narí faiqinamu faqa naarama quqaseenoo qimanniminoo qinau, moo fannoo qini faqa fuani qinafa narí maaqoo mariranara minniseenoo qini ufa saara qini daanna ramasee eedoo qimasee kuqiranaki fuannoo.

Aaquqira Ufa 8:20

Qinee andeeqara aatata kai fidaqa. Qinee ufa amana amana kai raina nimaqara aatata fidaqa.

Yoohanee 16:33

Innee qinisaa atooaqa marifandinnanannai asooaranaki marifaranoo. Maa maqanasaaqaraa irirana mareemariasa aupurarana oosana oosana nimianinnanara maa ufana qimannimidaqa. Sia rufiaqa rufiaqiaqa doo qinee maa maqanasaaqarasa doo rafaaqafuseeqa, minara kaqi paasoosiaqa.

Mataioo 20:16

Yisufa minara narí faiqi namu qimanniminau. Miqi kai masee Anutuna ququsaki indaaru fimariasa misa nári ainainirana akiaqara marasee ureeqarausara fooqiara marifaranoo. Ninaaqianna fimariasa miqi kai masee nári akiaqara mareefaranoo misa uriqararausara foora marifaranoo. Aiqamausa amana amana kai mareefaranoo.

Ruka 12:32

Oo innee qini faiqi namu, innee qini aandau aanaaqi firimariasara foora mariafanoo sia rufiaaqa inni innaarunai nikoofa asasamasee innaaruna ququsa inni nimiraree qidanoo.

Roomma 9:32

Naqi fee mandee sia paquriqau. Misa Anutufinnai firana nári kadaapiriranasaa kai mundinoo maridanoo sia saqarikirafa minasaa mundinoo maridanoo. Misa anoona aana Yisunamau fimarianara qaoo qimasee Yisunara oonisaara foora niku amaki saamuriqau.

Yoohanee 16:2

Kasooqaqee faiqí misa nariqa amaana maqakiqarifee ufa suqira maqakiqarifee aanoommasee inni niqiqeefaranoo. Kasooqaqee nariqa aaqamasee kuqaa Anutuna dadaaqidee qiqa inni kuqa narifaranoo.

Idi Ufa 16:11

Anee kisaaqasaa maa maqanasaa marira aana qini uqafiqeennaranoo. Ani afusaa marunafa asasirana qumbiqa qimaqaidanoo. Mifa naaru naaru marira asasirana qimidanoo.

Mataioo 7:13

Innee innaaruna aatata fiqa tiqeera kooqiki keeqafi fuaqa. Idaki fimaria kooqifa firaafa maridanoo. Mi aanafa faqa firaafa kai maridanoo. Nianasaa mafi aqirafa firaaqoo maridanoo. Faiqí anaasee moomoosa maqee maqee miqoo fimariaqoo maridanoo.

Mataioo 7:15

Innee unna qira amaana ufa qimannimira fasiqauqara eerairiaqa. Misa maaqeena faini reendeenira faini apata afisirafa aniraannoo, minara rufiaaqa. Aundurai kaasau faini miqirafa maridanoo. Ukaqa nimiandoora minara rufiaaqa.