Mataioo 7:13 - Anutuna Ufa

¹³ Innee innaaruna aatata fiqa tiqeera kooqiki keeqafi fuaqa. Idaki fimaria kooqifa firaafa maridanoo. Mi aanafa faqa firaafa kai maridanoo. Nianasaa mafi aqirafa firaaqoo maridanoo. Faiqí anaasee moomoosa maqee maqee miqoo fimariaqoo maridanoo.

Mataioo 7:13 Referans Kwoze

Aaquqira Ufa 16:25

Faiqí anaasee moo aanara andeeqara aanammifoo qimariafanoo mifa kuqi maria aanafa maridanoo.

Yoohanee 14:6

Yisufa iriseenoo maaqi qimaseenoo qimaminoo qinau, qinee mi aanausa maridaqa. Qinee kuqaa anoona ufa maridaqa. Naaru naaru marirafa qiniki maridanoo qinee misa maridaqa. Sia moo fannoo kaqi qini qikoofinnai fidanoo qinimau kai fifaranoo.

Yoohanee 10:9

Qinee Anutuna ququsa kooqi maridaqa yafasiqa aanaaseefee kooqisaarafoo qinisaa keeqee marinafa Anutufa mi fasiqanaaseesa kuqiranakinaana marasee innaaruna asumu mariranaki quqaannoo. Mi fasiqanaaseesa Anutuna ququsaki sipsipara foora keeqee raudeeida narana neemarifaranoo.

Aaquqira Ufa 9:6

Inneeqa furufarirana minnisee kisaaqusaa mari faranoo. Amiqira iriranamau fuaqa.

Karatia 5:24

Asauku mundirana Yisunaindi mariasa misa nariqa faiqí faiqi irirana marirana faqa nári maqasaa irirana faqa aunirira saqarisaa Yisuna namufaqa kuqa kai aru quqee mariasa maridaqa.

Mataioo 3:2

Mifa maaqi qimasee fuki faaki qidanoo qimannimimarinau. Anutuna ququsa qusasaa innisaa ititafuannoo. Minara innee aiqamausa inneeqa mandainainara quqasee quandafina Anutufinnai noori ubeekaaqa.

Mataioo 3:8

Innee kuqaa naundura quandarausee maridaqee. Unna qimariafanoo. Andeeqara oosana maraifaqa qafeeqa inniara kuqaa naundura quandarausee qianaura.

2 Koorinti 6:17

Minara karaambaiqa maaqi qimasee qimannimidanoo. Mandoosana maree mariasa faqa moodaa maqusaki maridaqa misa mandoosanara eerairiaqa. Innee mandainaina maree mariasa mandoosanara rufiasee sia mina umaraaqa. Innee miqidaqa anukaranaki marifaqa qinee aiqama ainaina uriqarara karaambaiqa fannoo inniara qinindi fee qinaqa innee qini faiqinamu qini qiraamummaaka marifaranoo.

Mataioo 23:13

Yisufa kaifaa misa qimanniminoo qinau. Innee Farisai amaana ufa qimariasa faqa innee Mooseena sandufa akoofasauqa faqa inni narirafa firaafa marinara qinee oonumafi iriqa qimudao̱o qidaqa. Innee faiqí amaana ufa qimannimisaidaqa maqandanai inneeqa kaqi ummuari mariasa. Faiqí anaasee akaqausa innaaruna ququsaki keeqarariafaqa innee rafaaqafunnimaqaida innee faqa sia keeqeefaranoo.

Uqafiqoo Ufafa 20:15

Aiqamausa asumu maraaninausa papiqaki nuqu marisa misa kaqi marifaranoo mi papiqanaki nuqu sia marinausa misa aiqama mareeqee kaqi kasi marufanoo ida farumaki aiqama aqinau.

Firipi 3:19

Miqi mariasa maaqiqa fifi iqa idaki kai fifaranoo, nariqa aaqee maria nidirafa mifa misa Anutufara foora maridanoo, misa nisauri maria ainainnara kai amooqimasee noori uqeeraida nasuridaqa, misa maa maqanasaaqaraa ainainara kai iri mariasa maridaqa.

1 Yoohanee 5:19

Maasa maana iridaqa maasa Anutuna ainaina maridaqa. Maa maqa maaqanaki mariasa aiqama manda fasiqa aakaaqakinaa fasiqa aramandunnai maridaqa.

Mataioo 25:46

Miqi qimasaina misa naaru naaru nariranaki keeqafina marifaranoo. Andeeqee mariasa misa naaru naaru mariranaki keeqafi marifaranoo.

Mataioo 25:41

Qinee misa qimannimiseeqa quandafinaqa qisaaqaindaraasa maaqi qimasee qimannianaura. Innee Anutuna aqira ufa innisaa marisa innee idaki aqufuaqa. Anutufa Sadannanara faqa narí manda qangiroouqa faqa afaannauqa faqa ida aqufuanifeera auquqoofa maridanoo naaru naaru qeemari idafa sia qimbeemari idafa, innee minaki aqufuaqa.

Oosana 6:12

Anutufa aiqama maqa maaqaki qafoofanoo mandaika uqannamminoo marinau. Faiqí anaasee aiqama mandainainaki kai mariqau.

Uqafiqoo Ufafa 13:8

Aiqama maa maqa maaqana afaaqasasa mariasa mi kaasau aandaunara Anutufara foora innaaru qimasee amooqifaranoo. Misa nári nuqu kaqi marifandinausa Yisuna bukaki akara rimariasa misa kai sia amooqifaranoo. Ooqai maa maqa maaqana sia maruqoo Anutuna sipsipa aanaaqi kuquna bukaki nuqu marisa kai sia kaasau aandau amooqifaranoo.

Roomma 9:22

Anutufa miqikai maseenoo maasa auquqimaqanau. Maasaki akaqausa manda qafeera foora maasa akaqausa auquqimaqaseenoo idaki fifandinausee qidanoo. Sia aaqee kai minara naruannoo naaru kasooqaqee mina akiaqara naruannoo. Kisaaqasaa narí aanoo irana rafaaqafusee mari inanoo naaru naruannoo. Miqoo narí aanoonnai faqa narí afeekannai faqa miqoo mandoosana maree mariasa kuridi nimaqaannoo.

Ruka 14:33

Miqi qimaseenoo Yisufa minara qimanniminau, miqi kai masee innee faqa qini faqa firanara amiqimasee iriaraasamaseeqa inneeqa aiqama ainaina minniseeqa qini faqa aniaqa. Sia miqiqa sia amana qini faiqi namukifaranoo.

Oosana 6:5

Anutufa aiqama maqasaaqaraasa nindafoofaqa misa marirafa faqa irirafa faqa mandaika uqanna inoo marinau.

Ruka 9:33

Mi fasiqaqanda Yisuna aisee firarufanoo Peetooroofa narí oosana sia irirai Yisuna qimaminoo qinau. Ufasaa rakisirafa, maasa maaqoo marunanoo amiqidanoo. Maasa qaaramoo uiqaana maaqa maaqoo usakaanaura, aniara moo Mooseenara moo Eeriaanara moo usakaanaura.

Aaquqira Ufa 7:27

Anee mi aanaaseena maaqai finana anee kuqira aatata fimariananoo. Mi aanafa kuqirannai fimaria aanafa qusa aana maridanoo.

Mataioo 7:14

Kaqi marira kooqi tiqeeraikinoo maridanoo, mi aanafa faqa tiqeeraikinoo maridanoo, afeeka aatata maridanoo. Faiqí anaasee moodaa moodaa mi tiqeera kooqina paqurida fimariafa maridanoo. Innee miqoo kai fuaqa.