Mataioo 7:12 - Anutuna Ufa

¹² Anee nana oosanaree aididanoo fee faiqí anaasee ani amifaree, anee amiqira oosana kai qimia qee qimariananoo. Doo anee naaree miqira amiqira oosanna kai faiqí anaasee maqee maqee kaqi nimia. Mooseena sandufa faqa tamummaqarausa ufa faqa misa ufa anoona mi ufanaki kooroo inoo maridanoo.

Mataioo 7:12 Referans Kwoze

Ruka 6:31

Anee nana oosanaree aididanoo fee faiqí anaasee ani amifaree, anee amiqira oosana kai qimiaqee qimariananoo. Doo anee naaree misa ani amira aidira oosana kai faiqí anaasee maqee maqee kaqi nimia.

1 Timooti 1:5

Sia fifau mi unnana qimariasara qaoo qiannee qidaqa faiqí anaasee miqooqaraasa Yisunasaa rusirana sia unna qiaqa kuqaa kai qiaqa, kuqaa anoona uqannasaa mundusee fiqa nári nifaaqa qumaarararana siaisa aufadamasee nidaqa nári naunduraki ikairi siaisa nidaqa mi qaaramoo ainainakiqari faiqí aanaaseera nimuqusirana rirafa kambiqaidanoo.

Mataioo 5:17

Innee iriaqa. Mooseena sandufa irimariafa faqa nikoona tamummaqara fasiqauqa ufa irimariana faqa, sia mina rukiararau qumidau. Mi ufafa anoonaikianifeera qinee qumidaqa.

Yameesa 2:8

Anutuna ququsakinaa ufa maaqi qimasee akara rinoo maridanoo, inneeqa niqoonausara inniqa nifaaqara foora nidianinani. Innee mi ufanamau fidaqa andeeqasee fifaranoo. Innee faiqí nifaaqa qamunna qafamasee rainee mariana mandoosana mareemariafanoo miqimarianara Anutuna sandufa fannoo inni rafaaqafidanoo.