Mataioo 6:2 - Anutuna Ufa

² Qaaraiki mariasa misa moo amiqira ainaina dadaaqinoo aqoonausee Anutunee nimiani qimaseenoo maqusa qambaana oonuree ukeena fuaqasee faiqí anaasee nifusaa dadaaqinaqa qiqafamaseeqa qimooqiaqeera qimariasa doo nariqa miqoo taikaida miqidaqa. Innee sia misa naanna raaqa.

Mataioo 6:2 Referans Kwoze

Mataioo 6:5

Innee innaaru qidaqa misa qaaraiki mariasa naanna sia raaqa. Misa amaana maqaki kikiqamafidaqa qimariasa maqusa qambaanai kikiqama fidaqa qimariasa innaaru qidaqa. Faiqí anaasee aiqama qiqafaaqee qidaqa miqidaqa. Qinee anoona ufa uqanna inni qimannimidaqa. Doo misa miqiana akiaqara doo faiqí nimooqirana kai maraidaqa. Miqoo taikaida miqidaqa.

Mataioo 6:16

Innee narana minnisee naararee marinaqa innaaru qidaqa qaaraikimariasa naanna sia raaqa. Misa narana minnisee innaaru qiaqeera noori runusee doona akiiseeqa maridaqa faiqí anaasee sia narana naidammiafoo qiaqeera miqidaqa. Qinee anoona ufa uqanna inni qimannimidaga. Misa miqoo kai taikaida miqidaqa.

Yoohanee 5:41

Yisufa Yuda maqannaa rakisirausa kaqi qimannimidanoo qinau. Qinee sia inni naanna raida faiqí qimooqiaqee qirainainara randaidaqa.

Heeburu 13:16

Maa ainainna faqa sia aunuaqa, narí amiqi narí amiqiaqa, inneeqa ainaina innee iriranannoo kai raineeqee niqoonausa narí ami narí amiaqa. Anutufa miqira ainainara amiqira tatufira aandaura foora maridanoo fee qidanoo qaqaara raidanoo.

Ruka 20:46

Innee Mooseena sandufa akoofasauqara rakisi marifaqa aniraifaqa misa oosanara aufaridaqa eerairiaqa misa qamunna amiqirana kisaaqa afisusee faiqí nifumau nasuridaqa aatata fee faiqí suqiranaki fee faiqí anaasee misa reendeenamasee nimandaranara rimariasa maridaqa, misa amaana maqaki fee qoomaqanduqiranaki fee faiqí anaasee noorisaa kai ooqu marifi nári nifaaqa mara maree urimariasa maridaqa.

Yoohanee 7:18

Faiqí moo fannoo narí ufa kai qidanoo narí auqu kai uqeeraidanoo. Faiqí moo fannoo narí aqiqainna fasiqana auqu uqeerararee qimarifa mifa kuqaa ufa qidanoo, sia nikaruqirafa minaki maridanoo.

1 Peetooroo 4:11

Amaana ufa qimannimimari fasiqafa Anutuna ufa kai qimannimiani. Faiqí dadaaqimariasa Anutufa nimimari afeekanannai afeekaikamasee niqoonausa dadaaqiaqa. Miqinanoo aiqama ainainiranaki asauku mundirana Yisunannai Anutuna amooqira ainaina kambiqafuannoo aiqama areenarafa faqa afeeka faqa naaru naaru marianinafa minaindi Yisunaindi kai maridanoo. Kuqaa.

Idi Ufa 37:21

Manda oosana maree mariasa moosa ainaina ufaasu maraseeqa sia kafaa nimidaqa. Andeeqarausa oosana moo maridanoo, misa afaarida kaqi nimimariasa maridaqa.

Eefeesusa 4:28

Ainaina ummuari mari fasiqafa ummuarirana taikaani, taikasee quandaki andeeqasee narí ainainamasee narí narana namasee kudi fasiqauqa faqa naida niminaqa naaqa.

1 Timooti 6:18

Oo Timooti anee ainainafaqaasa mi ufana qimannimisee maa ufana faqa qimannimia. Sia moomoo munnimma ainaina mararara kai iriaqa. Innee faiqí anaasee dadaaqiqa amiqira dadaaqirana dadaaqiaqa mi dadaaqirana nimimariananaki aniki ainaina moomoora foora mariannoo. Innee afaariaqa inneeqa ainaina naida nimiaqa.

Roomma 12:8

Anee reendeenamandee fuki faaki qirana akoofasa maridana doo miqimmia. Faiqí anaasee moo fannoo narí akaqa nimira ainaina akaqausa raina nimidanoo sia akoo akaa ida nimia, oori inaa inaa ida nimia. Anee faiqí anaasee rakisi marinafa maridana anee faqa eeraaramasee ainainia. Faiqí aanaaseera qimudaoo qimasee dadaaqi mariasa sia nikoo nikaa mandeeqa miqia, asasammandee oori inaa inaa idana dadaaqiaqa.

Yoohanee 13:29

Yudasifa Yisuna faiqi namu munnimmasaa rakisimarufa marufanoo Yisufa aqiqoofaqa misa narana aina fi fi maraanifeera aqiqee maqi qiqau. Kudi fasiqauqa munnimma nimiannoo fee qiqau.

Yoohanee 5:44

Innee kaaqa naramooqirana naramooqiranara ridaqa Anutuna amooqiranara sia rimariafanoo.

Ruka 6:42

Anee naqimasee aneenna akaqaafasaara mai anirainaqa mee ani afuki saqari arai marina maraquanauree qidanee, ani afuki muduka saqari akatia maridanoo anee nikaru qimarianafa aneenna afuki naaree firaa saqari akatia marina maraquseenana andeeqasee afu maqeenana aneenna akaqaafasaa afuki kaqikaa saqari arai marina mara aqua. (Innee sia moo fannoo manda ainaina marainaqa aquraraaqa maqasaa fasiqa anaasee aiqamausa innisaimbaqaindi firaa saqari akatiara foora maridanoo.)

Mareekoo 12:39

Misa amaana maqaki keeqafidaqa naadumasaa amiqira siaqasaa ooqumari mariasa maridaqa, oomaqaki faqa amiqira qoo kai ooqumari mariasa maridaqa.

Aaquqira Ufa 20:6

Faiqi moomoosa fifau náriara faiqiara nimuqusirana faqaasa maridee qidaqa moodaa moodaa kai miqirausa maridaqa.

Aaquqira Ufa 19:17

Anee kudi fasiqa anaasee narana aina nimidana Yaaweena amiara foora imariananoo kasooaqee Yaaweefa mina akiiqara ani faqa amiannoo.

Idi Ufa 112:9

Mi andeeqara fasiqafa afaaridanoo sarauimariasa nimidanoo. Mina qimudaoo qirafa sia taikaannoo mi fasiqafa afeeka faqaafa marinaqa mina ufa ameemaanai keeqee faranoo.

Firemoona 1:7

Oo qini qiqoondi qinee ani oosanara iriqa, anee Anutuna ufa irimariasara amuqusimarifana amiqi amiqidana asasirana nimimariannanara qinee minara iriseeqa qinee faqa asasirana firaana faqa pooduqarana faqa mareeqa.

1 Teesaroonika 2:6

Maasa inni faqa maridaqa inni fee akaqausee sia misa nimooqira ufara randaqiafana.

Ruka 13:15

Miqi qufanoo karaambaiqa fannoo quandafi qimaminoo qinau, innee unna qimasaidaqa qaaraiki mariasa, amaanasaa innee inneeqa mimmi burimakau sipsipa ainaina nifiqaidaqa nammarinni muqusee mariafaqa nammari naidaqa.

Ruka 12:56

Innee mandaikirausa qaara irirana maree mariasa, innee innaaruna faqa maqa faqa qafamasee andeeqasee kambiqaaninna ainainara andeeqasee iri mariafanoo, maqee qinee qumimarunna kamuqoora nanaree sia iridee qida fee.

Ruka 12:33

Innee inneeqa qumiasana moosa nimisee feefauru maraseeqa kudi fasiqa anaasee nimiseeqa, mi andeeqaranannai innee sia afauqaqaaninna munnimmara foora maraseeqa afeediaqa inneeqa aiqama qumiasana innaarunai kai afeediaqa, miqoo sia oorudupiannoo sia ummuara fasiqa fannoo maraannoo sia qooqoosa aukuanno.

Ruka 11:43

Oo Farisai amaana ufa qimariasa inni narirafa firaafa mariannoo inni mandoosana maaqimminoo maridanoo. Innee amaana maaqaki keeqaidaqa noorisaa ooqu mariranara firaaqoo rimariasa mariafanoo, innee makeetakiaqa fimariafaqa faiqí anaasee inni nooriara rufiasee amiqimasee nimandaranara rimariasa mariafanoo.

Ruka 11:41

Innee inneeqa naundura anukamasaifanoo inni nifaaqa aiqama anukanoo mariannoo.

Ruka 6:24

Innee maqee qumiasana faqaasa mariasa inni aupurarafa firaafa mariannoo, innee adiafaaira marirafa doo aiqaraannoo.

Mataioo 24:51

Mi manda ainainira fasiqafa qaaraiki mariasa namufaqa mandainainaki mariannoo. Mifa miqoo misa faqa maridanoo ikifaafau qidaqa nifai riqidaqa marifaranoo. Qinee Yisusa qumira aukuana miqimminoo mariannoo. Tautumannimaqaanaura.

Mataioo 23:6

Faiqí qoomaqa sakasee naidaqa Mooseena sandufa akoofasauqa faqa Farisai amaana ufa qimariasa faqa misa amiqira qoo kai ooqu marifidaqa naidaqa. Amaana maqaki faqa amiqira qoo kai faiqí nifusaa ooqu maridaqa faiqí anaasee qiqafaaqee qimasee miqimmidaqa.

Mataioo 22:18

Misa Yisuna ufa iriseeqa mina rumbaaneera qufanoo Yisufa narí faasai misa mandoosana iriseenoo maaqi qimasee niqinoo qinau. Innee qaara ufa qimariasa mariafanoo mandaiki mariasa mariafanoo. Faiqí anaasee innee naamua qimasee quandafi mandoosana maree mariasa mariafanoo. Innee nanaree fifau qini qifusaa ititaidee qinee inni nindafaida.

Mataioo 16:3

Iqaqaifanoo kananaana asukuna arifaqa aaku rirarammifoo qimariafanoo. Innee innaaruna qafaidaqa irimariafanoo maqee maa aukuanna qinee marunna aukuana innee mina qafamasee sia irimariafanoo. Innee nanaree miqi qimariafaqee.

Mataioo 15:7

Innee kaaqa ufa qimannimisaida maqandanai manda oosana maraqanuasa. Anutuna tamummaqara fasiqa Eesaia, kuqaa uqanna inniara qimasee akara rinau. Mifa maaqi qinau.

Mataioo 7:5

Qaaraiki marianafa mandaiki marianafa. Aneenna naaree aneenna afukina mee firaa saqari akatia marina mara aquseenana andeeqaseenana afu maqaseenana miqoo quandafinana aneenna akaqaafasaa afuki kaqikaa saqari arai marinnana mara aqinanoo andeeqara oosana mariannoo.

Mataioo 5:18

Simai, qini ufa iriaqa innaaaruna faqa maqa faqa firaa ainaina maridanoo. Mooseena sandufa faqa firaa ufa maridanoo sia dauni taikaannoo. Ati faqa kaqikaafa faqa sia uqanna taikaannoo kaqi uqanna mariannoo. Mooseena sandufa fifi inoo anoonaikinnaqoo miqoo innaaruna faqa maqa faqa mi sandufana faqa doo miqoo kai taikaannoo.

Mataioo 6:3

Innee moo amiqira ainaina dadaaqammamianeera qumee kai maqandanai amia, faiqí nifusaa qafee foora.

Mataioo 23:5

Misa faiqí aiqamausa nifusaa aiqama ainaina auqaidanoo fifau tasimiramandaida auqaidaqa. Qisaaqama firaana ususee Mooseena sandufa akara minaki usuqirausa nidaqa qamunna kisaaqamaseeqa faiqí nifusaa tasimiramandaida fidaqa.

1 Koorinti 13:3

Qinee qeeqa aiqama ainainatia mareeqee ainaina siaisa kaqi nimiqee qeeqa qifaaqa faqa mareeqee idaki aquanauree miqidaqa faiqí aanaaseera uriqarara ainainee qimasee misara qimuqusirafa sia qini daundurai marifaqa mi ainainaqanda sia qini dadaaqianara miqidaqa.