Mataioo 6:16 - Anutuna Ufa

¹⁶ Innee narana minnisee naararee marinaqa innaaru qidaqa qaaraikimariasa naanna sia raaqa. Misa narana minnisee innaaru qiaqeera noori runusee doona akiiseeqa maridaqa faiqí anaasee sia narana naidammiafoo qiaqeera miqidaqa. Qinee anoona ufa uqanna inni qimannimidaga. Misa miqoo kai taikaida miqidaqa.

Mataioo 6:16 Referans Kwoze

Mareekoo 2:18

Moo kari Yoohaneefa nammari nimimaruna aiku asauku faqa Farisai amaana ufa qimarusa niku nisauku faqa Anutufa maasa ufa irianifee qimasee narana marufaqa mina minniseeqa naararee marufaqa innaaru saika kai qimariqau. Akaqausa Yisufunnai oonuree irammiriqau, naqi fee qifaqee ani aiku asauku sia misa naanna raida Yoohaneena aiku asauku faqa Farisai amaana ufa qimariasa niku nisauku faqa narana sia narai naararee marifaqa innaaru qidaqa, ani aiku asauku nanaree sia miqidee qufanoo

Idi Ufa 69:10

Qinee qeeqa mara maree muqusee narana auramasee marunaqa faiqí anaasee qini qiqafamasee aasaandaana ufa qimaqimaqaidaqa.

Idi Ufa 35:13

Qini oosana moomau fidanoo. Qini namuqaauqa auriranaki mariafaqa qinee misara soofaarira qamunna afisusee qeeqa mara maree qumureeqa daararee marufaqa misara findifuaqeera innaaru qimariqiafana. Qinee inuka tuqu daumoo amisee findifuaqeera innaaru qimariqiafana.

Mataioo 6:5

Innee innaaru qidaqa misa qaaraiki mariasa naanna sia raaqa. Misa amaana maqaki kikiqamafidaqa qimariasa maqusa qambaanai kikiqama fidaqa qimariasa innaaru qidaqa. Faiqí anaasee aiqama qiqafaaqee qidaqa miqidaqa. Qinee anoona ufa uqanna inni qimannimidaqa. Doo misa miqiana akiaqara doo faiqí nimooqirana kai maraidaqa. Miqoo taikaida miqidaqa.

Mataioo 6:2

Qaaraiki mariasa misa moo amiqira ainaina dadaaqinoo aqoonausee Anutunee nimiani qimaseenoo maqusa qambaana oonuree ukeena fuaqasee faiqí anaasee nifusaa dadaaqinaqa qiqafamaseeqa qimooqiaqeera qimariasa doo nariqa miqoo taikaida miqidaqa. Innee sia misa naanna raaqa.

Estaana 4:16

Anee oonu Susaa maqusaki aiqama Yuda maqannaasa suqu uqasee qimannimia innee qaarammoo faasaana faqa eendaki faqa narana faqa nammarifaqa auramasee sia naaqa. Kaifa qinee faqa eeqá ainainira manaaqauqa faqa miqi kai iqa narana faqa nammari faqa auramasee sia naanauranoo. Miqimmaseeqa inaaqianna qinee kinna innai fuanauranoo. Kaqi qinee sandufa rukiaanauranoo. Qinee miqimmasee kuquananoo sia ufa mariannoo kaqi qinee kuquanaranoo.

Idi Ufa 109:24

Narana sia naunnanara qini qikuqara indindidanoo doori ummooqukidanoo. Qinee qifaaqa asaqinoo marifaqa qimudaani aanaaqi maridaqa.

2 Koorinti 11:27

Qinee minaki fidaqa kadaapirirana faqa tooqaamu darirana faqa maraidaqa moomoo kari sia faiqeeqa, qinee daararee marufaqa nammariara didimarufaqa nimariqiafana, qinee moomoo kari qini maaqa faqa narana faqa qamunna faqa sia marufaqa kaqi qisukunni faiqaqa nimariqiafana.

1 Koorinti 7:5

Minara irisee sia innee nariara nariara qaoo qiaqa. Anutunara kisaaqasaa amiqimasee innaaru qiannee qimasee faiqí faqa anaasee faqa moodaaqooqara ufa qimaseenana naquma amaanee marasee akeeka masee aura masee maraanauree qimaseenana aadu aadu mambinana Anutunara kisaaqasaa innaaru qiaqa. Innaaru qimaseenana kafaa moodaanaki kiaqa kisaaqasaa aadu aadu ina mariannanara Sadannafa nimanamandee qafaina sia afeeka marina eedoo qifoora minara kafaa moodaanaki kiaqa.

2 Koorinti 6:5

Maasa maa namusa darirana faqa karabusaki rumbaqimaqarana faqa moomoo fasiqa aanoomandee aniree dari dariisoona faqa maqee miqidaqa. Maasa daararee marifaqa sia faiqarana mareeqa kisaaqasaa kadaapiriri ifaqa nifaaqa ummooqukamandee maridaqa ainainidaqa.

Mataioo 6:1

Yisufa narí faiqi namufaqa faiqí anaasee faqa maaqi qimaseenoo qimanniminoo qinau. Innee qini ufa irimariasa Anutunara iriseeqa moo amaana saika fee aqoonausa dadaaqira fee mina auqarara sia aiqamausa nifusaa auqaaqa. Kukeeqasee reendeenamasee auqaaqa. Aiqamausa nifusaa mi ainainna auqainafa minara faiqí anaasee aiqamausa qiqafaaqeera miqinnaranoo. Miqinana Anutufa siamma innaarunai mina akiaqara ani feefauru amaqaannoo. Qumee kai aiqama ainaina narí Anutuna afusaa kai dadaaqinanoo Anutufa doo narí qafaida mina akiaqara ani feefauru innaarunai quqammamaqaannoo.