Mataioo 6:13 - Anutuna Ufa

¹³ Sia anee maasa rarisameeqeenana afeeka nimaniraqoo quqaqisaa. Manda fasiqa asaukuki marunnana anee Anutufa uqeereeqee kaqinni amiqiraqoo quqaqisaa.

Mataioo 6:13 Referans Kwoze

1 Koorinti 10:13

Aiqama nimanirafa innisaa aqufinafa aiqama maqannaaki maqee maqee kambiqee mari ainainafa maridanoo. Anutufa minara iridanoo narí dadaaqira ufara kai iriannoo. Iridanoo firaa nimanirafa anireenoo inni urinaaqareenoo rafaaqafinafa anirainanoo Anutufa afeeka niminaqa innee amana mi nimariranaki mari inaqa mina uriaaqaree faranoo. Anutufa ititaseenoo fimariaana uqafiqainana fi ruiqakinana finnaranoo.

Yoohanee 17:15

Oo qipoo qinee aniara sia qini faiqinamu mareeqee moosaa quqaanneera qidaqa. Maaqoo maqasaa mariaqoo kai rakisianeera qimamidaqa, aakaaqaindaraa fasiqa fannoo misa qumaraandoora qimamidaqa.

Mataioo 26:41

Rakisidana innaaru qidana maria sia kaqi maria. Aneenna iriranannai kai qini dadaaqi marianafa, aneenna uqanna sia amanaiki mariananoo miqi marifana kudoosaapee marianaqa qafaidaqa.

Uqafiqoo Ufafa 19:1

Mi qangiroofa Babiroonia maqusara ufa qimasoofaqa quandafi ufa firaana innaarunai qifu pisipasamasoonaki maridaqa iriqiafana. Mi ufafa faiqí moomoo suqiqa maridara foora qinoo maaqi qiqau. Anutuna amooqiaqa. Faiqí asumu maree mariana faqa kaaqa qarana faqa firaa afeeka faqa maasa Anutunaindi maridanoo.

2 Teesaroonika 3:3

Karaambaiqa fannoo sia miqi marifa amiqimmasee rakisimarifa afeeka mapukirana nimiseenoo aakaaqaindaraa fasiqasaa ititannimaqaannoo.

Mataioo 6:10

Ani innaarunai ququsa maa maqanasaa kambiqaani, innaarunai ani aiku asauku mariasa ani iriranamau kai andeeqasee fimariasa maridaqa maasa maa maqanasaa qaraasa misa naanna ramasee mi iriranamau kai fuaqaana.

2 Peetooroo 2:9

Qinee Peetooroosa minara irisee maaqi qidaqa Anutuna ufa irimaria fasiqausa oosana oosana nimaniranaki aqufifanoo Karaambaiqa misa mi nimaniranaki dadaaqira oosana iridanoo dadaaqiannoo. Mandoosana maree mariasa narirana ameemaanai quqaqaifaqa maridaqa ufirira faasaanara afeesida rakisira oosanara Anutufa iridanoo maridanoo.

1 Teesaroonika 1:10

Innee mifunnai ubeekamafi mina amaaku innaarunaindari qumiranara afeesu afeesirafa kaqi afeesida marunara faasai aanaamuru minara faqa irimariqau. Anutuna amaaku Yisufa kuqiranakinaana mara findifufa, maasa Anutufa kasooqaqee naruaninnanakinaana Yisufa maasa asumu qumaree marifa innee mifa qumuaninnanara afeesida marunara aiqama aanaamuru faasaimma irisee qimaqimiafanoo.

Idi Ufa 47:7

Anutufa aiqama maa maqanasaa mariasa karaambaiqa maridanoo. Doo innee mina amooqira idi ramamiaqa.

Uqafiqoo Ufafa 21:4

Mifa aiqamausa naukunu rukaannoo. Sia kafaa kuqirafa faqa ikifaafau qirafa faqa ikiraqarafa faqa nidafirafa faqa sia kafaa mifauqa mariannoo. Mi ooqeenaa ainainafa doo taikafinoo.

Idi Ufa 10:16

Yaaweefa naaru naaru uriqarara Karaambaiqa maridanoo. Aiqama unna anutusa nimooqi mariasa mina maqa maaqakiqari taikafifaranoo.

Uqafiqoo Ufafa 3:10

Qinee inniara reendeenamandee mariaqee qiafanaqa innee miqi mariasa mariafanoo. Miqi mariana akiaqara firaa teeroo maaqanna maaqanna nimanamasee qafaanaura miqianna aukuanna qinee inni mareeqee kaqi atinnai quqasaana asumu marifaranoo.

1 Yoohanee 3:8

Yafa yafee mandaikiraqoo kaqi nimarifa mifa Sadannanaindi maridanoo, Sadannafa nikaruqirafa maridanoo nikaruqiannoo. Ooqai oosana arooqooqari mandainainaki nimarifa Sadannafa maridanoo Anutufa narí amaaku maa ainainnara maa maqanasaa koorooinau, Sadannana mandainainirana arutaikaanifeera maa maqanasaa koorooinau.

1 Peetooroo 5:8

Innee inneeqa nimanara irisee aufarida mariaqa inni namuqaa Sadannafa kaasau fainiara foora fiqu faiqu idanoo yanee nambiqaanau yanee nambiqaanau qidanoo.

Idi Ufa 41:13

Yaaweena Isaraee maqannaasa Anutuna amooqia. Maqee faqa naaru naaru faqa amooqima amaqaa. Kuqaa uqanna kafaa kuqaa fee qidaqa.

Rafudoo Akarafa 15:18

Anee Yaaweefa naaru naaru uriqarara karaambaiqa marinnaranoo.

Oosana 22:1

Mariiufanoo Anutufa Abaraqaammana amanammasee qafaanee qimasee innaarunaindari aaramasee qinau. Oo Abaraqaama qufanoo Abaraqaammafa qinau qinee maaqoo maridaqa. Miqi qufanoo Anutufa qimaminau.

Karatia 1:4

Maasa qikoofa Anutufa qufanoo asauku mundirafa iriseenoo eedoo qimaseenoo mi mau finau maqee kamuqoo marunna mandainaina afeekaikiranakinaana maasa idukuaqeera narafaaqa maasa mandainaina akiaqara aunirira saqarisaa paasoosamasee quqanau.

2 Koorinti 1:20

Mifa kai Anutuna moomoo ufa maasara qima afeekaikamasee mapukirafa maridanoo. Minara faiqí anaasee Anutunara amooqida innaaru qidaqa asauku mundirana Yisunannai maasa Yisuna ufa irimariasa aiqamausa eedoo qimasee inni dadaaqidaqa.

Idi Ufa 47:2

Kaaqa uriqarara Yaaweefa naaquqarafa maridanoo, minara rufiaaqa. Mifa aiqama maqa maaqasaa uriqarara karaambaiqa maridanoo rakisi nimaqaidanoo.

Uqafiqoo Ufafa 2:10

Qini ufasaara kaqikaa qoo innee aupurarana mareefaranoo innee sia minara rufiaaqa. Innee iriaqa Sadannafa inni nimanamasee qafaaneera karabusaki akaqausa quqaannoo. Inni nidafirafa maa maqanasaa qusasaa mariannoo. Innee kaqi maraqa fifi inaqa kuqirana paqurinna aukuana qinee naaru marira qafee afisunnimaqaanaura.

Uqafiqoo Ufafa 1:18

Qinee ooqai kaqi mariafanausa maridaqa, qinee kuquafanausa maridaqa doo qiqafa kaqi marunausa maridaqa naaru naaru marianaura. Qinee kuqiranara rakisirausa uriqararausa maridaqa mina kooqi kiqa uaqeeiunausa maridaqa kuqiranaki mariasa mandoosana mareeusa misa mariaqoo faqa uriqararausa maridaqa mina kooqi kiqa faqa uaqeeidaqa.

Mataioo 5:37

Minara innee eedoo qiaqeera eedoo kai qiaqa. Innee qaoo qiaqeera andeeqasee qaoo kai qiaqa. Anee moo ainaina kikiqa usinana aneenna amuqusa ookiqari mandainaina marinakiqari moo ainaina kikiqa ususee unna qiananoo.

Aaquqira Ufa 30:8

Nikaru qirana faqa unnufa faqa nianai futeeqa quqaa. Kaaqa kudikirana sia qimia, kaaqa moomoo ainaina faqa sia qimia. Qiqa qimana kai qimia.

1 Koorinti 14:16

Innee Yisuna ufara suqimariasa suqimarifanoo moo fannoo Anutuna maraquna fannoo aakinanoo narí amana fannoo kai aanaamuru ufakiqari innaaru qinanoo moo kaqiqee fasiqa fannoo ani marida iridanoo naqimasee mifa iriseenoo Anutunara mifa faqa eedoo qiannoo fee. Mifa sia uqanna amana ani ufa oosanara iriannoo.

Mataioo 28:20

Aiqama ufa qimannimiafannana misa faqa mi ufana aiqamausa uqanna qimannimifaqa iriseeqa mi ufana qumaraaqeera, mi ufanamau kai fuaqa. Innee maqusa maqusa fifaqa qinee faqa qumee inni faqa fuanaura. Innee miqi marifaqa qinee qumee kai inni faqa nuanaura. Sia inni mininnisaanaura kasoo innaaruna faqa maqa faqa taikara aukuana inniqa saimbaqa moodaanaki kianaura.

Idi Ufa 106:48

Isaraee maqannaasa Anutuna Yaaweena amooqiaqa. Maqee faqa naaru naaru faqa mina amooqiaqa. Faíqi anaasee aiqama minara kuqaa fee qiaqa. Yaaweena amooqiaqa.

Idi Ufa 89:52

Naaru naaru amooqirafa Yaaweenaindi mariani. Kuqaa kafaa kuqaa.

Idi Ufa 72:19

Mina areenara auqu naaru naaru amooqiaqa. Maa maqa maaqanakina aiqamai mina qareenarafa qumbiqanoo mariani. Kuqaa uqanna.

Uqafiqoo Ufafa 19:4

Miqi qimasoofaqa faiqí firaasa moodaa fasiqa faqa qaara faqa qaara faqa Anutuna qaari fiqu fiqu iqa marusa faqa aandau qaara faqa qaara faqa marusa faqa Anutuna oorisaa noorindari maqasaa aqufidaqa Anutuna amooqidaqa qiqau, misa kuqaa qidaqia, Anutuna amooqiaqa.

Uqafiqoo Ufafa 5:13

Misa mi idina ramasoofaqa kafaa iriseeqa aiqama innaarunaindaraa ainaina faqa maqasaa ainaina faqa ooruku nammarikinaa ainaina faqa maqa ameemaanaindaraana faqa aiqamai Anutufa auquqoo ainainausa moodaanakikammambiqa maaqi qimasee idi raqau. Qaarisaa ooqu marinoo marifa sipsipa aanaaqi faqa inniqara nimooqirana faqa nuqu uqeerarana faqa areenarana faqa afeeka faqa naaru naaru innindi marianifee qidaqa idi raidaqa.

Uqafiqoo Ufafa 3:14

Yisufa miqi qimasee Firadeerafia amaana maqasaa Paatoonara Yoohaneena qimamiseenoo quandaki Raoodiseea amaana maqasaa rakisiranara qimaminoo qinau. Yoohanee anee Raoodiseea amaana maqa rakisira Paatoora faqa maaqi qimasee akara rumamia. Qinee mapukusee marunna fasiqausa Yisusa inni qimannimidaqa. Qinee naaru naaru kuqaa anoona ainaina kai qimarunausa inni qimannimidaqa. Anutufa aiqama ainaina auqimaruna oosana qinee marunausa inni qimannimidaqa.

Heeburu 11:36

Faiqí akaqausa Anutuna ufamau fimariasa minasaara ataasa ataasa ufa qimaruna maree mariqau. Mandoosana maree mariasa akaqausa qumaraseeqa nári sanda qainnainaina atisa rumbaqoo sandasamu kaifaa kaifaa naridaqa nifaaqa ateekaateekamma ummooquki mariqau. Akaqausa sainandannai rumbamaree karabusaki quqeemariqau.

1 Timooti 1:17

Naaru naaru mari karaambaiqafa sia kuquaninafa maasa sia mina qafee marunafa moodaa Anutufa sia moo fannoo marifa uriqararana faqa areenarana faqa naaru naaru minaindi mariannoo.

Idi Ufa 22:28

Yaaweefa karaambaiqa maridanoo aiqama maqannaasa rakisinnimaqaidanoo.