Mataioo 6:10 - Anutuna Ufa

¹⁰ Ani innaarunai ququsa maa maqanasaa kambiqaani, innaarunai ani aiku asauku mariasa ani iriranamau kai andeeqasee fimariasa maridaqa maasa maa maqanasaa qaraasa misa naanna ramasee mi iriranamau kai fuaqaana.

Mataioo 6:10 Referans Kwoze

Mataioo 26:42

Miqi qimaseenoo Yisufa kaifaa kaqikaa qoo oonureenoo innaaru qinoo qinau. Oo qini qikoofa anee amanee sia kuquana nammarina qiminnaree anee sia minniqisainaqee sia kuquanauree. Sia qeeqa iriranannaifau qidau anee qinandee, qinaqa miqimmiqa kuquanaura.

Mataioo 12:50

Faiqí anaasee yausee innaarunai qini qikoona iriranamau fimariasa misa kai qini qikaqa faqa qini dauna faqa qini qinausa faqa maridaqa.

Roomma 12:2

Minara irisee maaqimmiaqa sia maa maqa maaqanasaa mariasa naanna raaqa. Innee eedoo qifanoo Anutufa inni nitikura amiqimmasee firaaqoo quandanniseenoo naunduraki nirana faqa quandannisaannoo. Innee miqimmaseeqa Anutuna irirana faqa Anutuna aidirana faqa amiqiranee qimariana faqa idaaqiranee qimariana faqa amiqimandee irifaranoo.

Yoohanee 6:40

Qini qikoofa maanara ridanoo. Mina amaaku qiqafee mariasa minasaa irirana rusimariasa mi kamuqoo kai naaru marirana mareefaranoo. Taikara faasaana qinee misa uqeereeqee naaru mariranaki quqannisaanaura.

Kooroosee 1:9

Maasa indaaru mi ufana iriseeqa miqooqari inniara innaaru qidaqa. Maasa inniara Anutuna iriranamau fifandinnanara inni naundurai qumbiqaanifeera innaaru qidaqa. Anutuna maraquna fannoo nimi irirana faqa iriranamau fira irirana faqa inni naundurai qumbiqaanifeera minara faqa innaaru qimannisaidaqa.

Eefeesusa 6:6

Sia misa eedoo qira ufara kai irisee misa nifusaa kai ainainiaqa, inneeqa nimuqusannai Anutuna ufamau asauku mundirana ainainidara foora amiqimasee ainainamannimaqaaqa.

Idi Ufa 40:8

Oo qini Anutu, ani aidirana mau firara firaaqoo dididanoo. Ani sanda ufa qini qimuqusaki maridanoo.

Mataioo 7:21

Yisufa kafaa maaqi qimasee qimanniminau. Faiqí fifau misa nookiqari qiniara karaambaiqee karaambaiqee qimariasa sia innaaruna ququsaki fifaranoo. Qini innaarunai qikoona iriranamau fimariasa misa kai innaaruna ququsaki keeqeefaranoo.

1 Peetooroo 2:15

Furufari mariasa inni Yisuna ufa irimariasa minara manda dapi ufa inni nimifaqa sia aanooqirana nariranannai rafaaqafuaqa. Anutufa inniara inneeqa amiqira nira mariranannai mi furufarirana qiqanuasa ufa rafaaqafuaqeera qidanoo.

Heeburu 13:21

Anutufa asooarana faqaafa innee mina iriranamau fifandinna oosana akoofasaikirana inni niminaqa fuaqeera. Anutufa asauku mundiranannai maasa faqa mareeqeenoo narí aidira oosanaki narí iriranamau firanaki quqannisaani. Aiqama amooqirafa faqa kaaqa areenarafa faqa asauku mundiranaindi naaru naaru mariannoo. Kuqaa.

Mataioo 3:2

Mifa maaqi qimasee fuki faaki qidanoo qimannimimarinau. Anutuna ququsa qusasaa innisaa ititafuannoo. Minara innee aiqamausa inneeqa mandainainara quqasee quandafina Anutufinnai noori ubeekaaqa.

Yoohanee 7:17

Qini ufa Anutunaindi fee qinee qeeqa fee qidee. Faiqí moo fannoo Anutuna iriranamau firarimarifa qini ufara Anutufa fee qiannoo.

Uqafiqoo Ufafa 19:6

Miqi qimasoofanoo ufa moo faiqí moomoosa suqidara foora firaa oondainni nammari aqufidanoora foora innaarunai qinoora foora miqira ufa fannoo maaqi qinau. Innee aiqamausa Anutuna amooqiaqa. Karaambaiqa maasa uriqarara Anutufa afeeka uqanna mifa narí aiqamai rakisinnimaqarana doo oosana araseenoo uriqaranoo maridanoo.

1 Teesaroonika 4:3

Anutuna irirafa inniara maaqimminoo maridanoo inni andeeqara naaquqarafa marinaqa faiqí anaasee narí ummuari narí ummuarirafa sia inni rumbanoo mariani mandainainakiqari idukirausa naanna ramasee mariaqee qiaqa.

Mataioo 4:17

Yisufa Kapeeranauma maqusai ooqu maridanoo maa ufana oosana arasee faiqí anaasee maaqimmasee qimannimimarinau. Innaaruna ququsa adeediranoo maridanoommi, innee inneeqa mandainainara maqee kai aupuree quandakiqa Anutuna oorinni noori quandaaqa.

Uqafiqoo Ufafa 12:10

Mikaraafa Sadanna maqasaa aqusoofaqa qinee Yoohaneesa qifu pisipasamasoofaqa innaarunai maridara fooqaana qafaafananoo ufa moo firaa kari nameera qinau, Anutuna asumu maree mariafa doo animaridanoo. Doo maqee Anutufa narí Karaambaiqa afeeka kooroomaseenoo. Doo maqee mina asauku mundirafa narí aanoo doo uqannifiqeenoo. Doo maqee maasa qikaqaafasaauqa maqasaaqaraasa nikaruqirafa eendaki faqa faasaana faqa Anutuna afusaa munuqi miniqi marifa Sadannafa innaarunakiqari aranaiqi futeeqa rafusueeqeenoo maqasaa doo aquseenoo.

1 Peetooroo 4:2

Nipatasaa nidafirana naruqooqari innee maa maqanasaa maridaqa inniqa nidira mandainaina fannoo sia inni mara quqaannoo, Anutuna irirafa kai inni mareeqee quqaani.

Heeburu 10:7

Minara Yisufa maaqi qimasee kaifaa Anutuna qimaminau. Oo Anutu doo qinee maaqoo maridaqa. Aneenna iriranannai kai qiniara ia. Mooseena sandufaki qiniara akara rinau. Doo mi mau kai qiniara ia. Yisufa miqi qinoo.

Ruka 19:38

Karaambaiqa ufara animari uriqararana Anutufa amiqi amiqi iani. Innaarunai asooarafa mariani. Anutuna amooqirafa faqa mariani.

Mataioo 16:28

Kuqaa anoona ufa qinee qimannimidaqa innikiqari faiqí qaaramoo sia kuqirai kaqi marifaqa qinee faiqí nimaaku qeeqa innaaruna ququsa uriqarara ququsa namufaqa inni nifusaa qumuanaura.

Mareekoo 11:10

Maasa qikoona Dafidina ququsaki marianinna karaambaiqana Anutufa amiqi amiqiani. Karaambaiqa Anutuna auqusaa Yisufa uridanoo. Anutuna firaaqoo amooqiaqa.

Uqafiqoo Ufafa 11:15

Qinee Yoohaneesa qifu pisipasamandoofaqa innaarunai maridaqa qafaafananoo qangiroo moo fannoo inaaqianaafa narí ukeena fuaqanau. Fuaqasoofanoo innaarunai mari ufafa maaqi qimasee firaa kari kooroo inau. Doo maqee maaqooqari maqasaa rakisira afeeka maasa karaambaiqa faqa narí asauku mundiranaindi faqa maridanoo mifa naaru naaru mina rakisida mariannoo.

Uqafiqoo Ufafa 20:4

Qaareena rumbasoofaqa qaari moomoo innaarunai ufiqinoo maru qafaqiafana. Minasaa ooqu mariqa marusara Anutufa innee faiqí anaasee ufa iriaqee qinau. Qinee miquna qafeeqa quandakufaqa faiqí nimana moomoo qafaqiafana. Misa Yisuna anoona ufa faqa Anutuna ufa faqa kooroounara narusa nimana marufaqa nindafaqiafana. Misa sia manda kaasau aandau fee mina amanaree innaaru qimarusa mariqau. Misa manda kaasau aandau akara niqinaaqa faqa nisaukusaa faqa qaoo qimarusa mariqau. Misa kuqiranakiqari findi fiqa asauku mundirana saimbaqa karaambaiqaika mambiqa faiqí anaasee rakisifaranoo. Mi uan tauseenna aukuanna minasaimbaqa rakisifaranoo qinee qafaqiafana.

Idi Ufa 2:6

Mifa maaqi qidanoo qinee Yaaweesa inni karaambaiqa marianinnana qeeqa naaquqara aaqana Sioona aaqanasaa quqeeqa.

Heeburu 1:14

Qangiroouqa naqi fee iqa maridee. Misa aiqama maraquna kai maridaqa Anutuna ainainira ainaina maridaqa. Mifa innaarunaindari niqiqainaqa faiqí anaasee innaarunai fifandinausa dadaaqiaqeera niqiqaidanoo.

Kooroosee 1:13

Maasa manda marira asukunaki marunanoo maasa rafaaqafuqisaifaqa marunanoo Anutufa qumareeqeenoo narí faiqi uqanna ququsaki quqannisaifaqa amiqiranaki maridaqa.

Ruka 19:11

Sakiusana maaqaki mariiusa Yisufa Sakiusana qimamu ufana iriseeqa mina faqa Yeerusaree maqusai ooru fidaqa maaqi qimasee unna qimasee qiqau. Anutuna innaaruna ququsa maqee uqanna maqasaa Yeerusaree maqusai kambiqaannoo fee qimarufanoo Yisufa misa aaqara irirana iriseenoo qimanniminau.