Mataioo 5:6 - Anutuna Ufa

⁶ Faiqí anaasee andeeqasee Anutuna iriranamau firaa iriranara aiqama irirana arusee uriqarara iriranee qimasee mi mau fimariasa misa uqanna anoona asasiranaki maridaqa. Anutufa misa dadaaqinaqa mi mau kai fifaranoo. Minara asasidaqa.

Mataioo 5:6 Referans Kwoze

Yoohanee 4:14

Qinee nimianna nammarina namasainafa mina aunduraindari naaru marira nammari maqee maqee uridanoo naaru marirana amiannoo.

Idi Ufa 107:9

Mifa nammariara nidimarisa amanaikamma nimaqaseenoo naararee marisa amiqira nara ainainannai nimuaqumma nimaqainara dufi dufi qimamaqaaqa.

Yoohanee 6:27

Innee sia dauni putaa ira naranara ainainiaqa. Naaru marirana nimira naranara minara ainainiaqa. Qinee maa naranna qinee faiqí nimaaku inni nimianaura. Qini qikoofa Anutufa qiniara aidimarifanoo narí aiqama ainaina qini daaku qimaqasaina inni amana mi naaru marira naranna nimianaura.

Idi Ufa 145:19

Mifa nariara naaquqee marifaqa mina ufa qaindusi mariasa dadaaqira ainainauqa nimidanoo. Mifa misa qiki raqarana iriseenoo misa ummaarakinaana mara kaqinni quqannisaidanoo.

Yoohanee 7:37

Uqiqaana maqa qoomaqa taikara faasaana uriqarara faasaanee qiqau. Mi faasaanna Yisufa findifinoo faiqí anaasee firaa kari qimanniminau. Yafasiqa anaasee fee nammariara aididanoo fee qinee iannaqoo nammari uqanna ani naa Anutuna tamummaqara fasiqa moo ooqai maaqi qimasee akara rinau. Kaqi marirana nimira nammari misa nimuqusa ookiqari ururee fuannoo fee qinau. Yafasiqa anaasee fee qiniara kuqaa anoonee qinafa misa nimuqusa ookiqari mi nammarifa ururee fuannoo.

Uqafiqoo Ufafa 7:16

Ititannimaqaidanoo sia kafaa misa naara raannoo, sia nammariara nidiannoo, sia suani ididirafa nifaaqai naruannoo.

Ruka 6:21

Innee maqee aandaroo nárí marisa Anutufa asasirana inni nimidanoo Anutufa inni nimuaquirana nimiannoommi. Innee maqee ikiraqee mariasa Anutufa firaa asasirana nimidanoo, Anutufa naanaidara qirana inni nimiannoo.

Ruka 1:53

Mifa naararee mariasa amiqira narana ainaina nimuaqu mannimaqaseenoo moomoo narana faqaasa kaqisamu fuaqeera niqiqanau.

Idi Ufa 65:4

Anutu anee rusandeesamummasee maraqaanausa ani asasiranaki maridaqa. Anee aneenna naaquqara maaqaki mariaqeera nifiqa quqasainausa asasiaqa. Maasa mi amaana maqanaki marunanoo ani amiqi amiqirafa maasaki qumbiqanoo marifaqa maridaqa. Ani naaquqara amaana maqaki marunanoo ani amiqi amiqirafa minaki marifa maasaki qumbiqanoo maridanoo.

Idi Ufa 84:2

Qinee ani Yaaweena amaana maqaki marirara dididanoo. Qinee Yaaweena amaana maqaki marirara indee indee idaqa. Qini qimuqusa faqa qifaaqa faqa ani kaqi marira Anutunara asasira idi raidaqa.

Ruka 6:25

Innee maqee nimuaqu imariasa inni aupurarafa firaafa mariannoo, inni aandaroo naruannoo, innee maqee naanaidara qimariasa inni aupurarafa firaafa mariannoo, innee noori runirafa faqa qikifaafau qirafa faqa mariannoo.

Idi Ufa 63:5

Qeeqa qimuqusannai amiqira naranara foora namasaananoo qini qimuaqu inaqa qinee asasira idinnai ani amooqianaura.

Idi Ufa 17:15

Qinee sia aaqara ainaina auqaunnanara qinee ani qafaanaura. Qinee faiqaqee iinaqa findi fuananoo ani afusaa marira oosana fannoo qini asasirana qumbiqa qimiannoo.

Aaquqira Ufa 10:24

Andeeqarausa nári nidimari ainainna mareefaranoo. Mandoosana maree mariasa kaaqa rufiee maria ainainna mareefaranoo.

Aaquqira Ufa 21:21

Kuqaa qira oosana faqa amuqusira oosana faqa auqeenana maa maqanasaa kisaaqasaa marinnaranoo. Akaqausa aniara andeeqara fee qimasee uriqarara auqu amifaranoo.