Mataioo 5:5 - Anutuna Ufa

⁵ Reendeeni mariasa misa uqanna anoona asasiranaki marifaranoo. Anutufa narí innaarunai qumiasana nimianinnanara asasidaqa.

Mataioo 5:5 Referans Kwoze

Idi Ufa 37:11

Nári mara maree qumi mariasa Yaaweefa aiqama maqa nimiannoo. Misa miqoo aiqama ainaina rairaa imarinaqa asooaranaki maridaqa asasifaranoo.

Yameesa 3:13

Inniki moo fannoo nariara irirana faqaasee aiqama ufa oosanara irimarunausee qimarifa doo mi fasiqafa narí amiqira mariranannai faqa amiqira qumararanannai faqa reendeenirana namufaqa narí irirana namufaqa koorooianifeera.

Idi Ufa 149:4

Yaaweefa narí faiqí aanaaseera asasidanoo. Nári mara maree qumimariasa rakirana uriqararanannai amiqimma nimaqaidanoo.

Yameesa 1:21

Innee inneeqa aiqama manda kudimakira oosana faqa manda nira oosana faqa fatika aqusee mariaqa. Innee inneeqa afeeka minnisee Anutuna aramandunnai madoodoonaqa mariaqa, maridaqa Anutufa narí ufa inni nimuqusaki quqeemarina maraaqa. Mi ufananoo inni asumu maraannoo.

Idi Ufa 25:9

Nári nifaaqa mara maree qumi mariasa Yaaweefa andeeqara aatata nifiqee fidanoo, narí aidiranara qimannimidanoo.

Kooroosee 3:12

Innee Asauku mundiranara karaambaiqee qimariasa. Anutufa innee rusandeesamumaseenoo narí andeeqara marira iriranaki quqanniseenoo inniara rakisidanoo amuqusidanoo. Anutufa miqimarinaqa innee maa reendeenira marira ufana kaqi maraaqa. Nariara nariara qimudaoo qiaqa. Ufa qirana faqa nirana faqa ireeda kai qimannimiaqa. Fisoo fisoo imariasa naannaraqa mariaqa. Reendeenamafi ubiqasee mariasa naannaraqa mariaqa.

Mataioo 11:29

Qini qumaara qainda dinni qumaree nifaariki rusisee qini dookinaa ufa maraaqa. Qinee reendeenirausa qimuqusa muqufi ubiqarausa maridaqa innee qini ufa oosana marasaifaqa naundura asooarana adooarana nimianaura.

Eefeesusa 4:2

Sia Anutufa quqaqoo andeeqarana minnisee moomau fuaqa, innee maqee maqee sia urinaaqaraaqa oorudupimasee mariaqa, sia aanooiaqa, ireeda kai pisoopisoomandee mariaqa sia faiqí aanaaseera qusa ufa qimasee aanooiaqa kisaaqasaa ireeda kai idaaqammannimaqaaqa. Innee faiqí aanaaseera nimuqusinanoo nidimarinaqa mifa kooroo ianifee qimasee narinni narinni dadaaqifanoo mifa kooroo iani.

1 Peetooroo 3:15

Innee maqee maqee inneeqa nimuqusaki asauku mundiranara naaquqainaqa mina mareeqee inneeqa karaambaiqaikiaqa. Akaqausa inni innaarunai ainainara asasammasee afeesimarianara iraifaqa innee faasai Yisuna saqarikiranara deedaqammaqainnana misa qimannimiaqa.

Titusa 3:2

Maa ainainnara faqa qimannimia. Misa sia mandufa moonara qiaqa. Misa reendeenira oosana faqa aqoondikira oosana faqa kai maraqa nuaqa. Misa aiqama fasiqa aanaaseera reendeenamandee kai aiqama ainaina iaqa.

Idi Ufa 37:22

Yaaweefa amiqi amiqimmanimaqee marisa misa nári maqa maaqaki amiqimmasee marifaranoo. Yaaweefa niquraree marisa mina maqasaa mariana mara qaqusainaqa quqasee fifaranoo.

Idi Ufa 37:9

Manda oosana faqaasa Yaaweefa misa aiqama taikannimaqaannoo. Irirana Yaaweenasaa mundimariasa maa maqanasaa amiqimmasee marifaranoo.

1 Peetooroo 3:4

Inni nifaaqa amiqi amiqirafa inniqa nimuqusa ookiqari amiqira marira marirafa minannoo kai nifaaqa amiqi amiqiani. Inni nifaaqa mari inanoo asooqaqaaninafa maridanoo, fisoo fisoomasee kasooqaqee aqumurira oosana fannoo mifa sia asooqaqee mariafa maridanoo minannai kai mara nifaaqa auquaqa. Mi oosannafa Anutuna afusaa amiqira oonda uqanna maridanoo.

Idi Ufa 25:13

Misa aiqama ainaina amanaikiranaki amiqiranaki marifaranoo. Misa faiqi namu maqa maaqa mareefaranoo.

1 Timooti 6:11

Oo Timooti anee Anutuna ufa irimarianafa mariananoo, anee munnimma ainainara randee maria iriranamau fimariasara faqa mi manda ainainausara faqa eerairiaqa. Innee nimudaanai qimasee andeeqaranara faqa Anutufara foora irirana faqa Yisunasaa mundirana faqa faiqí aanaaseera nimuqusirana faqa kisaaqasaa Anutuna aanara afeekaikirana faqa faiqí anaasee ireeda reendeenamandee kai qimannimirana faqa mi ainainausara nimudaanai qimasee maraaqa.

Idi Ufa 69:32

Kudi fasiqauqa mina qafamasee asasammifaranoo. Innee Anutunara randeemariasa inni irirana afeekaikamma nimaqaannoo.

Idi Ufa 37:29

Andeeqarausa nári nikausa ninaakusa maqa maaqa umiasanara foora maraseeqa, minaki naaruara marifara.

Idi Ufa 37:34

Anee aneenna irirana Yaaweenaki quqasee mina ufa mau kai andeeqasee fua. Anee miqimarinanoo Yaaweefa ani firaa auqu amiseenoo ani aanaakusa akausa maqa maaqa amiannoo. Mifa minaki manda oosana maree mariasa mara aqusaina qafamasee kuqaa fee qinnaranoo.

2 Timooti 2:25

Mifa ireeda kai mina ufara qaoo qimariasa andeeqannimaqaani. Mifa miqinanoo abee Anutufa dadaaqiannoo fee misa quandaki anoona ufai ubeekeefaranoo fee.

Roomma 4:13

Anutufa maa maqa maaqanara Abarahaamafa narí aiku asauku saimbaqa maqa maaqa fee qinoo qimafeekaikinau. Sia Abarahaamafa Anutuna sandufamau andeeqasee finoofau mina akiaqara maqa maaqara qima afeekaikirana marano̱ofauinau. Mifa Anutufa ufasaa narí irirana rusisoonara minara kai Anutufa mina mareeqeenoo narí afusaa andeeqaranaki quqaseenoo maqara qimafeekaikinau.

Idi Ufa 147:6

Mifa nári mara maree qumi mariasa uqeerannisaidanoo. Kafaa mandoosana maree mariasa maqa mammaaqai radamidanoo.

Mataioo 21:5

Mi tamummaqara fasiqafa ooqai Yisufa sia marukamuqoo maaqi qimasee papiqaki akara rinau. Sioonna maqusanaasa maa ufana qimannimiaqa. Inni karaambaiqa innee iannai uridanoommi. Reendeenamasee doonkisaa uridanoommi doonki aanaaqi akoonasaa ooqu marifinoo uridanoommi. Tamummaqara fasiqa akara miqimminoo maridanoo.

Idi Ufa 22:26

Sarau iranaki mariasa narana namasaifanoo nimuaqu imarina marifaranoo. Yaaweefinnai anirainausa mina amooqifaranoo. Miqi mariasa naaru naaru aiqama ainaina amanaikirausa mariaqa.