Mataioo 5:44 - Anutuna Ufa

⁴⁴ Inneeqa namuqaara faqa nimuqusaki nidiani. Innee qini ufa irinausa mina saara narifaqa misara faqa quandafi innaaru qiaqa. Anutufa misa amiqi amiqianifeera innaaru qimannisaaqa.

Mataioo 5:44 Referans Kwoze

Roomma 12:14

Faiqí anaasee akaqausa Yisuna ufasaara nárí niqifaqa innee quandakinaqa sia minara iriaqa amiqi amiqira afaaqooqa kai qimannisaaqa, sia niquraraaqa amiqi amiqima nisaaqa.

1 Peetooroo 3:9

Mandoosana aminana sia quandakinana kafaa mandoosana amia. Aqurararufa aminana sia kafaa quandafi narí aquraraa. Mi manda oosanna akiaqara quandaki amiqi amiqirana kai amia. Anutufa amiqi amiqirana kai nimiraree qimasee inni naarama narí ququsaki quqaseenoo innee miqi kai iqa amiqi amiqirana kai mandoosana nimimariasa nimiaqa.

Ruka 23:34

Misa Yisuna arimarufanoo Yisufa innaaru qinoo qinau, Oo qini qikoofa misa mandainaina qini qimimariana minninnisaa sia mina akiaqara ia, misa nári imarianara sia iridaqa. Sundiauqa Yisuna aruseeqa kaatara foora sararamaseeqa mina qamunna raina rainiisee maraqau.

1 Peetooroo 2:23

Misa aqurara ufa amufanoo sia mifa quandafi mina akiaqara nári niminau. Misa aupurarana mina apatasaa quqoofanoo sia mifa misa aanoo ufa niminau kaqi narí irirana Anutunasaa andeeqara ufa nimimarunasaa narí irirana quqasee kuqinau.

Idi Ufa 7:4

Qeeqa namuqaa oosana siainaki aupurarana amiananoo fee qinee mi ainainausa akaqana auqamasaanaqau qini namuqaa qini qifaqasee qumarani.

Aaquqira Ufa 19:11

Amiqira irirana faqaafa sia qusufa qimasee aanoo qidanoo narí aanoo qirana rafaaqa fidanoo. Miqi mari fasiqafa moo manda ufa qimamiafanoo sia irinoora foora inara narí afaaqa qareenaranee qidanoo iridanoo.

Yoohanee 13:34

Doo maqee qinee fuka aaquqira ufa qimannimidaqa. Innee nariara nariara nimuqusidaqa nariara nariara ruaqa. Qinee inniara qimuqusufaqa inniara rimariqia innee faqa qini daanna raaqa nariara nariara ruaqa.

1 Teesaroonika 5:15

Innee maa ainainnara faqa rakisiaqa, moo fannoo ani mandaikammamaqainana akiaqara sia narí mandaikammamaqaa sia mi oosanafa mariani. Innee aiqama kari narinni narinni amiqira oosana kai narí ami narí amiaqa sia inneeqaki kai miqiaqa. Innee aiqama maqannaasaki maridaqa miqimannimaqaaqa. Inneeqa irirana nimana mi amiqira oosannasaa kai quqaaqa.