Mataioo 5:42 - Anutuna Ufa

⁴² Faiqí moo fannoo munnimma fee qamunna fee qinana kaqi amia. Sia qaoo qia. Faiqí moo fannoo ani moo ainaina ufaasu qimiannee qinana sia qaoo qia, kaqimmamia.

Mataioo 5:42 Referans Kwoze

Aaquqira Ufa 19:17

Anee kudi fasiqa anaasee narana aina nimidana Yaaweena amiara foora imariananoo kasooaqee Yaaweefa mina akiiqara ani faqa amiannoo.

Heeburu 13:16

Maa ainainna faqa sia aunuaqa, narí amiqi narí amiqiaqa, inneeqa ainaina innee iriranannoo kai raineeqee niqoonausa narí ami narí amiaqa. Anutufa miqira ainainara amiqira tatufira aandaura foora maridanoo fee qidanoo qaqaara raidanoo.

Idi Ufa 37:21

Manda oosana maree mariasa moosa ainaina ufaasu maraseeqa sia kafaa nimidaqa. Andeeqarausa oosana moo maridanoo, misa afaarida kaqi nimimariasa maridaqa.

Roomma 12:20

Kafaa moo fannoo maaqi qinoo. Ani namuqaa fannoo aararee marinana narana kaqi amia. Nammariara mifa aidinana kaqi amia. Anee miqinana aneenna amiqira iriranannai asaurirana mina aminnaranoo. Qinee Pauroosa minara mi tamummaqara fasiqana ufamau fuaqeera qimannimidaqa.

Heeburu 6:10

Anutufa sia qaaraiki marifa maridanoo, andeeqasee amana amana kai nimimarifa maridanoo. Mifa sia innee kadaapirinnana akiaqara aunuannoo, iridanoo. Innee Anutunara nidinara quandaki inneeqa niqoonausa Yisuna ufa irimariasara amiqimaseenoo nimuqusinaqa kaqi dadaaqifanoo Anutufa minara faqa sia aunidanoo, iridanoo mina akiaqara inni nimiannoo.

Yameesa 1:27

Maasa qikoofa Anutufa maa qaaramoo ainainausa maraanara kuqaa anoona qini saqarikirausammiafoo qidanoo. Moo oosana fiaiqi faiqi rakisirana faqa moo oosana adeedaana aanaaseeuqa nariqa aupuraranaki mariasa rakisirafa faqa moo oosana maa manda maqa maaqanakina mandoosanauqa qifaaqai aqufuandoo qimasee eerairinafa faqa mi ainainna namuna maree mariasara kuqaa anoona qini saqariki mariasee qidanoo.

Ruka 11:41

Innee inneeqa naundura anukamasaifanoo inni nifaaqa aiqama anukanoo mariannoo.

Aaquqira Ufa 21:26

Miqira fasiqauqa ainaina qimiaqee kai qimasaida iridaqa. Andeeqarausa sia miqidaqa afaarida kaqi nimidaqa.

Mataioo 5:41

Faiqí moo fannoo qafee faqaa fee sundia fee kiapa fee aniara qini faqa qini ainaina faqa sia feefauru amianaura kaqi qifiqeenana moo maqusai munuqisaannee qinana anee oori quqaseenana sia feefauruara iriseenana oori runua, mi maqusana fiaaqaree moo maqusai eedoo qimasee munaisaa.