Mataioo 5:4 - Anutuna Ufa

⁴ Noori runusee soofari mariasara foora marifa narí aaqaranara faqa faiqí aanaaseera faqa irisee oori runusee marifa mifa uqanna anoona asasiranaki mariannoo. Anutufa amiqi amiqirana amianinnanara asasidanoo.

Mataioo 5:4 Referans Kwoze

Uqafiqoo Ufafa 21:4

Mifa aiqamausa naukunu rukaannoo. Sia kafaa kuqirafa faqa ikifaafau qirafa faqa ikiraqarafa faqa nidafirafa faqa sia kafaa mifauqa mariannoo. Mi ooqeenaa ainainafa doo taikafinoo.

Ruka 6:21

Innee maqee aandaroo nárí marisa Anutufa asasirana inni nimidanoo Anutufa inni nimuaquirana nimiannoommi. Innee maqee ikiraqee mariasa Anutufa firaa asasirana nimidanoo, Anutufa naanaidara qirana inni nimiannoo.

Yameesa 1:12

Faiqí akaqausa nimanamasee qafee mari ainainafa kisaaqasaa narimarifaqa Anutuna faqa kaqikai fidaqa miqimaria fasiqa anaaseesa amiqiranaki mariasa mariadaqa. Miqinna fasiqa anaaseesa mi nimanirana taikasaifanoo Anutufa ooqai qima afeekaikira feefauru naaru marirana nimiannoo narí Anutunara rimariasa kai nimiannoo.

Ruka 16:25

Abarahaamafa iriseenoo qimaminau, oo qini qimaaku anee maqasaa marunna kamuqoo amiqira ainainaki marunanoo Rasarusafa mandainainaki marinau, maqee Rasarusafa maaqoo asasiranaki marinana anee aupuraranaki mariananoo, innisaimbaqa qambaanai maani firaafa maridanoo, maaqoo marinausa sia amana minni fifaranoo mindari faqa sia amana mai anifaranoo.

Ruka 6:25

Innee maqee nimuaqu imariasa inni aupurarafa firaafa mariannoo, inni aandaroo naruannoo, innee maqee naanaidara qimariasa inni aupurarafa firaafa mariannoo, innee noori runirafa faqa qikifaafau qirafa faqa mariannoo.

Ruka 7:50

Yisufa mi anaaseena kafaa qimaminoo qinau, oo maa anaasee anee aneenna aunduraindari qinisaa rusimarianafa mifa kai ani innaarunai marira asumu aminoo doo asooaranaki fua.

Ruka 7:38

Kikiqammafinoo qikiraqee marufanoo mina aukunu fannoo Yisuna aikusaa aqufufanoo narí akiaqa asausi kisaaqannai mina aikusaaqaraa aukunu rukaseenoo mina aiku amooqaseenoo afundi maru fadameena mi taqunakinaana mina aikusaa adianau.