Mataioo 5:32 - Anutuna Ufa

³² Mi ufafa miqimminoo maridanoo, qinee Yisusa minara maaqi qidaqa. Faiqí moo fannoo narí anaaqa aqiqee mariana sia ummuari mari anaaseena amiqimari anaaseena fifau aqiqee marifa mi fasiqafa narí anaaqa mareeqeenoo ummuariranaki quqaidanoo. Quqasaifanoo faiqí moo fannoo mi anaaseena maraifa mifa faqa ummuarammidanoo.

Mataioo 5:32 Referans Kwoze

Roomma 7:3

Mi anaaseena afaaqi kaqi marinanoo quandaki moo fasiqa marainnanara qummuarimari anaasee fee qifaranoo. Mina afaaqi kuqufinanoo sandufasaaqaraafa doo idukinoo maridanoo, quandakinoo moo fasiqa marainnanara sia minara ummuarimari anaasee fee qifaranoo.

Ruka 16:18

Faiqí moo fannoo narí anaaqa minnisee moo anaasee marainafa qummuarimari fasiqafa mariannoo, faiqí moo fannoo minnisainna aanaaseena marainafa mifa faqa qummuarimari fasiqafa mariannoo.

1 Koorinti 7:4

Anaasee fannoo sia narí afaaqa rakisirafa maridanoo narí afaaqi fannoo mina afaaqasaa rakisidanoo, miqi kai masee faiqí fannoo sia narí afaaqara rakisirafa maridanoo narí anaaqa fannoo mina afaaqasaa rakisidanoo minara qinee qidaqa nariara nariara nidimari ainainna narami narami iaqa.

Mataioo 5:28

Faiqí moo fannoo sia anaasee mareennara kaqi afu kai qafainnara aaqoo kai oonu mafi irinnanara minara Anutufa doo ummuarammiaanoo qiannoo.