Mataioo 5:3 - Anutuna Ufa

³ Faiqí moo fannoo nariara qinee qeeqara sia amanaikidee qimasee dadaaqi marifa dadaaqinaqa minannai kai andeeqasee marianauree qimarifa mifa uqanna anoona asasiranaki maridanoo. Innaaruna ququsara Anutufa amianinnanara asasidanoo.

Mataioo 5:3 Referans Kwoze

Aaquqira Ufa 29:23

Narí auqu uqeeree marifa asauriranaki aqufuannoo. Narí mara maree qumi marifa uriqarara auqu maraannoo.

Idi Ufa 34:18

Yaaweefa ummaaraki mariasa dadaaqirara naaqa maridanoo. Mifa kudoosaapee mariasa dadaaqinoo mara amiqiraqoo quqannisaidanoo.

Aaquqira Ufa 16:19

Sarauidaqa nári mara maree qumi mariasa misa uriqararanaki maridaqa. Kafa manda oosana maree mariasa ramoo ramaairana faqa moosa ainaina ummuara marasee raina nimimariasa ureeqarausa maridaqa.

Ruka 18:14

Yisufa mi fasiqaqandara narí faiqi namu qimanniminoo qinau, ummuarira takisa munnimma maree maruna mandainaina Anutufa taika aisoofanoo andeeqasee finau, Farisai amaana ufa qimarufa sia andeeqanau kaqi finau, nariara uriqararausee qimariasa Anutufa asauriranaki quqaannoo, nariara ureeqararausee qimariasa Anutufa uriqararanaikama nimaqaannoo.

Idi Ufa 51:17

Anutufa narí amira ainainara akooqaidanoo. Qini tatufirafa qeeqa mara maree qumirafa maridanoo. Anee nariqa mara maree qumira oosana faqa faiqí nári mandainainakiqari quandara oosanara faqa sia akooqaidanoo.

Yameesa 2:5

Qini qikaqaafasaa mariasa qini ufa iriaqa. Anutufa ainaina siaisara rusandeesamu mandeenoo qafamaseenoo qumareeqeenoo narí saqariki mariasaki uriqararanaki mariaqeera narí innaaruna ququsa maraaqeera ainaina siaisa utaaqamannisaidanoo. Anutufa faasa nariara rimariasara niqafamasee qima afeekaikammasee innaaruna maqa maaqa nimiraree qimaqoofa maridanoo.

Ruka 11:28

Miqi qufanoo Yisufa quandafi mi ufana qaoo qinoo qinau, abee Anutuna ufa irisee mi mau fimariasa misa kai firaaqoo asasirausa maridaqa.

Idi Ufa 112:1

Yaaweena amooqiaqa. Yaaweenara eerairammasee mina ufamau fimarifa faqa mina sandufara asasammasee afaqee marifa faqa asasiranaki maridanoo.

Idi Ufa 1:1

Manda oosana maree mariasa iriranamau sia fimariasa faqa Anutuna ufa rukiee mariasa faqa sia moodaanaki kimariasa faqa andeeqara oosanara fidiaqaa imariasa faqa sia ooqu maria fasiqausa mi manda oosanausara rufiee mariasa misa asasiranaki maridaqa.

Mataioo 11:25

Mikari Yisufa innaaru qimasee qinau. Qini qikoofa, maa maqana faqa innaaruna faqa rakisirafa dufi dufi ani ufa qinee maqee maqee maa ufana qimannimimarunnanara irirana faqaasa nifusaa rafaaqafunniseenana kaiqeesa nifusaa kooroo mannimaqee mariananoo.

Ruka 4:18

Karaambaiqa maraquna fannoo qini daakinoo maridanoo, mifa kudi fasiqauqa amiqira fasaasa ufa qimannimiannee qimasee asauku qinisaa mundinau, rumbaqa mariasa idukuaki fuaqeera qini diqiqanau, nifu dimbarausa faqa nifu maqannisaaneera faqa qini diqiqanau, moo maqannaasa ani mara moo maqannaasa aupurarana nimimariana minakinaana idukuaneera faqa qini diqiqanau, karaambaiqa narí maqannaasa mandainainakinaasa maraaninna aukuanara qimannimirara qini diqiqaifaqa ani maridaqa.

Mareekoo 10:14

Yisufa miquna qafamaseenoo narí faiqi namu aanoommasee qimanniminau. Saina faiqi aanaaqiuqa qinee marunannai aniaqa. Sia misara qaoo qiaqa Anutuna ququsa miqirausaindi marinara sia qaoo qiaqa.

Mataioo 13:16

Innee qini faiqi namu inneeqa nifu qafee mariana inniqa naaqoo irimariasa marianara asasiaqa, inneeqa kai qafaidaqa, inneeqa asasiranaki mariafanoo inneeqa qini ufa oosana iridaqa.

Idi Ufa 146:5

Yakooboona Anutunara dadaaqirana qimiannee qimari fasiqafa faqa Yaaweena nariqa Anutunasaa mundi mariasa faqa asasidaqa.

Idi Ufa 41:1

Kudi fasiqa aanaaseera irisee dadaaqi mariasa asasiaqa. Ummaara aukuanaki Yaaweefa miqimariasa uqeera kaqinni quqannisaannoo.

Idi Ufa 2:12

Naindiri ree marinaqa mina oorinni niqoori saunu araaqa. Innee sia miqifanoo mifa aanoo qinaqa innee kuqifaranoo. Mifa itita qimaqaanifee qimasee mifinnai fimariasa asasi mariasa maridaqa.

Yameesa 1:12

Faiqí akaqausa nimanamasee qafee mari ainainafa kisaaqasaa narimarifaqa Anutuna faqa kaqikai fidaqa miqimaria fasiqa anaaseesa amiqiranaki mariasa mariadaqa. Miqinna fasiqa anaaseesa mi nimanirana taikasaifanoo Anutufa ooqai qima afeekaikira feefauru naaru marirana nimiannoo narí Anutunara rimariasa kai nimiannoo.

Yoohanee 20:29

Yisufa kafaa Toomasina qimaminoo qinau. Anee qini qiqafamaseenana kai qiniara kuqaa fee qidanee. Akaqausa sia qini qiqafaidaqa qini ufara kuqaa fee qifanoo Anutuna asasirafa misasaa mariannoo.

Mataioo 24:46

Mi ainainira fasiqausasaa rakisirafa narí firaana ufamau andeeqasee fimarinanoo mina firaafa ani paqurinanoo sia mina afusaa asauruannoo asasiannoo.

Idi Ufa 84:12

Oo aiqama afeeka faqaa Yaaweefa ani saqariki mariasa firaa asasiranaki maridaqa.

Yameesa 1:10

Suani qeenoo firaaqoo aiqaiqinanoo kookuna aadanusinanoo afufeenaarirana kakasinanoo afu qafainanoo amiqi amiqirafa taikafuannoo. Miqi kai inoo ainaina faqaasa oonauqee ani auqee idaqa miqidaqa doo taikeefaranoo. Miqunara Anutufa ainaina faqaasa sandaaqaindaraana mareeqee maqasaa quqasainaqa misa faqa kudifasiqauqa faqa asasiaqa.

Aaquqira Ufa 8:32

Doo maqee kumaaraa fasiqa anaasee qini ufa iriaqa. Qinee qiannandee iqa innee asasifaranoo.

Uqafiqoo Ufafa 22:14

Nári qamunanda nammari uqusee anukara qamunna faqaasa misa kai amana fuka Yeerusaree maqusa kooqiki keeqafiqa kaqi naaru marira saqari qaqamma amana diqisee neefaranoo. Miqimariasa asasifaranoo.

Uqafiqoo Ufafa 19:9

Mi ufana qimasoofanoo mi qangiroofa qini Yoohaneesa qimaqiminoo qinau. Yoohanee maa ufana akara rua. Maa ufausa Anutuna kuqaa anoona ufa maridanoo. Anutufa sipsipa aanaaqi amundara qoomaqara naaree marisa susuida asasimariasa maridaqa.

Mataioo 25:34

Rainannimaqaseeqa qinee firaa karaambaiqa quandafinaqa qisauku uqannaindaraasa maaqi qimasee qimannimianaura. Qini qikoona amaakummara mariasa aniaqa anireeqa aiqaree mina amiqira ququsaki keeqafi mariaqa. Ooqai maa maqa maaqafa sia marufanoo mi ququsana inniara quqaqoofa maridanoo.

Idi Ufa 128:1

Yaaweena ufamau fimariasa asasidaqa. Mina naamuaqira ufasaa mariasa faqa asasidaqa.

Mataioo 11:6

Moo fannoo sia qiniara qaara irirana irimarifa mifa asasimarifa mariannoo. Qinisaa mikimmaki marifa sia asasiannoo. Mi ufana faqa Yoohaneena qimamiaqa.

Mataioo 8:11

Kaifaa minara qianaura qini ufa iriaqa. Suani oosanaindari faqa amuqundari faqa nianaindari faiqí anaasee moomoo aanaamuru aniree innaaruna ququsaki keeqafi Abarahaamana faqa Isakeena faqa Yakooboona faqa ooqumarifi Anutuna qoomaqa sakasee neefaranoo.

Mataioo 3:2

Mifa maaqi qimasee fuki faaki qidanoo qimannimimarinau. Anutuna ququsa qusasaa innisaa ititafuannoo. Minara innee aiqamausa inneeqa mandainainara quqasee quandafina Anutufinnai noori ubeekaaqa.

Ruka 22:29

Doo mina akiaqara qini qikoofa qiniara uriqarara karaambaiqee qimarindee kai iqa qinee faqa inniara qinee qeeqa karaambaiqa ququsaki keeqafinaqa narana faqa nammari faqa inniara qini saimbaqa neefandiafoo qidaqa.

Ruka 22:30

Miqoo innee qini faiqi namu Isaraee maqannaa ufa irira qaindasaa ooqu marifi qisaukuqara taikasee qikunni ooqu qaara marasee Yakooboona faiqi namu atikiqari kambiqarausa Isaraee maqannaasa misasaa innee andeeqeefaranoo.

Uqafiqoo Ufafa 3:17

Innee unna qimasee inneeqara aiqama ainaina oosana oosana faqaasee qimariafanoo. Inni nifaaqa rumbanoo marifaqa mandaikidaqa kudoosaapaqa maridaqa innee sia minara irimariafanoo. Innee kudi mariafanoo nifu qimbarausara foora mariafanoo kaqisamuara foora mariafanoo.