Mataioo 5:25 - Anutuna Ufa

²⁵ Yisufa moo ufa maaqi qimasee qimannimidanoo qinau. Faiqí moo fannoo aniara mandaikamma qimaqaannee qimasee ani kootai afiqee finana aanai munu dauni andeeqa taikeenana aqoondikia. Sia andeeqa taikainanoo ani mareeqeenoo kiapana munu amiannoo.

Mataioo 5:25 Referans Kwoze

Aaquqira Ufa 25:8

Anee aneenna aqoonnana moo ainaina qafamasee sia aaqmuraaqmura inana kootai munu koorooia. Moo fasiqa mi ainainnara amiqimmasee irimarifa aniree ani ufa rafaaqafu sainana anee naqaa fee innaree.

Heeburu 3:13

Maa aukuannasaqa innisaimbaqa kaqikai maridaqa maa ainainnara rakisiaqa, faasaambaasaana narí poodue̱e nári poodue̱e imariana. Innikina moo fannoo narí mandoosana fannoo rarisameeqee Anutuna ufara sia irianaki quqaandoora eerairiaqa.

Heeburu 3:7

Anutuna naaquqara andeeqara maraquna fannoo maaqi qidanoo. Innee maqee Anutuna ufa iriaqa inni saimbaqa Isaraee maqannaa ninausa nikausa ooqai aadana maqa maaqaki fidaqa ititammasee ufa rukioondee innee siammiaqa. Misa Sinai aadana maqasaa Masaa maqasaa faqa Meeribaa maqasaa faqa nammari sia marunara Anutuna amanamandee qafaida naundaufa naundaufa qiqau.

Heeburu 12:17

Amiseenoo miqoo kasooqaqee aupuranau. Aupureenoo narí akoo finnai anireenoo afaaqooqara qufanoo mina akoofa qinau. Sia, doo ani akaqa amiqa qufanoo Eesaufa ikiraqoofanoo aukunu qumimarufanoo randoo randoo sianoo sia paqurinau, doo taikambinau. Innee sia Eesauna aanna raaqa sia andeeqarana minnisaaqa.

2 Koorinti 6:2

Anutufa minara maaqi qimasee tamummaqara fasiqa qimannimufaqa akara riqau. Qinee qeeqa didira aukuana innee qiniara dadaaqianifee qinna nameeraqirana iriqa. Qinee asumu marirana nimira aukuana inni ufa irisee dadaaqiqa. Qinee Pauroosa minara maaqi qidaqa. Maa kamuqoo kai Anutuna dadaaqirana maree maria kamuqoo maridanoo. Maqee faasaana Anutufa innaaruna asumu nimifaqa mareemaria faasaanafa maridanoo.

Idi Ufa 32:6

Miqiannanara aiqama ani ufamau fimariasa aiqama ainainara randeeqa aniara innaaru qidaqa. Firaa ummaara nammari aufiara foora inoo sia misa rafaaqa fuannoo.

Mataioo 26:58

Misa Yisuna afiqee fimarufanoo Peetooroofa ninaaqianna rufieenoo asukunai nifaaqmee nifaaqmee inoo finau. Misa Kaiafasana maaqaki Yisuna afiqee keeqafufanoo Peetooroofa naambeeqai aadumasaa sundiauqa saimbaqa ooqumarifi maridanoo Yisunara iridanoo imarinau. Misa arifaree naqi fee ifaree rumbeefaree, miqi qidanoo nindafee marinau.

Ruka 18:3

Mi maqusanaki kai adeedaana anaasee moo marinau, mina afaaqi kuqufufa naríara kadaapiriranaki marinau, mifa maqee maqee siaasinnai oonuraidanoo sandanainai qimarinau, oo siaasa anee dadaaqinana qini mandaikamaqimaqee mariasara qaoo qia.