Mataioo 5:22 - Anutuna Ufa

²² Mi ufafa miqimminoo marifaqa qinee minara maaqi qidaqa. Ya fee faiqí moo fannoo sia firaa ainaina kaifau koota maridanoofau, fifau narí akaqaafasaara aanoo inafa maqusai kootaki ufa maraannoo. Ya fee faiqí moo fannoo fifau narí akaqara furufara midanoo mifoo qinafa mifa firaa kootaki maridanoo ufa maraannoo. Ya fee faiqí moo fannoo fifau narí akaqara manda ufa qimamaqainafa karaambaiqa marinannai oonuraina ani idaki mara aquandoora.

Mataioo 5:22 Referans Kwoze

1 Yoohanee 2:9

Mi fukufana maaqimminoo maridanoo. Moo fannoo nariara Yisuna kaaqa qaranaki maridee qidanoo quandafi narí akaqaafasaara fidiaqaa inafa mifa sia kaaqa qaranaki maridanoo asukunaki kaqi maridanoo.

Yameesa 3:6

Maasa qifauru idati miqirafa maridanoo narí mariqooqari aiqama mandainaina oosana oosana aiqama maasa qifaaqasasa daraanidanoo. Mi idatifa Sadanna idati qumbisee quandakinoo maasa aiqama marirana nirana qumbiqaraidanoo.

Titusa 3:2

Maa ainainnara faqa qimannimia. Misa sia mandufa moonara qiaqa. Misa reendeenira oosana faqa aqoondikira oosana faqa kai maraqa nuaqa. Misa aiqama fasiqa aanaaseera reendeenamandee kai aiqama ainaina iaqa.

Mataioo 10:28

Faiqí nipata kuqa narifandinausa sia misara rufiaaqa. Misa inni naunduraindaraa nimana sia amana kuqa narifaranoo. Moo fannoo Anutufa inni nipata faqa nimana faqa amana idaki kuqa narirana amanaiki marifa minara kai rufiaaqa. Faiqí nipata kai narifandinnanara sia rufiaaqa.

Mataioo 18:35

Yisufa mi ufana qimaseenoo narí faiqi namu maaqi qimasee qimanniminau. Innee faqa sia inneeqa niqoonausa inneeqa naundurannoo misa nikiaqara mi aikana sia tatiqa aunifanoo qini innaarunai qikoofa faqa miqi kai inoo inni aika sia tatuannoo.

1 Peetooroo 3:9

Mandoosana aminana sia quandakinana kafaa mandoosana amia. Aqurararufa aminana sia kafaa quandafi narí aquraraa. Mi manda oosanna akiaqara quandaki amiqi amiqirana kai amia. Anutufa amiqi amiqirana kai nimiraree qimasee inni naarama narí ququsaki quqaseenoo innee miqi kai iqa amiqi amiqirana kai mandoosana nimimariasa nimiaqa.

Roomma 12:10

Innee aiqama asauku mundirana mandaaqaqa mariasa minara irisee nariara nariara qikaqaafasaa fee qimasee nariara nariara nifaaqasaa aqoondiara foora nariara nariara andeeqasee ridaqa asasiaqa. Inneeqa niqoonnanara maasa uriqararanee qimasee maqee maqee mina auqu kooroo qia.

1 Peetooroo 2:23

Misa aqurara ufa amufanoo sia mifa quandafi mina akiaqara nári niminau. Misa aupurarana mina apatasaa quqoofanoo sia mifa misa aanoo ufa niminau kaqi narí irirana Anutunasaa andeeqara ufa nimimarunasaa narí irirana quqasee kuqinau.

Mataioo 18:21

Qimasoofanoo Peetooroofa anireenoo qinau. Oo karaambaiqa naquma kari fee qini qiqoonafa manda oosana qiminaqee mina akiaqara minnaisaanauree. Moodaa qisauku taikasee dinni oonu qaara marasee kari fee minnaisaanauree.

Idi Ufa 109:3

Misa qini fidiaqaamma qimaqee maria ufanannai qiniara qidaqa. Misa sia oosana marifaqa kaqi fifau qini namuqaakamma qimaqaidaqa.

Idi Ufa 37:8

Anee mina qafamasee sia moomoo irira iria. Sia aanoo qia. Mi oosanafa ummaaraki nifiqee fidanoo.

Yudeesa 1:9

Anutuna amiqira qangiroouqa ririmma ooqai Mooseefa kuqufufanoo Sadannafa mina iri qumaraanee qufanoo amiqira qangiroouqakiqari uriqararafa moo fannoo mina auqu Mikaraafa mifa Sadanna faqa ufa rainanau. Ufa rainaidanoo sia inniki ani mariasa naanna ranau. Sia aqira ufa mandufa Sadannara qinau. Anutuna ufara iriseenoo kaqi maaqi qimasee reendeenamasee qimaminau. Oo Sadanna Anutufa aniara qaoo qidanoo.

1 Yoohanee 3:10

Doo qinee maqee Anutuna faiqi namufaqa Sadannana faiqi namufaqa akooroomasee qimannimidaqa. Faiqí anaasee moo fannoo sia andeeqara qoo nimarifa sia Anutuna faiqi maridanoo, narí akaqaafasaara faqa sia uriqarara ainainee qimaseenoo minara sia amuqusimarifa mifa sia Anutuna faiqi maridanoo.

1 Teesaroonika 4:6

Sia inniki moo fannoo miqinoo narí aqoonausee moo maqannaasee mandaikamma nimaqaani. Ooqai maasa inni qimannimiafannana maqee kafaa aaquqimannimaqaidaqa Karaambaiqa fannoo mi umuarira oosannara narirafa maridanoo.

Mareekoo 14:55

Aanaiqikirausa uriqararausa maaqaki maridaqa Yisuna kuqaruaneera mina ummaarara randoosia sia paquriqau. (Mooseena sandufa maaqi qimaqoofa, moodaa fasiqa fannoo qinnufafa sia anoonaikiannoo. Qaara fasiqa fannoo kikiqamafi qinafa mifa anoonaikiannoo. Misa minara iriseeqa faiqí qaaraqanda mi ufana qifaqa Yisuna ariraree qiqau.)

Mataioo 26:59

Miqi marufaqa amaana maqasaa rakisimarusa firaasauqa faqa Yuda maqannaa kasoorauqa faqa miqoo suqiqa marida unna ufara randee mariqau. Miqidaqa qiqau. Ya fasiqa fee moo ufa oosana arasainaqee mina maree fee munu kiapana qimamifanoo fee aruannoo fee. (Mooseena sandufa maaqi qimaqoofa, moodaa fasiqa fannoo qinnufafa sia anoonaikiannoo. Qaara fasiqa fannoo kikiqamafi qinafa mifa anoonaikiannoo. Misa minara iriseeqa faiqí qaaraqanda mi ufana qifaqa Yisuna ariraree qiqau.)

Yoohanee 11:47

Misa mina iriseeqa Farisai amaana ufa qimarusa faqa amaana maqasaa rakisimarusa faqa aiqama faiqí firaasa rakisirausa faqa moodaa qoo suqufi ufa qidaqa qiqau. Maasa naqi fee masee mina Yisuna rafaaqafuanauree. Maa fasiqafa Yisufa moomoo firaa ainaina naaquqara ainaina auqaidanoo.

Uqafiqoo Ufafa 20:14

Kuqiranaki mariasa faqa maqa ameemaanai kuqiranaki mariasa faqa aiqama mareeqeenoo ida farumaki aqinau. Mi ida farumanaki aqimarianara inaaqianna kuqiranee qinau.

Ruka 12:5

Innee rufieefandinnanara qimannimiana qini ufa iriaqa, Anutunara innee rufiaaqa. Mifa amana inni nipata naruseenoo naunduraindaraa nimana faqa amana mareeqeenoo idaki aqirana amanaiki marifa, eeoo qinee minara qimannimidaqa minara kai innee rufiaaqa.

Mataioo 5:44

Inneeqa namuqaara faqa nimuqusaki nidiani. Innee qini ufa irinausa mina saara narifaqa misara faqa quandafi innaaru qiaqa. Anutufa misa amiqi amiqianifeera innaaru qimannisaaqa.

Mataioo 5:34

Mi ufafa miqimminoo maridanoo, qinee minara maaqi qidaqa. Sia Anutuna afusaa ufa afeekaikamandee asauku uqeeraaqa. Sia mi oosanna araaqa.

Mataioo 3:17

Quqamafufanoo innaarunaindaraa ufa maaqi qimaseenoo akooqoo Yisunara qinau. Maa fasiqafa kaaqa qini qimuqusira qimaaku marifaqa minara qini qimuqusa asooaifaqa susuidaqa.

Aaquqira Ufa 14:16

Irirana faqaafa mandainaina ummaaraki marirara qeerairidanoo. Irirana siaifa mifa furufarinoo aanoommasee kaqi pasoosammasee fidanoo.

Idi Ufa 7:4

Qeeqa namuqaa oosana siainaki aupurarana amiananoo fee qinee mi ainainausa akaqana auqamasaanaqau qini namuqaa qini qifaqasee qumarani.

Oosana 37:4

Mina afasausamara qafoofanoo misa nikoofa Yooseefaanara aidi marufa uriqaranoo marufaqa misa firaaqoo uqanna naundura mandaiki marufaqa mina faqa ufa qimariqau.

1 Yoohanee 5:16

Faiqí moo fannoo moo mandoosana mareemarina sia andeeqasee kuqiranaki fimaria mandoosana marasainanoo mina akaqaafasaa fannoo qafamaseenoo Anutunara innaaru qinanoo mina mandainaina ateeka rukaiseenoo narí marirana amiannoo. Qinee kuqiranaki sia andeeqasee fimaria mandoosannara qidaqa. Andeeqasee kuqiranaki fimaria mandoosana maridanoo moo fannoo mi mandoosanna marainaqa innee sia minara innaaru qiaqa.

Yameesa 2:20

Oo furufarira fasiqa anaasee asaukunnai dadaaqi qumararafa sia maridanoo Yisuna saqarikirafa narí kai miqoo marida fifau ainainara foora maridanoo. Qinee mi oosannara kafaa koorooianaura.

Heeburu 12:25

Minara innee Yisuna ufa sia sia iriaqa. Amiqimmandee rakisimaree iriaqa. Ooqai Mooseefa maa maqanasaaqaraafa qimannimimarufaqa sia iridaqa kuqimariqau. Maqee innaarunaindaraa fasiqa ufa rukiaanafa anee yaifee finnaree mina ariranakiqari rukiasee naqi fee innaree.

Heeburu 5:9

Mifa aupuraranakiqari amiqiranaikamambinoo quandafi narí ufara eedoo qimarusa naaru naaru marirana oosanaraseenoo niminau.

1 Koorinti 6:6

Innee Yisuna ufara iri mariasa sia andeeqannisee mariafanoo, inneeqa nikaqaafasaa kimariasa mara maree sia Anutuna ufa iriasaki quqee mariafanoo aaqaida miqi mariafanoo.

Yoohanee 15:25

Mooseena sandufa ooqai misara akara rumaqoofa maridanoo. Mifa maaqi qimasee akara rinau. Misa kaqi fifau miqidaqa qiniara fidiaqaaida marifara. Anutuna ufa miqinoo maridanoo naqimasee moosaa fifaree. Minara misa qiniara fidiaqaaidaqa.

Yoohanee 8:48

Yuda maqannaa uriqararausa Yisuna ufa iriseeqa aqiqa qiqau. Anee manda Samaria maqannaa mariananoo afaanna moo ani aunduraki marifa mariananoo. Maasa kuqaa fee qidee, sia fee.

Yoohanee 7:20

Yisufa miqi qimasoofaqa misa aiqama maaqi qimasee narí qimamiqau. Ani aunduraki afaanna marifana anee miqi qimariananoo. Yafee moo fannoo ani kuqaruannoo fee sia moo fannoo.

Mareekoo 15:1

Iqaqoo kananaana aanaiqikirausa misa uriqararausa faqa Yuda maqannaasa faiqí firaasa faqa Mooseena sandufa akoofasauqa faqa aiqama uriqararausa faqa maasa asukunai qunnufafa sia anoonaikidanoo fee qimaseeqa iqaqoofaqa Yisuna kaqi kaqi ufa suquseeqa nariqa Yisuna arifandinna ufana kaifaa andeeqaseeqa. Misa ufa andeeqaseeqa Yisuna mara maree sainandannai rumbamareeqa afiqa mareeqa Roomma maqanna kiapana Piratoona amiqau.

Mataioo 25:41

Qinee misa qimannimiseeqa quandafinaqa qisaaqaindaraasa maaqi qimasee qimannianaura. Innee Anutuna aqira ufa innisaa marisa innee idaki aqufuaqa. Anutufa Sadannanara faqa narí manda qangiroouqa faqa afaannauqa faqa ida aqufuanifeera auquqoofa maridanoo naaru naaru qeemari idafa sia qimbeemari idafa, innee minaki aqufuaqa.

Mataioo 23:33

Innee sakani faiqi namu mariafanoo ukadiqa faiqi namu mariafanoo Anutufa inni idaki aqiraree qinoo. Innee naqi fee masee umbaqaki fifaree. Sia amana miqifaranoo.

Mataioo 23:15

Inni narirana firaafa marinara minara qinee firaaqoo qimudao̱o qidaqa. Innee amaana ufa qimannimisaidaqa maqandanai mandainaina oosana oosana maree mariana. Innee mandoosana maree mariasa. Innee maqusa maqusa faiqiara randaidaqa inni ufa iriaqaainnana mina paqurimasee inneeqa ufa oosana qimamisaifanoo irinoo mi fasiqana mandoosana inni mandoosana uraaqaranoo maridanoo.

Mataioo 17:5

Peetooroofa kaqi qimarufanoo kaaqa qarana asuru fannoo aiqama rafaaqa finau. Ufa moo, asurukiqari Yisunara qimanniminau. Maafa qini qimaaku qini kaaqa minara qimuqusidanoo. Qini didirafa minasaa maridanoo, mina ufa iriaqa.

Mataioo 12:24

Farisai amaana ufa qimarusa mi ufana iriseeqa qiqau. Maafa afaanna rakisirana Beeraseebura minannai afaanna faiqí naunduraki marina aqiqaidanoo.

Mataioo 10:17

Innee qini ufa maraqa nidaqa faiqiara rufiaaqa. Misa qini ufasaara innikinaana akaqausa mara maree Kansoora marinnannai munu quqasee inniara manda fasiqa fee qimaseenoo kootamannimaqeefara. Akaqausa amaana maqaki inniara Anutuna ufa rukiee mariafaqee qimasee sandasamu moomoo kari inni nifaaqa ateekeefaranoo.

Aaquqira Ufa 18:6

Furufarirausa aanoo qirana oosana arasee nariqa nariranara innaaru qidaqa.

Idi Ufa 92:6

Irirana siaifa maa ainainnara sia iridanoo. Furufari marifa mifa faqa sia iridanoo.

Idi Ufa 69:4

Qiniara fidiaqaa imariasa qini qikiiqa asausi faqa arusee fiqaramasee maridaqa. Qini kuqa darirari mariasa fifau qini oosana siainaki namuqaakamma qimaqaidaqa. Misa qiniara moo ainaina fifau unnaqimasee ummuariaanoo qimasee mina akiiqara nimiannee qimasee sandanainai qiafaqa rufiaseeqa fifau qeeqa ainaina nimiqa.

Idi Ufa 49:10

Aiqamausa maa ainainna qafaidaqa. Irirana faqaasa misa faqa kaqi kuqifaranoo. Irirana siaisa faqa furufarirausa faqa aiqama amana amana kai kuqiqa nári ainaina mafi quqasaafaqa akaqausa maraidaqa.

Idi Ufa 35:19

Fifau unna qimariasa qini namuqaa qini tataqaida asasifana Yaawee anee titaqisaa. Qini qumaara qafamasee fidiaqaaidaqa noorinnai nifunnai unnamaanna qimariasa anee misa faqa rafaaqafunnimaqasaa.

Idi Ufa 25:3

Ani saqariki mariasa namuqaa rafaaqafu nimaqarafa sia maridanoo. Qusufa qimasee ani Yaaweenara kaukaata qimariasa namuqaa misa rafaaqafu nimaqaidaqa.

Idi Ufa 14:1

Furufari mariasa nári nimuqusakiqari maaqi qidaqa sia Anutufa maridanoo fee qidaqa. Miqi qimariasa furufarira oosana maraidaqa. Misa kaaqa aaqara oosana uqanna auqee mariasa maridaqa. Sia moo fannoo andeeqara oosana maraidanoo.

Oosana 37:8

Miqi qimasoofaqa mina afasausamara aqiqa qiqau. Kasooaqee anee karaambaiqaika mafi maasa rakisiqimaqeennaree. Miqi qimaseeqa mifa qainunara faqa misara qunara faqa iriseeqa firaaqoo fidiaqaamma amaqaqau.

Ruka 22:66

Iqaqoo kananaana Yuda maqannaasa uriqararausa faqa aanaiqikirausa uriqararausa faqa Mooseena sandufa akoofasauqa faqa moodaanaki suqufufaqa Yisuna mareeqee misa suqiranaki quqaseeqa irammiriqa qiqau, anee maasa qimaqimia, kuqaa anee Anutuna asauku mundira fee maridanee qufanoo mifa qinau qinee qimannimianaqa sia innee qini ufa irifara qinee faqa moo ufara inni iraanaqa sia qimaqimifaranoo.