Mataioo 5:18 - Anutuna Ufa

¹⁸ Simai, qini ufa iriaqa innaaaruna faqa maqa faqa firaa ainaina maridanoo. Mooseena sandufa faqa firaa ufa maridanoo sia dauni taikaannoo. Ati faqa kaqikaafa faqa sia uqanna taikaannoo kaqi uqanna mariannoo. Mooseena sandufa fifi inoo anoonaikinnaqoo miqoo innaaruna faqa maqa faqa mi sandufana faqa doo miqoo kai taikaannoo.

Mataioo 5:18 Referans Kwoze

Ruka 16:17

Innaaruna faqa maqa faqa tautumaki taikarafa amana mariannoo, Mooseena sandufa faqa tamummaqara fasiqauqa ufa faqa kaqikaa ati kai sia amana taikaannoo afeeka mariannoo.

1 Peetooroo 1:25

Anutuna karaambaiqa ufa fannoo sia miqinoo maridanoo naaru naaru mariannoo. Mi tamummaqara fasiqana ufa miqinoo marifaqa qinee Peetooroosa minara maaqi qidaqa. Mi amiqira fasaasa ufafa naaru naaru marira ufa maridanoo mina qimannimimariafaqa irimariafanoo. Tamummaqara fasiqana ufa miqiminoo maridanoo.

Mareekoo 13:30

Innee maana faqa irisee sia aunuaqa maa ainainnausara aiqama qunafa maa maqee maria fasiqa anaaseesa akaqausa kaqi maria kamuqoo kambiqaannoo.

Uqafiqoo Ufafa 20:11

Qinee Yoohaneesa miqiqufaqa qafamaseeqa quandaki qafaafananoo firaa qaari ufiqirafa eekara arimarunasaa minasaa ooqumaru fasiqana faqa qafaqiafana. Mifa kooroo mafufanoo innaaruna faqa maqa faqa mina afusaaqari doo taikeenoo taikafinau.

Idi Ufa 102:26

Anee aiqama ainaina auquqoonafa taikafuannoo. Aneenna kai kaqi marinnaranoo. Mi aiqama ainainausa nauraa qammunnara foora anaqi anaqiannoo. Anee mi nauraa ainainausa ooqeennaa qamunnara foora aqusainaqa taikafifaranoo.

Yoohanee 5:19

Yisufa kafaa qimanniminau. Qinee kuqaa anoona ufa inni qimannimidaqa. Qinee sia moo ainaina qeeqaraa auqaidaqa qeeqa qikoona qafamasee mifa indeekai idaqa. Akoofa moo ainaina auqaifanoo amaaku miqikaimmidanoo.

Mataioo 17:20

Yisufa qinau. Innee qinisaa irirana rusirafa kaqikaafa marinara kai miqiafanoo. Qinee kuqaa anoona ufa qimannimidaqa. Inneeqa irirana rusirafa maqana qaqama miqirafa kaqikaafa marinaqau maa aaqannara qifanoofau meeqai fini. Innee miqi marifaqau aiqama ainaina amanammifoo qini.

Mataioo 16:28

Kuqaa anoona ufa qinee qimannimidaqa innikiqari faiqí qaaramoo sia kuqirai kaqi marifaqa qinee faiqí nimaaku qeeqa innaaruna ququsa uriqarara ququsa namufaqa inni nifusaa qumuanaura.

Mataioo 13:17

Qinee anoona ufa inni qimannimidaqa. Tamummaqara fasiqauqa faqa reendeenirafa andeeqara fasiqauqa faqa misa ooqai maridaqa innee maqee maqee qafeemarianara kaaqa nimuqusufaqa minara qafaaqaa kaimmasee sia qafaqau. Misa innee maqee qini ufa irimariana kaaqa nimuqusifaqa iriraree qimasee iriaqaa kai qimariqau. Sia iriqau.

Mataioo 10:23

Misa inni moo maqusaki narifaqa innee moo maqusai sandeeqa qiniara miqoo qimannimiaqa. Qinee anoona ufa qimannimidaqa. Innee Isaraee maqusa maqusa aiqama qiniara qimannimimarifaqa sia aiqama qimannimi taikainnaqoo qinee faiqí nimaaku kaifaa innaarunaindari qumuanaura.

Mataioo 6:2

Qaaraiki mariasa misa moo amiqira ainaina dadaaqinoo aqoonausee Anutunee nimiani qimaseenoo maqusa qambaana oonuree ukeena fuaqasee faiqí anaasee nifusaa dadaaqinaqa qiqafamaseeqa qimooqiaqeera qimariasa doo nariqa miqoo taikaida miqidaqa. Innee sia misa naanna raaqa.

Mataioo 5:26

Mifa ani mareeqee firisuaiqa aminanoo ani rumbaannoo. Simai, qini ufa iriaqa. Anee rumbaranaki marinanoo ani numoo akiaqa aiqama uqanna taikafinana mikari kai misa ani iduku aiseefaranoo.

Idi Ufa 119:152

Qinee ooqai ani naakapara ufa iriqiafana. Mi ufausa anee qunaqa naaru marira ufauqaika mafiqau.

Yoohanee 21:18

Qinee anoona ufa kai ani qimamidaqa. Anee kumaaraa maridana qamunanda anee rumbasee aneenna aidiranasaa nimariananoo, kasooqaqee anee nauraiqi quqainanoo faiqí moo fannoo ani asauku dinni dinni ratutasee rumbasee afiqee sia fuaqaannai ani akooqainnannai kuqinnanara afiqee fuannoo.

Yoohanee 16:23

Qinee kuqiranakiqari findifiqa qeeqa qikoofinnai ooru marianaqa innee sia kafaa qiniara moo ainainara irammirifaranoo. Qinee anoona ufa qimannimidaqa. Innee qiniara faiqi namu maridee qimasee qini qikoona irammirifanoo iraifandinna ainaina oosana oosana nimiannoo.

Yoohanee 16:20

Qinee anoona ufa qimannimianaura. Qinee kuquanna kamuqoo innee ikifaafau qifaranoo. Innee miqimariafaqa maqasaaqaraasa qiniara sia irimariasa susuifaranoo. Innee noori runusee marifaranoo qinee kuqiranakiqari findi fuanaqa kafaa mi noori runirana minnisee quandakinaqa asasifaranoo.

Yoohanee 14:12

Qinee anoona ufa qimannimidaqa faiqí anaasee moo fannoo qini saqarikinafa qinee ianandee iannoo. Qinee qeeqa qikoofinnai fuannanara qini saqarikinafa sia qini daanna kai raannoo qini saika uraaqaranoo mariannoo. Mina oosana maaqimminoo maridanoo.

Yoohanee 13:38

Yisufa mi ufana iriseenoo qimaminoo qinau, Kuqaa fee anee maqee qiniara kuqinnaree, qinee anoona ufa ani qimamidaqa fafaa eendaki kookooraana sia ufa qinnakamuqoo anee kuqiranara rufiaseenana qaaramoo kari qiniara sia qafaunausee qinanoo kookooraana ufa qiannoo.

Yoohanee 13:16

Qinee kuqaa anoona ufa inni qimannimidaqa. Ainainira fasiqa fannoo sia narí rakisirana uriqararafa maridanoo. Ufa maree fimari fasiqafa sia aqiqeemarina uraaqararafa maridanoo.

Yoohanee 12:24

Qinee anoona ufa inni qimannimidaqa. Nandi asumu naríara kaqi maridanoo aaduma maridanoo. (Yisufa narí kuqiranara qidanoo nandi asumu kikiqa usinau.) Mifa maqaki ummaqusaifanoo putaa inanoo moomoo kambiqaannoo sia nariraa mariannoo.

Yoohanee 10:7

Minara iriseenoo kafaa kooroomasee qimanniminoo qinau. Qinee kuqaa anoona ufa qimannimidaqa qinee qeeqa kai sipsipa kooqi maridaqa.

Yoohanee 10:1

Yisufa kafaa miqooqaraasaa qimannimidanoo sipsipara qinoo faiqiara qinau. Qinee anoona ufa qimannimidaqa. Faiqí moo fannoo sia sipsipa ququsa kooqiki keeqeemarifa kaqinaindari ququsasaa akareemarifa mifa qummuarimari fasiqafa mariannoo.

Yoohanee 8:58

Yisufa minara maaqi qimasee qimanniminoo qinau. Abarahaamafa sia kambiqoo aukuanna qinee maa marunausa mikamuqoo mariqiafana.

Yoohanee 8:51

Yafasiqa anaasee fee qini dookinaa ufa irisee marainafa mifa sia kuquannoo naaru mariannoo.

Yoohanee 8:34

Miqi qufanoo Yisufa kafaa qimanniminoo qinau. Qinee kuqaa anoona ufa inni qimannimidaqa. Faiqí moo fannoo mandoosana maree marifa mi manda oosanafa mina rumbaqaifa maridanoo.

Yoohanee 6:53

Yisufa iriseenoo qimanniminoo qinau. Qinee kuqaa anoona ufa qimannimidaqa. Innee qini faiqí nimaaku qimaqi fidika sia naifanoo sia kaqi marirafa inniki mariannoo.

Yoohanee 6:47

Qinee anoona ufa uqanna qimannimidaqa faiqí moo fannoo irirana qinisaa rusimarinafa naaru marirana doo mareenoo.

Yoohanee 6:32

Miqi qimasoofanoo Yisufa kafaa qimanniminoo qinau. Mooseefa maru aukuanna pupusamuara maqi ira narana sia mifau nimimarinau. Anutufa innaarunaindari nimimarinau. Sia anoona narana nimimarinau. Doo maa aukuanna qinee qumu marunnaqoo qinisaaqari anoona naranara foora inni nimidanoo.

Yoohanee 6:26

Yisufa iriseenoo quandaki qimanniminoo qinau. Qinee kuqaa anoona ufa inni qimannimidaqa. Qinee qeeqa afeeka uqannifiqaunnanara innee sia minara kai irisee qiniara randaidaqa. Innee feemu namasaafanoo nimuaquinoo maqee qumiqaraaninna ainainara innee minara kai qiniara randee mariafanoo. Yisufa kaifaa quandafufanoo qimanniminoo qinau.

Yoohanee 3:11

Qinee kaifaa anoona ufa ani qimamidaqa. Maasa irunna ufana kai ani qimamidaqa. Maasa qafee marunna ainainara kai inni qimannimiafaqa innikina moo fannoo sia maasa ufa irimariafanoo. Sia moo fannoo innaarunai ooru fimariasa maridaqa. Qinee faiqí nimaaku kai innaarunaindari qumuafanausa mindaraa ainainara irida maridaqa. Qinee maa maqanasaaqaraa ainainara ani qimamianana sia irinana naqimasee innaarunai ainainara qimamianana irinnaree.

Yoohanee 3:5

Yisufa iriseenoo qimaminoo qinau. Qinee anoona ufa ani qimamidaqa. Faiqí kaqimarinausa sia uqanna Anutuna ququsaki keeqeefaranoo. Anaasee aranandaki kambiqainausa quandafi Anutuna maraqunannai faqa fukasaa aanaaqi kamafinausa kai Anutuna ququsaki keeqeefaranoo.

Yoohanee 3:3

Yisufa iriseenoo narí qimaminoo qinau. Qinee anoona ufa ani qimamianaura. Faiqí Anutufinaindari kafaa fukasaa aanaaqi aanaaqi kamafinausa kai Anutuna ququsaki keeqeefaranoo. Kaqi marinausa sia amana fifaranoo.

Yoohanee 1:51

Miqi qimasee mina faqa marusa qimanniminoo qinau. Qinee anoona ufa qimannimidaqa kasooqaqee innee innaarunai kudimanda rakee inaqa qafaifanoo qangiroouqa faiqí nimaaku qini qimummaqa ooraini qumaini imarifaqa nindafeefaranoo.

Ruka 18:29

Yisufa qimanniminau, qinee maa ufana ani qimamidaqa, moo fannoo narí maaqa fee narí anaaqa fee akaqaafasaa fee narí anoona akoonee narí faiqi namu fee Anutuna ququsa saikaramamaree minnisainafa mifa maqee maria kamuqoo aabaa faqa maraannoo kasooqaqee anianinna aukuana naaru asumu marirana maraannoo.

Ruka 18:17

Innee maanara kai irisee sia aunuaqa yafee moo fannoo sia kaqikaa faiqi naanna ramasee Anutuna ququsa marainafa sia uqanna minaki keeqaannoo, faiqi aanaaqi naanna ramasee Anutuna ququsa marainausa misa kai minaki keeqeefaranoo.

Ruka 13:35

Doo qusasaa inni maqusa faqa amaana maqa faqa faiqí anaasee sia marifanoo naakundu mariannoo, qinee kuqaa inni qimannimidaqa innee maaqooqari sia kafaa qini qiqafeefaranoo kasooqaqee innee qiniara maafa karaambaiqa aqiqaifanoo anidanoo fee Anutufa mina amiqi amiqianinafa qimasaidaqa mikari kai qini qiqafeefaranoo.

Ruka 12:37

Amiqimasee afeesimariasa asasifaranoo misa uriqararafa anireenoo amiqimasee ainaini mariasee qimaseenoo narí qamunanda atukaramaseenoo narana suqaseenoo rakiqa nimiannoo.

Ruka 11:51

Mi aiqama kuqannarirana akiaqara qinee aiqama mareeqee maqee mariasasaa quqaanaura.

Mareekoo 14:25

Qinee qimannimidaqa sia kafaa uainna maaqoo maqasaa naanauranoo Anutuna ququsaki innaarunai ooru fidaqa fuka uainna amiqirana naanauranoo.

Mareekoo 14:9

Maa ainainnara qimannimianaqa iriaqa sia aunuaqa, maa amiqira fasaasa ufana faiqí anaasee aiqama maa maqana afaaqasasa fidaqa qimannimidaqa maa anaaseefa maqee fadameena qini adia qimaqainara qimannimifaqa sia maa anaaseenara aunifaranoo.

Mareekoo 12:43

Yisufa narí faiqi namu naarama moodaaqoo quqasee qimanniminoo qinau. Qinee mi kudi anaaseenara qimannimianaura, mifa aiqamausa urinnaaqaramasee munnimma aqinoo. Akaqausa nári moomoo munnimmakinaana ati ati aqia, maa kudi anaaseefa ainaina siaifa marifa narí aiqama munnimma narana aina feefaurianee qi munnimmana faqa aiqama aqinoo. Minara qinee mi anaaseenara firaaqoo aiqamausa naruseenoo aqinoo qidaqa.

Mareekoo 11:23

Innee maa ufana irisee sia aunuaqa inni irirafa Anutunasaa rusinoo marinaqa innee qifandinna ainainara kuqaa kambiqaannoo fee qiqa sia naunduraki qaara irirana iridaqa innee maa amuaqunamunara rafauruaki ooruku nammariki aqufua qifanoo Anutufa kuqaa aniara miqiannoo.

Mareekoo 10:29

Kuqaa qiananoo, qinee maa ainainnara faqa qimannimidaqa moo fannoo qiniara faqa qini amiqira fasaasufara faqa narí maaqa fee narí akaqaafasaa fee narí asookinee narí anoonee narí akoonee narí faiqi namu fee narí maqa maaqa fee minauqa minnisainafa mifa maqee maria kamuqoo moomoo maraannoo. Maaqauqa faqa akaqaafasaauqa faqa asoommaaka faqa anausa faqa faiqi namu faqa maqa maaqa faqa moomoo fiqaramasee firaaqoo maraannoo, qini ufasaara arirana faqa maraannoo. Maqee kamu miqimasee maraannoo naaru anianinna kamuqoo naaru asumu marirana faqa maraannoo.

Mareekoo 10:15

Innee maa ainainnara kai irisee sia aunuaqa, faiqí anaasee moo fannoo sia kaqikaa faiqi naanna ramasee Anutuna ququsa marainafa naaru naaru mariranaki sia uqanna keeqeefaranoo.

Mareekoo 9:41

Innee maa ufana iriaqa Innee nammariara nidinaqa innaaru qifanoo faiqí moo fannoo inniara asauku mundirana faiqi namu mariafanoo fee qimaseenoo nammari inni niminanoo Anutufa mina akiaqara mi fasiqana innaarunai quqamaqaannoo.

Mareekoo 9:1

Yisufa kaqi qimannimidanoo maa ufana faqa qimanniminoo qinau, innee iriaqa innee maaqoo mariasakiqari akaqausa sia kuqirai kaqi marina kamuqoo Anutuna ququsa afeekaikamandee qumirana innee mina qafeefaranoo. Sia taikara faasaanara qidaqa kaqi kasaaqaindari qumiranara qidaqa.

Mareekoo 8:12

Miqi qimasoofanoo Yisufa narí aundurai qimiridanoo qinau. Akasaa yairee fee inni manda oosana taikaannoo fee, qimaseenoo akooqoo qimanniminoo qinau, nanaree maqee mariasa mookira ainainara maqee maqee findifinaqa qafaanee qida fee, doo qinee qimannimidaqa sia qinee miqimandee Anutuna afeekara kooroomasee uqannifiqaanauranoo.

Mareekoo 6:11

Innee moo maqusai fifaqa misa sia inni mara quqeeqa sia inni ufa irifaqa innee fidaqa kookoomma afaqa ninaamarasee fuaqa. Innee miqiqa Anutuna naruaninnanara misa aaquqima nimaqeefaranoo. Yisufa miqi qimaseenoo niqiqoofaqa maqusa maqusa fidaqa faiqí anaaseera nári mandainainara nimeesuquaqeera qimannimiqa fiqau.

Mareekoo 3:28

Maa ainainara kai iriaqa sia aunuaqa. Faiqí anaasee oosana oosana mandainaina faqa oosana oosana manda ufa qirana faqa moomoo kari qimariana faqa Anutufa minauqa akiaqara amana mininnisaannoo.

Mataioo 25:45

Qinee misa ufa iriseeqa maaqi qimasee kooroommasee qimannimianaura. Maa qini qikaqaafasauqa misaki ureeqarausa sia innee amiqimmannimaqaidaqa qaoo qunara mi fasannai qini faqa sia amiqimmaqimaqoonara, qaoo qunara minara qinee inniara idaki fuaqee qidaqa.

Mataioo 25:40

Qinee misa ufa iriseeqa quandafiqa kooroo qimannimianaura, maa qini qikaqaafasauqa misaki ureeqarausa innee misa amiqimmannimaqaidaqa qini faqa amiqimmaqimaqee marusa mariafanoo minara amiqira ququsaki keeqaaqeera qimannimidaqa.

Mataioo 25:12

Miqi qufanoo mifa iriseenoo qimanniminau. Sia qinee inniara iridaqa innee yai mariaasee, doo see fuaqa doo kooqi ititaseeqa.

Mataioo 24:47

Iriaqa qinee anoona qimamidaqa mi fasiqana firaafa mina andeeqarana qafamaseenoo, narí aiqama ainainasaa rakisira saika mina amiannoo.

Mataioo 24:2

Yisufa misa ufa iriseenoo quandafinoo qimanniminau. Innee maa ooninannai afeeka usakara usakaqoona qafaidee, innee qini ufa iriaqa. Kaqikaaqoo sia uqanna maa ooniuqa aaku aaku irafa maqee marindee iannoo sia moodaa kaqi mariannoo aiqama qumbaqi aquseefaranoo. Miqi qimasee quqasee moosaa nifiqee finau.

Mataioo 23:36

Mi fidikafa inniki kai mariannoo inni nikeeku nikaaku nisaifaqausa misa maru kamuqoo numoo fifau faiqí nariu numoofa innee maa kamu saqa mariasaki mi numoofa inniki qumaara ramafuannoo.

Mataioo 21:31

Mi fasiqaqanda indaaruqaa fee inaaqianaa fee nári nikoona ufa aindusinoo fee qifaqa qinee irianaura. Misa iriseeqa qiqau. Indaaruqaafa mifa narí akoona ufa aindusinau innaaqianaafa sia aindusinau. Yisufa minara iriseenoo maaqi qimasee misara akooqoo qimanniminau. Miqi kaimmaseeqa kaaqa faiqí maraqanua anaaseesa faqa ummuarira takisa munnimma maree mariasa faqa misauqa Anutuna ufara eedoo qimasaidaqa inni indaaru kamannisee Anutuna ququsaki keeqaidaqa.

Mataioo 21:21

Yisufa minara iriseenoo qimanniminau. Qinee anoona ufa inni qimannimidaqa. Innee Anutunasaa irirana rusiseeqa minara moodaa irirafa marinaqa innee sia oonumafi irifanoo sia qaara irirafa marinanoo, maa faafisana qunnandee kai iqa innee faqa miqi kai ifaranoo firaa ainaina faqa innee miqifaranoo. Maa firaa aaqana oorifa aaqanara faqa qifanoo uqeerakinanoo ooruku nammariki aqufuannoo.

Mataioo 19:28

Yisufa iriseenoo misa qimanniminau. Qinee kuqaa anoona ufa inni qimannimidaqa. Fuka maqa maaqa Anutufa kasooqaqee auqusainaqa qinee faiqí nimaaku qini firaa kaaqa qara ufirira qaarisaa, qaari ufiqisee minasaa ooqu mari finaqa faiqí aanaaseesaa rakisi marianaqa innee qini faqa fimariasa innee qisaukuqara taikasee qikunni ooqu qaara marasee nári ufirira qaarisaa qini faqa ooqu marififaranoo. Innee miqooqari Isaraee maqannaa qikunni ooqu qaara marasee oosana Yakooboona faiqi namu atikiqari kambiqarausa misa niku nisaukusaa rakisifaranoo.

Mataioo 19:23

Mifa fifufanoo Yisufa narí faiqi namu maaqi qimasee qimanniminau. Kuqaa ufa anoona ufa qinee qimannimidaqa. Faiqí moo fannoo ainaina faqaafa innaaruna maqa maaqaki keeqaaneera anuqinnara mammaqamminnaranoo.

Mataioo 18:18

Qinee anoona ufa inni qimannimidaqa. Innee maa maqanasaa moo ainainara iriseenana mandaikammiifoo qiafaqa qinee faqa innaarunai miqi kai iqa mandaikammiifoo qianaura. Innee amiqimmiifoo qiafaqa qinee faqa innaarunai miqi kai iqa amiqimmiifoo qianaura.

Mataioo 18:3

Qinee kuqaa anoona ufa inni qimannimida. Innee sia oonu quandakinaqa sia kafaa aanaaqi aanaaqi kammafinaqa innaaruna ququsaki sia fifaranoo.

Mataioo 11:11

Akarakinaa ufa miqi qinoo marinara qinee Yisusa anoona ufa qimannimidaqa. Anaasee faiqiuqaindi moomoo maridaqa. Yaanaasee fee Yoohaneena uriqararana maqanoofee inau. Sia moo fannoo mina uriqararana maqanau. Innaaruna ququsa mariasa ureeqarausa misa kai Yoohaneena uriqararausa maridaqa.

Mataioo 10:42

Faiqí anaasee yafee moo fannoo maa faiqi anaaqisa asooara nammari neemariana niminaqa qinisaa atooeemariasa minara irisee amiqi amiqimmasee niminaqa, kuqaa anoona ufa qimannimidaqa, mifa sia uqanna mina akiaqara sia maraannoo. Anutufa amiannoo.

Mataioo 10:15

Qinee mi maqusanaasara anoona ufa qimannimidaqa. Numoo aukuana aninaqa inni ufa sia irifandinna maqusanaasa Anutufa naridanoo sia nifauaannoo firaaqoo naruannoo. Soodooma maqusa faqa Koomoora maqusa faqa misa naridanoo kaqikaaqoo nifauaannoo narirafa ooreeqanoo mariannoo.

Mataioo 8:10

Yisufa mi ufana iriseenoo tautufanoo aaquqoofanoo faiqí anaasee mina faqa rumbarausa fifiusa qimanniminau. Qini ufa iriaqa. Maa Roomma maqannaa fasiqafa firaaqoo qini saqarikidanoo qinee Isaraee maqannaasaki qeeqa maqannaasaki maqusa maqusa nidaqa sia moo maaqira amiqira fasiqa paquriqa, aanaamuru maridanoommi.

Mataioo 6:16

Innee narana minnisee naararee marinaqa innaaru qidaqa qaaraikimariasa naanna sia raaqa. Misa narana minnisee innaaru qiaqeera noori runusee doona akiiseeqa maridaqa faiqí anaasee sia narana naidammiafoo qiaqeera miqidaqa. Qinee anoona ufa uqanna inni qimannimidaga. Misa miqoo kai taikaida miqidaqa.

Ruka 4:24

Qinee minara maaqi qimasee inni qimannimidaqa, Anutuna tamummaqara fasiqauqa sia moo fannoo narí maqusanaasa nifusaa uriqarara fasiqa mariannoo moo maqusanaasa minara uriqarara fasiqa fee qimasee mina ufa irifaranoo.

Idi Ufa 111:8

Mi naamuaqira ufausa anoona ufa qiranasaa faqa andeeqara mariranasaa faqa mundinoo maridanoo, naaru naaru afeekaikinoo mariannoo.