Mataioo 5:10 - Anutuna Ufa

¹⁰ Anutuna iriranamau firana akiaqara narinausa misa firaa asasiranaki marifaranoo. Anutufa narí innaaruna ququsa nimianinnanara asasidaqa.

Mataioo 5:10 Referans Kwoze

Yameesa 1:12

Faiqí akaqausa nimanamasee qafee mari ainainafa kisaaqasaa narimarifaqa Anutuna faqa kaqikai fidaqa miqimaria fasiqa anaaseesa amiqiranaki mariasa mariadaqa. Miqinna fasiqa anaaseesa mi nimanirana taikasaifanoo Anutufa ooqai qima afeekaikira feefauru naaru marirana nimiannoo narí Anutunara rimariasa kai nimiannoo.

2 Koorinti 4:17

Kuqaa maasa maqee marunnanaki ufaasu unmaara darirafa maridanoo doo mifa kai firaa areenarana naaru marira areenarana sia amaniaqaairana doo kaaqa firaatia qimiannoo.

Mataioo 5:3

Faiqí moo fannoo nariara qinee qeeqara sia amanaikidee qimasee dadaaqi marifa dadaaqinaqa minannai kai andeeqasee marianauree qimarifa mifa uqanna anoona asasiranaki maridanoo. Innaaruna ququsara Anutufa amianinnanara asasidanoo.

Ruka 6:22

Faiqí akaqausa faiqí nimaaku uqanna qinisaara inniara fidiaqaa iqa nifeeqeeqa aasaandaana ufa faqa oosana oosana manda ufauqa faqa inni qima nimifanoo Anutufa firaa asasirana inni nimiannoommi.

2 Timooti 2:12

Maasa mina faqa afeekaikamande fifi inaqa maasa kasooqaqee mina faqa rakisirausa marianaura. Maasa minara qaoo qiananoo mifa maasara faqa qaoo qiannoo.

Firipi 1:28

Yisuna ufara namuqaaki mariasara sia rufiaaqa, paasoosiaqa. Innee sia rufiaifaqa misa nári kuridifandinnanara irifaranoo. Inni innaarunai asumu marifandinnanara faqa irifaranoo. Anutufa narí kai uqannifiqaannoo.

Ruka 21:12

Misa inni naaree qini ufasaara ruumbeeqee aupuraranaki quqeefaranoo. Misa qini ufasaara inni mareeqee firaa uriqararausa nifusaa faqa kaqikaa uriqararausa nifusaa faqa quqasaifaqa mikari inni ufa qimannimimari aukuana mariannoo.

Yoohanee 15:20

Maa ufana qimannimunnana kaifaa iriaqa ainainira fasiqa sia narí rakisirana uriqararafa maridanoo. Misa qini inni rakisirana dariqa quandaki inni faqa qini ufa irimariasa faqa narifaranoo, misa qini ufa iriqa quandaki inni ufa faqa irifaranoo.

Uqafiqoo Ufafa 2:10

Qini ufasaara kaqikaa qoo innee aupurarana mareefaranoo innee sia minara rufiaaqa. Innee iriaqa Sadannafa inni nimanamasee qafaaneera karabusaki akaqausa quqaannoo. Inni nidafirafa maa maqanasaa qusasaa mariannoo. Innee kaqi maraqa fifi inaqa kuqirana paqurinna aukuana qinee naaru marira qafee afisunnimaqaanaura.

2 Timooti 3:11

Qinee Anutuna ufasaara darirana faqa aupurarana faqa mareemarunana anee qafaananoo. Qinee Antiooka maqusa faqa Ikooniumma maqusa faqa Ristara maqusa faqa mi maqusanakiaqa fimariafanaqa misa dariqa fimarufaqa firaaqoo aupuraqa fimariqiafana. Anee minara faqa irimariananoo. Karaambaiqa fannoo mi ainainnakinaana qini asumu mara quqasoofaqa maridaqa.

Mataioo 25:34

Rainannimaqaseeqa qinee firaa karaambaiqa quandafinaqa qisauku uqannaindaraasa maaqi qimasee qimannimianaura. Qini qikoona amaakummara mariasa aniaqa anireeqa aiqaree mina amiqira ququsaki keeqafi mariaqa. Ooqai maa maqa maaqafa sia marufanoo mi ququsana inniara quqaqoofa maridanoo.

Idi Ufa 37:12

Manda oosana maraqanuasa andeeqarausa nariraree qimasee tipundaaridaqa. Miqidaqa misa andeeqarausara fidiaqaaira noori nifiri maraidaqa.

Ruka 6:20

Yisufa narí faiqi namu nindafamasee qimanniminoo qinau. Innee kudimariasa Anutufa firaa asasirana inni nimidanoo Anutuna innaaruna ququsa innindi maridanoommi.

Mataioo 10:23

Misa inni moo maqusaki narifaqa innee moo maqusai sandeeqa qiniara miqoo qimannimiaqa. Qinee anoona ufa qimannimidaqa. Innee Isaraee maqusa maqusa aiqama qiniara qimannimimarifaqa sia aiqama qimannimi taikainnaqoo qinee faiqí nimaaku kaifaa innaarunaindari qumuanaura.

1 Yoohanee 3:12

Maasa sia Kaina aanna raa, mifa Sadannana faiqi maridanoo narí akaqa arinau. Kainafa nanaree narí akaqa arinoo fee inau. Narí auqoo ainaina mandaikufanoo, mina marirafa nirafa eendaandinoo marunara narí akaqa nirafa marirafa andeeqanoo marunara minasaara aanoomaseenoo arinau.

Mareekoo 10:14

Yisufa miquna qafamaseenoo narí faiqi namu aanoommasee qimanniminau. Saina faiqi aanaaqiuqa qinee marunannai aniaqa. Sia misara qaoo qiaqa Anutuna ququsa miqirausaindi marinara sia qaoo qiaqa.

Ruka 22:29

Doo mina akiaqara qini qikoofa qiniara uriqarara karaambaiqee qimarindee kai iqa qinee faqa inniara qinee qeeqa karaambaiqa ququsaki keeqafinaqa narana faqa nammari faqa inniara qini saimbaqa neefandiafoo qidaqa.

Yameesa 5:11

Anutuna tamummaqara fasiqausa ubiqafi maroonara amiqira fasiqauqee qidaqa. Innee Yoobannara irimariafanoo, kisaaqasaa ubiqafi mariunara mina aanna raaqa. Yoobanna aidafirafa taikoofanoo mina ainainira faiquqa faqa ufai faqa maqa kasirana faqa mina ainaina mara furufarammasee taikaqoofanoo Anutufa quandaki firaaqoo amiqi amiqi maisanau. Karaambaiqa Anutufa amuqusirana faqa nifauarana faqa qumbiqarafa marunara amiqi amiqi maisanau.