Mataioo 4:25 - Anutuna Ufa

²⁵ Mifa maqusa maqusa fimarufaqa faiqí anaasee moomoo suqumaree mina faqa fimariqau. Karidaia maqa maaqaindaraasa faqa qisaukuqara taikasee maqusa marunaki marusa faqa Yeerusaree maqannaasa faqa Yuda maqa maaqa afumaki marusa faqa Yooradanna nammari dinnafai marusa faqa suqu maree mina faqa fiqau.

Mataioo 4:25 Referans Kwoze

Ruka 6:17

Yisufa misa nifiqa quqaseenoo niqiqara fasiqauqee qimaseenoo mina ufa irimarusa moomoosa faqa amuaqu namusaaqari qumureenoo afaasai marufaqa faiqí anaasee moomoosa ani mariqau.

Mareekoo 5:20

Miqi qimasoofanoo anirandee narí maqa maaqai oonuree qisaukuqara taikasee maqusanaasee qimarusa aiqama qimannimimaree fiqu fiqu qidanoo Yisufa dadaaqunara qimanniminoo nimarinau. Aiqamausa mi ufana irimarusa firaaqoo naaquqoofaqa naindiri roofaqa oo kuqaa fee miqinoo fee qiqau.

Mareekoo 7:31

Miqooqari Yisufa Tiree maqa maaqaki minniseenoo Sidoona maqusai keeqafi fiqummakufanoo Kariree farumma afainni ooqu ranau. Ooqu fidanoo qisaukuqara taikasee maqusa misaqa marusa finnaaqareenoo fimarufaqa akaqausa faiqí moo aaqoo aunirana ufa qirara mammaqi maruna afiqamaree mini Yisufa maruqoo mini quqasee aranaiqi qimamiqau. Anee maa fasiqanasaa aneenna asauku mundusainanoo andeeqaani.

Ruka 6:19

Anutuna afeeka fannoo Yisuna afaaqaindari fidanoo faiqí anaasee andeeqannisee marufaqa aiqamausa nisaukunnai Yisuna afaaqa auqamasoofanoo aurirafa taikanau.

Mareekoo 6:2

Nasareetee maqusai Yuda maqannaa marunara nariqa amaana Saririqasaa amaana maqaki keeqafufanoo Yisufa Anutuna ufa qimannimi marufaqa misa irisee tautumasee qiqau. Maafa maa amiqira iriranna yai fee mareenoo fee, yafee maa irirana aminoo fee naqimasee faiqí sia auquaqaa ira ainaina auqidanoo fee.

Mataioo 19:2

Miqoo oonu marufaqa faiqí anaasee moomoo afaqee oonu roofanoo misa aurirana taikannisanau.

Mataioo 12:15

Yisufa mi ufana iriseenoo findimeeqee moosaa finau. Faiqí anaasee aiqama mina faqa fufanoo aurimarusa mandaikimarusa aiqama andeeqannisanau.

Mataioo 8:1

Yisufa amuaqu namusaa faiqí anaasee ufa qimannimiseenoo qumuroofaqa faiqí anaasee moomoo anireeqa Yisuna faqa aanaaqiana rumbarausa fimariqau.

Mataioo 5:1

Mi fasannai mi aukuanna Yisufa faiqí anaasee moomoosa narí faqa fimarusa niqafamaseenoo qufaqa kaqikaa amuaqunamusaa ooru narí faiqi namufaqa faiqí anaasee faqa fiqu fiqumma ooqu marifufanoo ufa maa qimaria amaana ufana qimanniminau.

Mataioo 4:15

Mifa qinau. Seepuruna maqa maaqaki mariasa faqa Yooradanna nammari dinnafai mariasa faqa faruma dinni, ooruku nammari dinni qambaana maqa maaqaki mariasa faqa Kariree maqa maaqaki aanaamuru oosana oosana mariasa faqa innee aiqama faiqí anaasee asukunaki mariasa maqee kaaqa qarana qafeefaranoo. Kuqiranakiara foora asukunaki mariasa inniki maqee kaaqa qarafa radiqifinoo mariannoo. Tamummaqara fasiqa miqi qinau.