Mataioo 4:23 - Anutuna Ufa

²³ Mifa Karidaia maqa maaqa aiqama fiqu fiqu inoo nidanoo innaaruna ququsara fuka ufa qimanniminoo ninau. Aurimarusa faqa oosana oosana ainaina maree marusa faqa teeroouqee marusa faqa idaaqamannimaqee marianu.

Mataioo 4:23 Referans Kwoze

Mataioo 9:35

Miqooqari Yisufa maqusa maqusa kaqikaa maqusa firaa maqusa amaana ufa innaaruna ququsaki fimaria ufana qimanniminooninau. Kaqikaa aurirana faqa firaa aurirana faqa andeeqannisanooninau.

Mareekoo 1:39

Miqi qimaseenoo Yisufa Kariree maqa maaqaki oonuree aniree idanoo nári amaana maaqakiaqa keeqafida qimannimidanoo naundurai faafasaaqa marusa niqiqee marufaqa rafudamakida fimariqau.

Ruka 7:22

Inneeqara Yoohaneefinnai anirandee oonuree maqee maaqoo qafaida maria ainaina qinee Yisusa auqaunnanara qimamiaqa, nifu dimbarausa maqanniseeqa niku eendirausa andeeqannisaunaqa nidaqa karoora narimarisa rukanniseeqa naaqoo aunirausa ruiqanniseeqa kuqirausa findifumanniseeqa, kudi fasiqa anaaseeuqa amiqira fasaasa ufa innaarunaira qimannimiqa mi ainainausara oonuree aiqama Yoohaneena qimamifanoo mifa qiniara iriannoo, ooqai aniraree qimaqoosa doo misamma ani maridaqa.

Mataioo 11:5

Nifu dimbarausa maqannisaidaqa, niku eendirausa amiqimmannisaunaqa nidaqa. Karoora narimariasa rukannisaidaqa. Naaqoo aunirausa ufa iridaqa. Kuqimariasa findifumannisaidaqa. Kudi fasiqauqa qinee amiqira fuka ufa innaarunai ququsa ufa misa qimannimidaqa. Mi ufana oonuree Yoohaneena qimamifanoo mifa qiniara iriannoo.

Mareekoo 1:21

Minamusa Yisuna faqa fi fiufaqa Kapeeranaumma maqusai oonu raqau. Yuda maqannaasa amaana saririqa sabatee qimarunasaa Yisufa nariqa amaana maaqaki keeqafinoo faiqí anaasee amaana ufara naakapanau.

Idi Ufa 103:3

Mifa aiqama qini aaqarana akiiqara minni qisee marifa maridanoo. Mifa qini aurirana aiqama taikaqisee marifa maridanoo.

Roomma 10:15

Naqi fee maseenoo fee moo fannoo oonu qimannimiannoo fee moo afeeqaseeqa mina ati uaqeeifanoo amana oonu maridanoo qimannimiannoo. Tamummaqara fasiqa minara maaqi qimasee akara rumaqoofa maridanoo. Amiqira fasaasa ufa maree animariasa anirafa amiqirafa maridanoo. Tamummaqara fasiqa miqi qimaqoofa maridanoo.

Ruka 8:1

Kaqikaaqoo marikinoo Yisufa kaqikaa maqusakiaqa faqa firaa maqusakiaqa faqa oonuree aniree inoo nidanoo Anutuna innaaruna ququsara amiqira fasaasa ufa qimanniminoo ninau. Mina faiqi namu qisaukuqara taikasee qikunnooqu qaara marasee fasiqa faqa anaasee akaqausa faqa mina faqa fiqau.

Mareekoo 6:2

Nasareetee maqusai Yuda maqannaa marunara nariqa amaana Saririqasaa amaana maqaki keeqafufanoo Yisufa Anutuna ufa qimannimi marufaqa misa irisee tautumasee qiqau. Maafa maa amiqira iriranna yai fee mareenoo fee, yafee maa irirana aminoo fee naqimasee faiqí sia auquaqaa ira ainaina auqidanoo fee.

Mataioo 24:14

Maa amiqira fasaasa ufana qini innaaruna ququsa ufa maqusa maqusa faiqí anaasee aiqama qimannimisaifaqa misa aiqama irisaifanoo mi kamuqoo taikara aukuana aniannoo.

Mataioo 12:9

(Mooseena sandufa nári amaana Saririqa sia kaqikaaqoo ainainiqee qinau. Yisuna aukuana misa mi mau kai fimariqau.) Yisufa sakumara qimannimiseenoo miqooqari Yisufa misa faqa misa amaana maqaki keeqanau.

Yoohanee 18:20

Yisufa mina ufa iriseenoo maaqi qimasee Annasana qimaminau. Qinee faiqí anaasee moomoo suqimaruqoo kai ufa qimannimimariqia. Suqira maaqaki fee naaquqara amaana maqaki fee faiqí anaasee moodaaqoo suqiraqoo fee miqoo kai qinee naamuaqira ufa aiqama ufa qimannimimariqia. Sia qinee moo ufa kukeeqaranaki qimannimiqiafana. (Innee aaqamasee qini kukeeqaranaki irama qimaqee mariafanoo.)

Ruka 13:10

Moo Saririqa Yuda maqannaasa amaana qimaru faasaana Yisufa ufa suqira maqaki keeqafi Anutuna ufa qimannimimarufanoo moo anaasee fannoo faafasaaqa mina aunduraki marufanoo (18) qisaukuqara taikasee qiku dinni taikasee dinni oonu qaaramoo marasee aukuana kummaranoo kai marufa ataufaka rakisirara sia amanaikimarufa miqoo amaana maqaki ani marinau.

Ruka 9:11

Faiqí anaasee moomoosa iriseeqa afaqee minni oonu paquriqau. Yisufa misa naaramaseenoo Anutuna innaaruna ququsara qimannimiseenoo misaki aurusa andeeqannisanau.

Ruka 5:17

Moo faasaana Yisuna moo maaqaki maridanoo faiqí anaasee Anutunara naamuaqida marufanoo Farisai amaana ufa qimarusa faqa Mooseena sandufasaa rakisirausa faqa mi maqanaki ooqu marifiqa irimariqau, Kariree maqa maaqakiqari faqa Yudeeaa maqa maaqakiqari faqa Yeerusaree maqusaindari faqa moomoosa ani maridaqa iri mariqau. Aurirana taikara afeeka karaambaiqa Anutufinnaindari Yisunasaa marufanoo aurusa andeeqannimaqee marinau.

Mareekoo 1:14

Yuda maqannaasa karaambaiqa Eeroodeefa Yoohaneena nammari nimimaruna karafusaki rumbasoofanoo miqooqari Yisufa Kariree maqa maaqaki oonuree faiqí anaasee Anutuna amiqira fasaasa ufa qimannimida maaqi qimasee qimannimi marinau.

Idi Ufa 74:8

Mi manda fasiqausa nariqa maaqi qimasee qimiriqa qiqau. Doo maasa misa amiqiuqanna masee radamusaanaura. Aiqama maqusa maqusa Anutuna amooqi maria amaana maqausa misa idarasoofanoo qama taikanau.

Yoohanee 6:59

Yisufa mi ufana Kapeeranaumma maqusai ufa suqira maqaki qimanniminau.

Ruka 6:17

Yisufa misa nifiqa quqaseenoo niqiqara fasiqauqee qimaseenoo mina ufa irimarusa moomoosa faqa amuaqu namusaaqari qumureenoo afaasai marufaqa faiqí anaasee moomoosa ani mariqau.

Mataioo 14:14

Yisufa kanuqakiqari maqasaa aqufinoo nindafoofaqa moomoosa ani marufanoo. Oonureenoo misara amuqusufanoo misaki aurimarusa aurirana taikannisanau.

Mataioo 13:19

Moo fannoo qini ququsakinaa ufa iriseenoo sia irinoo manoo manaa imarifa, qaqamma mina amuqusaki kakasammasaifanoo manda faiqi fannoo animaree fifinoo. Maafa qaqamma fooqaana aanasaa kukupee marifanoo siara foorammidanoo.

Mataioo 3:2

Mifa maaqi qimasee fuki faaki qidanoo qimannimimarinau. Anutuna ququsa qusasaa innisaa ititafuannoo. Minara innee aiqamausa inneeqa mandainainara quqasee quandafina Anutufinnai noori ubeekaaqa.

Yoohanee 7:1

Miqooqari Yisufa Kariree maqa maaqaki nimarinau. Sia Yudeeaa maqa maaqai finau. Yuda maqannaasa miqoo mina arira ufa qimarunara sia finau. (Ooqai Isaraee maqannaasa Isipa maqusaindari qaara fasiqa niku nisauku taikasee aukuana nifuru faiqaqa uqiqaana maaqaki fimarufanoo Anutufa innaarunai maridanoo narí afeekannai Isaraee maqannaasa maqasaaqaraasa qumee dadaaqidanoo aandau narana nimimarufaqa naqafimariqau. Kaasau maqa maaqai nini iusa oonu randee nári maqasaa Isaraee maqasaa animaridaqa aukuana aukuana Yeerusareenni suqufidaqa uqiqaanarasaida faiqeeunara iriseeqa minara afaarurumanaida nári naambeeqa nári naambeeqa uqiqaana maqa usakasaida dinni qisauku taikasee dinni ani qaara marasaida (7) faasaana minaki faiqaida qoomaqa sakasaida namasaida minara susu imariqau.)

Ruka 20:1

Moo kari Yisufa faiqí anaasee mi amaana maqanaki Anutuna amiqira fasaasa ufa faiqí aanaaseeuqa qimannimimarufaqa amaana maqasaa aanaiqikirausa misa uriqararausa faqa Mooseena sandufa akoofasauqa faqa suqumaree Yisufinnai aniree iramiriqa qiqau.

Ruka 4:14

Yisufa Kariree maqa maaqai kafaa aniroofanoo Anutuna naaquqara maraquna fannoo mina faqa afeekaikamasee maridanoo dadaaqunara, mina aufakiana fannoo Kariree maqa maaqaki aiqamai daraaninau.

Ruka 6:6

Moo kari Isaraee maqannaasa Saririqa amaanasaa faasaana moo maqusai amaana maqaki keeqafi Anutuna ufa qimannimi marufanoo faiqí moo asauku uqannai asauku karaaduqarafa faiqí anaasee faqa maridanoo Yisuna ufa irimarinau.

Ruka 16:16

Mooseena sandufa faqa tamummaqara fasiqauqa akarakinaa ufa faqa oosana arooqooqari misa ufa afeeka fannoo aiqamausa rafaaqafusee fi fi inoo Yoohaneefa nammari nimimaru aukuanna mini raquramiqoo taikanau. Miqooqari innaaruna ququsakinaana Anutuna amiqira fasaasaa ufa fannoo kai misa qimanniminoo fifaini marifaqa aiqamausa innaaruna ququsaki nimudaanai qimasaida keeqararidaqa.