Mataioo 4:21 - Anutuna Ufa

²¹ Yisufa miqanda nifiqeenoo miqooqari faruma afaiqara fidanoo mooqara nári qisafasaasa paqurinau. Miqanda nuqu Yameesa Yoohaneesa miqanda nikoona auqu Seebeedi. Sia nammari nimimaru Yoohaneefa marinau, mina amarafa marinau. Miqanda nári nikoona faqa kanuqaki ooqumaridaqa fafaa eendaki nári pateeuqa nammariki aqusee noodaanna maraanee qidaqa deedaqimariqau. Misauqa faqa noodaanna ainainirana faqaasa mariqau.

Mataioo 4:21 Referans Kwoze

Mataioo 10:2

Mina faiqi namu qisaukuqara taikasee qikunni qaaraqanda ooqu marasee misa nuqu maaqimmasee mariqau. Indaaru Simoona mina auqu moo Peetooroofa faqa mina akaqa Andurufa faqa moo fasiqa Yameesafa faqa mina akaqa Yoohaneefa faqa miqanda nikoofa Seebeedifa marinau.

Yoohanee 21:2

Simoona moo auqu Peetooroofa faqa Toomasifa qaara qapirafa faqa Natanaeerafa Kannaana maqusa Kariree maqa maaqaindaraafa qini qikoona Seebeedeena amaakuqara faqa moodaanaki mariqiafana.

Mataioo 26:37

Qimaseenoo mifa Peetooroona faqa Seebeedina amaakuqara Yameesa Yoohaneesa minamusa faqa kaqikaa qoo saqamaki nifiqamaree fidanoo narí kuquaninnanara irimarufanoo aundura mandaikimarufanoo akoo akaa imarufanoo miqi marinau.

Mataioo 17:1

Miqi qimaseenoo qisauku dinni taikaseenoo dinni oonu moodaa marasee faasaana taikaseenoo Yisufa Peetooroona faqa Yameesana faqa mina akaqa Yoohaneena faqa minamusa nifiqeenoo aaqanai náriaraa naadumai ooru fiqau.

Mataioo 4:20

Miqanda mi ufana iriseeqa nári pateeuqa ainaina faqa quqasee findimeeqee Yisuna faqa fiqau.

Mataioo 4:22

Yisufa naaramasoofaqa miqanda findifufaqa nári kanuqa faqa nári nikoona faqa minnisee Yisuna faqa fiqau.