Mataioo 4:2 - Anutuna Ufa

² Yisufa sia narana marufanoo, qaara fasiqa niku nisauku taikasee eenda faqa faasaana faqa aiqaroofanoo aararanau. Miqimmasee faasaana taikoofanoo firaaqoo aararoofanoo kudoosaapanau.

Mataioo 4:2 Referans Kwoze

Rafudoo Akarafa 34:28

Miqi qimasoofanoo Mooseefa aaqanasaa Yaaweena faqa kisaaqasaa marinau. Qaara fasiqa niku nisauku taikasee 40 faasaana faqa eendaki faqa nammari faqa narana faqa sia neemarinau. Yaaweena moodaanaki kira sanda ufa ooni qarasaa akara rinau.

Ruka 4:2

Qaara fasiqa niku nisauku taikasee faasaana mikari Yisufa narana sia nanau, mi moomoo faasaanafa aiqaroofanoo Yisuna firaaqoo aararanau.

Rafudoo Akarafa 24:18

Mooseefa aaqanai ooru fidanoo qasuruki keeqakufanoo aaqanasa ooru qaara fasiqa niku nisauku taikasee 40 eendaki faqa faasaana faqa marinau.

Yoohanee 4:6

Yisufa kisaaqa aatata fifi isoofanoo amudaani rufanoo miqoo Yakooboona nammari madika paqurimaseenoo mina afainni ooqu marinau. Suani qambaanaikufanoo madika afainni ooqu marinau.

Mareekoo 11:12

Misa faiqee iqaqoofaqa Beetani maqusaindari Yisufa Yeerusareenni ooru fidanoo aararoofanoo Yisufa qafoofanoo faafisa fooqaa ira saqari nianai marufanoo qaqama iranoo fee marinoo sia fee marinoo qimaseenoo aaqa oonuree qafoofanoo amanee kai marufanoo qaqama iree maru aukuana sia marunara sia iranau.

Mataioo 21:18

Iqaqoofanoo aatata ooqurandee kafaa Yeerusaree maqusai urimarufanoo aararanau.

Mataioo 25:35

Qini daararoofaqa narana qimusa mariafanoo. Qini nammariara didimarufaqa nammari qimusa mariafanoo. Qinee aanaamuru fooqaasa mariafana innee qini aqoondikiusa mariafanoo.

Mataioo 25:42

Qini daararee marufana naranara qaoo qimasee sia qimusa mariafanoo. Qini nammariara didufaqa qaoo qimasee sia qimusa mariafanoo.