Mataioo 4:13 - Anutuna Ufa

¹³ Kaqikaaqoo miqoo marinoo quqaseenoo Kapeeranauma maqusai Karidaia faruma atinni mi maqusanai ooqu marinau. Kapeeranauma maqusai Seepuruna maqa maaqa faqa Napatari maqa maaqa faqa miqoo Kapeeranauma maqusa maridanoo.

Mataioo 4:13 Referans Kwoze

Yoohanee 4:46

Yisufa Kariree maqa maaqakinaa kaqikaa maqusa auqu Kannaana maqusai ooqai nári uainna nammari taikafufanoo nammarinnai auqu maqusanaki oonuranau. Mi maqusanaki faiqí firaafa uriqararafa moo marinau. Mina amaaku kuqira aurira auridanoo Kapeeranaumma maqusai maridanoo kuqirari marinau.

Mareekoo 1:21

Minamusa Yisuna faqa fi fiufaqa Kapeeranaumma maqusai oonu raqau. Yuda maqannaasa amaana saririqa sabatee qimarunasaa Yisufa nariqa amaana maaqaki keeqafinoo faiqí anaasee amaana ufara naakapanau.

Mataioo 11:23

Kapeeranaumma maqusanaasa innee inneeqara uriqararausee qimasee inni maqusara faqa unna qimasee innaaruna amana kai maridee qimariasa. Kasooqaqee Anutufa ani mindari rarisammeeqeenoo idaki aqunnisaannoo. Soodooma maqusanaasa mandoosana maree marufanoo Anutufa narinau. Qinee Soodooma maqusaki faiqí sia amanaiki mari ainaina inni Kapeeranaumma maqusaki auqaafanandee iananoofau maqee mi maqusafa kaqi mariqini.

Yoohanee 6:59

Yisufa mi ufana Kapeeranaumma maqusai ufa suqira maqaki qimanniminau.

Yoohanee 2:12

Miqooqari Yisufa narí anoona faqa narí akaqaafasaa faqa narí ufa irimarusa faqa Kapeeranaumma maqusai ooqu fiqau. Miqoo ooquree qaaramoo faasaana kaqi marinau. (Ooqai Anutuna qangiroo moo fannoo Isaraee maqannaasa ainnaaqareenoo Isipa maqannaasa ooqa faiqiuqa kuqa narufaqa Isaraee maqannaasa quqasee sandaqau.)

Mataioo 17:24

Misa Kapeeranaumma maqusa oonuroofaqa amaana maqa takisa maree marusa misa Yisunara nisauruseeqa Peetooroofa maruqoo oonuree iraidaqa qiqau. Ani firaafa amaana maqa takisa sia fee aqidanoo fee qimasoofanoo Peetooroofa eeoo aqidanoo qinau. Miqi qimaseenoo kaqikaaqoo maaqaki keeqoofanoo Yisufa mina moo auqu ramasee qimaminoo qinau. Simoona maa maqanasaaqaraasa misa oosana maaqimminoo maridanoo. Moo maqannaasa namuqaa afeekaikamasee narirarammasaida namuqaandi kai fee takisa maraida fee, nárindi nári maqannaasaindi fee kai maraidee qufanoo Peetooroofa mina iriseenoo qinau.

Ruka 4:23

Yisufa irisee qimanniminoo qinau, innee ooqeenaasa naamuaqira ufa qimaqimiqa maaqi qifaranoo oo tutaqafa anee aneenna aurirana aneenna marasinnanai kai aneenna aurirana taikaa kafaa qiniara maaqi qifaranoo anee Kapeeranaumma maqusai oosana oosana ainaina faiqí sia amanaiki mari ainaina auqaananara maasa iridaqa maqee aneenna maqusaki maasa qifusaa mi ainainna auqaa.

Mataioo 4:14

Yisufa Kapeeranauma maqusai ooqu marufanoo Anutuna tamummaqara fasiqa auqu Eesaia, mina ooqeenaa ufa anoona kambiqanau.

Mataioo 4:15

Mifa qinau. Seepuruna maqa maaqaki mariasa faqa Yooradanna nammari dinnafai mariasa faqa faruma dinni, ooruku nammari dinni qambaana maqa maaqaki mariasa faqa Kariree maqa maaqaki aanaamuru oosana oosana mariasa faqa innee aiqama faiqí anaasee asukunaki mariasa maqee kaaqa qarana qafeefaranoo. Kuqiranakiara foora asukunaki mariasa inniki maqee kaaqa qarafa radiqifinoo mariannoo. Tamummaqara fasiqa miqi qinau.

Mataioo 9:1

Miqi qufanoo Yisufa narí faiqi namufaqa sipaki kafaa keeqafufanoo nammariki fifiufanoo narí maqusai Kapeeranauma nammari amuaqumau oonuranau.

Mareekoo 2:1

Qaaraqanda fee qaaramoo faasaanee aiqaroofanoo Yisufa narí maqusai Kapeeranaumma maqusai anireenoo narí maaqaki keeqafufaqa faiqí anaasee minara iriseeqa mi maqanaki moomoo keeqee qumbiqafufanoo kooqiki faqa naambeeqai faqa qumbiqaqufufanoo Yisufa maaqaki maridanoo Anutuna ufa qimannimi marinau.

Ruka 10:15

Kapeeranaumma maqusanaasa inniara faqa qianaura inneeqa nifaaqara mara maree urimariana inni maqusara faqa unnaqimasee innaaruna maqusa fooqaa fee qimariafanoo mina akiaqara Anutufa inni maqusa namufaqa mindari rarisameeqeenoo idaki aqumisaannoo.