Mataioo 4:1 - Anutuna Ufa

¹ Miqooqari nammari mara mareenoo Anutuna maraquna fannoo Yisuna rarisameeqeenoo fifau saqanna aadana maqasaa oonikinai quqasoofanoo marinau. Sia fifaufau. Afaannauqa firaafa amanammasee qafaanifeera quqasoofanoo marinau. Oonu marufanoo afaannauqa firaafa Yisuna amanammasee qafaanee qimaseenoo anireenoo maaqi qimaseenoo amanammasee qafanau.

Mataioo 4:1 Referans Kwoze

Heeburu 2:18

Indaaru Yisufa aupurarana aidafirana Sadannafa nimanamandee qafarana faqa doo amanamandee qafamaseenoo uriqaroofa maridanoo. Maqee minara maasa amiqimmandee dadaaqidanoo mifa doo mina oosana qafoofa irufa maridanoo.

Roomma 8:14

Anutuna maraquna fannoo nifiqee fimarisa Anutuna faiqi namu maridaqa.

Yoohanee 14:30

Qinee sia amana inni faqa kisaaqasaa ufa qianaura. Maa maqanasaa rakisirafa Sadannafa doo anidanoo qini afeeka fannoo mina afeeka uraaqaranoo maridanoo.

Oosana 3:15

Qinee qianaqa maa anaaseefa faqa anee faqa nariara nariara fidiaqaa ifaranoo. Inniqara faiqinamu naaruara namuqaa marifaranoo. Mi anaaseena asumu kiqari moodaa fannoo ani akiiqa radamuannoo. Anee mina asumu kinaana aiku ataa ukaqa aminnaranoo.

Yameesa 1:14

Faiqí anaasee nári mandainainara nidirafa nári rarisameeqeenoo nári ufaanaki naridanoo.