Mataioo 3:2 - Anutuna Ufa

² Mifa maaqi qimasee fuki faaki qidanoo qimannimimarinau. Anutuna ququsa qusasaa innisaa ititafuannoo. Minara innee aiqamausa inneeqa mandainainara quqasee quandafina Anutufinnai noori ubeekaaqa.

Mataioo 3:2 Referans Kwoze

Mataioo 4:17

Yisufa Kapeeranauma maqusai ooqu maridanoo maa ufana oosana arasee faiqí anaasee maaqimmasee qimannimimarinau. Innaaruna ququsa adeediranoo maridanoommi, innee inneeqa mandainainara maqee kai aupuree quandakiqa Anutuna oorinni noori quandaaqa.

Mareekoo 1:15

Andeeqara kamu doo ani maridanoo Anutuna rakisira ququsa doo adeedi ranoo maridanoo. Innee inneeqa mandainainakiqari quandakinaqa amiqira fasaasa ufa irisee inni irirana minasaa rusiaqa.

Mataioo 6:10

Ani innaarunai ququsa maa maqanasaa kambiqaani, innaarunai ani aiku asauku mariasa ani iriranamau kai andeeqasee fimariasa maridaqa maasa maa maqanasaa qaraasa misa naanna ramasee mi iriranamau kai fuaqaana.

2 Koorinti 7:10

Nifaaqa ummaara rarafa Anutufa minannai inni maramareenoo faiqí nimuqusakinaana mara quandeeqeenoo innaaruna asumu mariranaki quqeemarifa mi nifaaqa ummaara rarafa amiqirafa maridanoo kai fifau maqasaa nifaaqa ummaara rarafa mifa kuqimariafa maridanoo.

Mataioo 10:7

Innee fidaqa maaqi qimasee qimannimiaqa. Innaarunai ququsa fannoo adeediranoo maridanoo.

Ruka 15:10

Qinee qimannimidaqa, Anutuna qangiroouqa mi anaaseena aanna reefaranoo moodaafa mandainaina maranoo ni ni inafa quandaki Anutufinnai ubeekainaqa minara firaaqoo asasifaranoo.

Ruka 13:3

Sia minarau kuqiaa, qinee minara inni qimannimidaqa, Innee faqa inneeqa manda oosana minnisee Anutufinnai ubeekaaqa, sia miqiqa innee faqa miqi kai iqa kuqifaranoo.

Ruka 11:20

Qinee sia Beeraseeburana afeekannaifau faafasaaqa nifaqaidau Anutuna naaquqara afeekannai nifaqee marunausa marunnanara akooqoo maridanoo. Miqi marunnanara Anutuna ququsa inniki doo animarinara kooroo idanoo.

2 Peetooroo 3:9

Karaambaiqa sia anuqidanoo, maa maqa maaqanakinaa fasiqa anaasee moodaa nariranara akooqaidanoo misa aiqama nári mandainaina nimeesuqusee noori Anutufinnai ubeekamafi minni kai fuaqeera minara amiqimasee kisaaqasaa aiqamausa nifeesidanoo. Kisaaqa aukuanara faqa qusa aukuanara faqa amanamana kai fee qidanoo amiqimasee nifeesidanoo.

Ruka 6:20

Yisufa narí faiqi namu nindafamasee qimanniminoo qinau. Innee kudimariasa Anutufa firaa asasirana inni nimidanoo Anutuna innaaruna ququsa innindi maridanoommi.

Mataioo 13:52

Yisufa iriseenoo kaifaa maaqi qimasee qimanniminau. Mooseena sandufa irimari fasiqafa moo fannoo Anutuna ququsaki mariranara irimarifa maridanoo mifa faiqí firaafara foora maridanoo narí maaqakiqari ooqeenaa amiqira irirana faqa fuka amiqira irirana faqa marasee ani uqafiqaannoo.

Mataioo 13:47

Kaifaa Yisufa minara qinau. Innaaruna maqusa pateeree maria uqara foora maridanoo. Misa mi pateeuqana nammariki ramasee noodaanna oosana oosana minaki uqaridanoo.

Mataioo 13:33

Mifa quandara ufa moo qimanniminau, Anutuna ufa aiqamai daraaniranara qimanniminau. Innaaruna ququsaki fimariasa ooruku anoonara foora maridanoo. Anaasee mina marasee feemuki adiasaafanoo aiqama ati qaidanoo.

Mataioo 12:41

Nineefa maqusa marusa numoo aukuana anirainaqa misa findifi inni maqee mariasa niqifaranoo. Misa Yoonaana ufa iriseeqa nári mandainaina maqasaa quqasee quandafufaqa Anutuna afusaa reendeenammiqau, maqee qinee Yoonaana uriqararausa inniki maridaqa innee sia inneeqa mandainaina minnisaidaqa minara misa inni niqifaranoo.

2 Timooti 2:25

Mifa ireeda kai mina ufara qaoo qimariasa andeeqannimaqaani. Mifa miqinanoo abee Anutufa dadaaqiannoo fee misa quandaki anoona ufai ubeekeefaranoo fee.

Kooroosee 1:13

Maasa manda marira asukunaki marunanoo maasa rafaaqafuqisaifaqa marunanoo Anutufa qumareeqeenoo narí faiqi uqanna ququsaki quqannisaifaqa amiqiranaki maridaqa.

Ruka 15:7

Innaarunai mariasa mi fasiqana aanna reefaranoo moomoo (99) andeeqara fasiqa anaaseera sia asasifaranoo moodaafa furufaridanoo mandainaina maranoo nini inafa quandaki Anutufinnai ubeekainnanara minara firaaqoo asasifaranoo.

Ruka 13:5

Sia minarau kuqiaa, Qinee inni qimannimidaqa, innee sia inneeqa manda oosana minnisee Anutufinnai ubeekeeqa innee faqa miqi kai ifaranoo. (Anutufa sia manda oosana akiaqara aaqee uqanna naridanoo, kisaaqasaa naaraidanoo mai andeeqara aatata aniaqee qidanoo, sia irifanoo miqoo naruannoo.)

Ruka 9:2

Nimiseenoo maaqanna maaqanna niqiqamaseenoo qimanniminau, innee Anutuna innaaruna ququsara faiqí anaasee qimannimidaqa misa aurirana taika nimaqaaqa, innee sia moo ainaina maree fuaqa saunu faqa aakauqa faqa narana faqa munnimma faqa aabaa qamunna faqa sia maree fuaqa kaqi fuaqa.

Mareekoo 1:4

Mi tamummaqara fasiqana ufamau kai maaqimasee oosana araqau. Yoohaneefa nammari nimi marufa aadana maqa maaqakiqari findifinoo faiqí anaasee nammari rumannimaqaidanoo maa ufana qimanniminau. Inneeqa mandainainakiqari quandaki nammari marasaifanoo Anutufa inni mandainaina akiaqara mininniseenoo sia naruannoo.

Mataioo 5:10

Anutuna iriranamau firana akiaqara narinausa misa firaa asasiranaki marifaranoo. Anutufa narí innaaruna ququsa nimianinnanara asasidaqa.

Mataioo 5:3

Faiqí moo fannoo nariara qinee qeeqara sia amanaikidee qimasee dadaaqi marifa dadaaqinaqa minannai kai andeeqasee marianauree qimarifa mifa uqanna anoona asasiranaki maridanoo. Innaaruna ququsara Anutufa amianinnanara asasidanoo.

Uqafiqoo Ufafa 2:21

Qinee mi anaaseenara aneenna ummuariranakiqari quandaannee qimasee afeesunaisia maridaqa.

Mataioo 13:31

Yisufa moo quandara ufa misa noorinni quqanau. Innaaruna ququsaki fifandinausa qumini qaqama miqirausa maridaqa. Faiqí mina qaqama narí ququsaki ummaqinau.

Mataioo 13:11

Yisufa iriseenoo qinau, innee innaaruna maqusa qumee irirana iriaqeera, misa sia iriaqeera quandara ufa qimannimidaqa.

Mataioo 6:33

Innee Anutuna ququsara faqa inni andeeqarafa Anutuna andeeqara fara foora marinaqa mi irirafa kai marinanoo niqinaaqa mara quqaseeqa fifanoo maasa narana aina faqa qamunna ainaina faqa Anutufa qimiannoo.

Uqafiqoo Ufafa 2:5

Ooqai muruqoo amiqiranaki mariunafa doo miaqoo qumuananoo. Inneeqa oosana quandaki ooqai undee kai iaqaana. Sia miqifaqa qinee innee marinannai inni rambi mariqooqaraana maraanaqa innee doo imbeefara.

Heeburu 6:1

Maasa sia maqee marunnaqoo oosanaki kai maria, maqee doori mundusaannaqoo qambaanaira foora fua. Yisuna ufaki oosana ainaina aanaaqi kimarunnana inaaqiannai mafi quqasee doo maqee oorisaa fuanaura. Maasa qeeqa fifau aaqara oosana kadaapiriranannai innaarunai firaree qimarunnana mina minniseeqa Anutunasaa mundufuafannana doo maasa minara irimarunafa maridanoo. Nammari nimirana faqa asauku nikiaaqa mundusee nifaaqooqa qirana faqa kuqiranakiqari findifirana faqa naaru naaru idaki fimariana faqa doo irimariafanoo. Sia kafaa kafaa aanaaqiara foora naamma kai naidara foora ooqai iri maru ainainara kai kaifaa kaifaa minara kai iriaqa. Anutufa dadaaqimarinaqa maasa noorisaa findifinaqa indaaruara foora fidaqa maqee maqee Anutuna ufakinaana fuka iriseeqa mi mau fuanaura.

Mataioo 22:2

Anutufa narí ququsakinaasara maaqi qimasee rakisidanoo. Firaa karaambaiqa moo kikiqa usuanaura. Mi firaa karaambaiqafa mina amaaku amundararee qimasee firaa qoomaqa suqanau.

Mataioo 25:1

Qinee qumuanna aukuana anirainanoo innaaruna ququsa maaqimminoo mariannoo. Qisaukuqara taikasee maanaaqa mariqau. Misa nári rambi uqirausa maqusasaa asukuna rakisi marufanoo amundara fasiqa anufaqa misa faqa firaa maqaki narana naani qimasee afeesimariqau.

Mataioo 23:13

Yisufa kaifaa misa qimanniminoo qinau. Innee Farisai amaana ufa qimariasa faqa innee Mooseena sandufa akoofasauqa faqa inni narirafa firaafa marinara qinee oonumafi iriqa qimudao̱o qidaqa. Innee faiqí amaana ufa qimannimisaidaqa maqandanai inneeqa kaqi ummuari mariasa. Faiqí anaasee akaqausa innaaruna ququsaki keeqarariafaqa innee rafaaqafunnimaqaida innee faqa sia keeqeefaranoo.

Mataioo 20:1

Minara Yisufa qimanniminau. Anufufa innaarunai mariasa maaqi qimasee rakisinnisaidanoo maaqoo uriqararausa miqoo ureeqarausa marifaranoo kafaa maaqoo ureeqarausa miqoo uriqararausa marifaranoo. Qinee mina rakisira oosana ainaina faqaa fasiqa kikiqa usuanaura. Iriaqa. Faiqí ainaina faqaafa moo fannoo faiqí uainna qaqama ummaqimaru fasiqafa moo fannoo narí uainna qaqama akuqanoo marufanoo iqaqoofanoo raudamafinoo maqusai qumureenoo narí uainna qaqama diqi marusara randanau. Moodaa suanisaa ainainimaru fasiqausara ufaasu ainainimariasara randanau. (Mi aukuanna misa oosana maaqimminoo marinau. Qaqama akuqamafufanoo mi ainainna akoofa kananaana maqusai oonureenoo akaqausa qimanniminau. Innee qini qaqama tiqi qimifaqa maqee faasaanara kai eendi marinaqa moodaa faasaanara mi munnimmana kai nimianaura.)

Mataioo 18:23

Minara qinee moo ufa qimamianaura. Innaaruna maqusa maaqimminoo maridanoo. Firaa rakisirafa moo marinau. Mi rakisirafa narí dadaaqi maru fasiqausa suqusee ufaasu nimiafanna munnimmana andeeqaanauree qimasee suqinau.

Mataioo 11:20

Mifa miqi qimaseenoo mi maqusa maqusana misaki nimarufaqa misakina aurirana andeeqannisanoo nidanoo firaa naaquqara ainaina firaa ainaina auqeemarufaqa qafeemariqau. Qafamasee irisee sia naundura quandaqau. Mi maqusa maqusanara maaqi qimasee Yisufa nuqu ramasee niqinau.

Ruka 21:31

Innee miqikai iqa maa qimannimuna ainainafa kooroo mambinaqa maaqi qiaqa, oo Anutuna innaaruna ququsa adeedi ramafiifoo qiaqa.

Ruka 16:30

Ainaina faqaafa mi ufana iriseenoo Abarahaamana qimaminau, oo qini qikoofa Abarahaama, mi akarafa sia amanaikidanoo moo fannoo kuqiranakiqari findifinoo qimanniminaqa misa nariqa manda oosana minnisee sia maa aupurara maqusanaki anifaranoo.

Mataioo 25:14

Mi ufana taikaseenoo Yisufa innaaruna ququsara moo ufa kikiqa usinoo qinau. Innaaruna ququsa maaqimminoo maridanoo. Ainaina faqaafa moo atinai fuani qimaseenoo narí ainainira fasiqauqa suquseenoo ufaasu narí ainaina faqa maqa maaqa faqa misasaa quqaseenoo rakisiaqee qinau.

Mataioo 13:24

Quandara ufa moo Yisufa faiqí anaasee noorinni mara quqanau. Manda oosana maree marusara faqa amiqira oosana maree marusara faqa misauqara quandasee qimanniminau. Innaaruna maqusai faiqí moora foora maridanoo. Mifa narí ququsaki amiqira qaqamma ummaqinau.

Mataioo 4:23

Mifa Karidaia maqa maaqa aiqama fiqu fiqu inoo nidanoo innaaruna ququsara fuka ufa qimanniminoo ninau. Aurimarusa faqa oosana oosana ainaina maree marusa faqa teeroouqee marusa faqa idaaqamannimaqee marianu.

Ruka 1:16

Mifa Isaraee maqannaa moomoosa Anutuna ufa minnisee kaqirunna fimariasa kafaa naarameeqee nariqa karaambaiqa Anutuna aramandunnai quqaannoo.