Mataioo 27:53 - Anutuna Ufa

⁵³ Yisuna kuqiranakiqari findifufaqa mi kuqirausa akooqoo Yeerusaree maqusai oonuroofaqa faiqí anaasee moomoosa nindafaqau.

Mataioo 27:53 Referans Kwoze

Uqafiqoo Ufafa 11:2

Amaana maqa naambeeqai sia amanamandee akara rua mina aamina maqannaasaindi aanaamurundi maridanoo. Misa qaara fasiqa niku nisauku taikasee quqoona faqa qaara quqoona faqa naaquqara maqusa Yeerusaree maqusa aniree nikunnai rafaaqafuseefaranoo.

Mataioo 4:5

Miqi qufanoo afaannauqa firaafa Yisuna afiqeenoo Yeerusareenni amaana maqa, Isaraee maqannaa naaquqara firaa amaana maqa meeraqoo sandaaqai maruna mina ataufakaaqa faakana kisaaqa atisaa muru quqasee qimaminau.

Uqafiqoo Ufafa 22:19

Kafaa faiqí moo fannoo maa papiqanakinaa tamummaqara ufa ati rafaaqafinanoo minara mi fasiqafa naaru marira saqari qaqama neemariana Anutufa rafaaqafuannoo sia naannee qiannoo mina naaquqara fuka maqusaki keeqaranara faqa Anutufa rafaaqafusee qaoo qiannoo. Maa papiqanakinaa ufamau sia fuanara qaoo qiannoo.

Uqafiqoo Ufafa 21:2

Qinee qafaafananoo Anutufa qufanoo fuka naaquqara maqusa fuka Yeerusaree innaarunaindari qumureenoo ooqeenaa Yeerusaree amaaqa maqafufaqa qafaqiafana. Fuka anaasee amundaranara foora afaaqa auqirafa fuka maqasaa quminau.