Mataioo 27:51 - Anutuna Ufa

⁵¹ Mifa kuqufanoo aaqee kai Yeerusaree amaana maqakina ititaqoo qamunnafa naaquqara maqasaa ititaqoo qamunnafa mirindari aiqama raaqumareenoo muqufi aqinau. Firaafa maqa kasinau, firaa ooniuqa afoo afaainau.

Mataioo 27:51 Referans Kwoze

Mareekoo 15:38

Kuqufanoo aaqee kai Yeerusaree firaa amaana maqakinaa qamunna dirirafa ammuqundari qambaana kai raaqumaree muqufi aqusanau. Mi qamunnafa naaquqara maaqasaa ititara qamunna marinau. Minaki faiqí sia keeqeemaria maqa marinau. Aukuana aukuana Anutuna aanaiqikirausa uriqararafa kai minaki sipsipa anaaqa fidika mara maree mi maqanaki raaraa imarinau. Doo maqee qamunna anaqinoo marifaqa faiqí anaasee Anutuna aaqa fimaria aana ititee marifa doo maqee atuanoo maridanoo.

Heeburu 6:19

Maasa Yisunara asasira afeesirafa maasa qimuqusa sandara foora rakisiqumarainaqa mapukufi marifara. Yisunara asasira afeesirafa afeeka sandara foora sia rakeeirafa amiqirafa maridanoo. Maasa maa maqanasaa maaqoo marunnaqooqari mi sandafa firafa Anutuna naaquqara amaana maqaki firaa ititara qammunna tapooqaidanoo Anutufa innaarunai mariqoo kukeeqara maqaki miqoo dinni ati rumbanoo maridanoo dinni ati maasa maqasaa rumbanoo maridanoo maasa atukaramma qimaqaidanoo.

Ruka 23:45

Asukuna kaqi marufanoo Yeerusaree naaquqara amaana maqaki ititara qamunna firaafa qambaana narí kai anaqinau.

Uqafiqoo Ufafa 11:19

Miqi qimasee uriqararausa Anutuna amooqimasoofaqa qinee quandaki qafaafananoo Anutuna amaana maqa innaarunai marufa kooqi atuafufaqa qafaqiafana. Mi amaana maqanaki Anutuna faqa faiqí faqa moodaanakikira ufa bookisara foora auquqoofaqa marufaqa qafaqiafana. Mi bookisanaki Anutuna ufa oonisaa akararirafa Mooseena ooqai amufa maru bookisana qafaqiafana. Qinee qafaafananoo aakuasaa uqinoo innaarunai qinoo maqa kasinoo firaa pupusamu aqufinau.

Mataioo 27:54

Maara maaqanu fasiqausa Yisunasaa rakisidaqa ooqumari fufaqa rakisiusa asukuna qoofaqa maqa kasufaqa qafamasoofaqa nimuqusufaqa kaaqa rufiaqau. Rufieemarufaqa qiqau. Oo kuqaa uqanna maafa Anutuna amaaku uqanna mariifa kuqinoo.

Mataioo 28:2

Oonuree qafoofanoo miqoo kai maqa firaafa kasufanoo innaarunaindari Anutuna qangiroo moo fannoo qumureenoo ooni kooqi ititaqoona quanda quandammeeqeenoo kaqini quqaseenoo narí minasaa ooqu marifi marinau.

Uqafiqoo Ufafa 11:13

Miqanda muru quqasainanoo miqoo kai maqa firaaqoo uqanna kasinoo Yeerusaree maqusaki mari maqausa moomoo rambairinoo aqufuannoo. Faiqí seefeena tauseenna (7,000) moomoo uqanna minaki kuqifaranoo. Moomoo uqanna nukudara foora faiqí anaasee kuqifaranoo, moomoo kaqi marifaranoo. Kaqi marinausa mina qafamaseeqa quandakiqa innaarunai mari Anutuna afeeka amooqifaranoo. (Qinee Yoohaneesa mi aiqama ainainna innaarunai maridaqa qafaafannana.)

Heeburu 9:3

Firaa qamunna mi oosiranasaa ititanoo marinau. Mina dinni kooqi maqa marinau. Mina dinnatinai kukeeqaranaki firaaqoo naaquqara oosirafa mi atinai marinau.

Idi Ufa 18:15

Anee aneenna namuqaauqa niqiseenana aranaqoofana rairai qimannimaqee marinau. Miqunanoo ooruku nammari ameemaanaindaraa maqa koorooinau. Maqa ameemaanaindaraa ooniuqa faqa koorooinau.

Idi Ufa 18:7

Anutufa qini namuqaara aranaqainara maqa kasifanoo aaqanauqa doori doorifanoo firaa ooniuqa faqa kasi kasidanoo.

Rafudoo Akarafa 40:21

Rafaaqafuseenoo mi bookisana mareeqeenoo uiqaana maqaki quqaseenoo qamunna qumareenoo dirisoofanoo minasaa itita amaqanau. Yaaweena ufamau kai miqinau.

Ruka 23:47

Sundiauqa rakisirafa miqoo maridanoo mi aiqama ainaina qafamaseenoo Anutuna amooqidanoo qinau, Oo maa fasiqafa amiqira fasiqa mariifa kuqinoo.