Mataioo 27:41 - Anutuna Ufa

⁴¹ Amaana maqasaa aanaiqikirausa uriqararausa faqa Mooseena sandufa akoofasauqa faqa Yuda maqannaa faiqí firaasa faqa misauqa faqa miqi kai masee ataasataasidaqa qufoonaridaqa qiqau.

Mataioo 27:41 Referans Kwoze

Idi Ufa 35:26

Qini ummaara qafamasee nasuri mariasa anee misa aupuraranaki quqannisaa. Anee misa nisauriranaki quqasee furufaramma nimaqaa. Anee misa nisauriranannoo faqa noori runiranannoo faqa qamunnara foora dukunimma nimaqaa.

Ruka 23:35

Miqi marufaqa faiqí anaasee kikiqiqa mafufaqa qafaidaqa misa uriqararausa Yisuna ataasa ataasa narí qimami narí qimami qiqau, Oo maa fasiqafa faiqí anaasee asumu nimimari fee qimarifa maana mifee doo maqee aneennaraa asumu marainna qafa. Mifa Anutuna asauku mundirafa rusandeesamu mandee maroofa maridanoofau doo maqee nariara asumu maraiqini.

Ruka 22:52

Andeeqaseenoo Yisufa quandakinoo, aanaiqikirausa uriqararausa faqa amaana maqasaa uriqararausa faqa misa poorisauqa faqa faiqí firaasa faqa aiqama Yudasina faqa anusa aiqama qimanniminoo qinau, nanaree innee rakira paipana saamu indaammamareeqa manda oosana mareemari fasiqanara foora qiniara qumararara anidee, qinee faasaambaasaana inni faqa firaa amaana maqaki marunausa marunaqa innee sia miqoo qumararai. Doo maqee eendaki innindi faqa asukunaki nimari afaanausaindi faqa maa eendafa innindi mandoosana maraaninafa maridanoo.

Ruka 18:32

Qini maqannaasa qini mareeqee aanaamuru nisaukuki quqaqisaifaqa qiniara ataasa ataasa ufa faqa manda ufa faqa qidaqa niqaara fidi qimaqeefaranoo.

Mataioo 27:40

Anee kuqaa fee Anutuna amaaku maridanee. Mina amaaku maridana aneenna kai tatuakinana quminaqa maasa aniara kuqaa Anutuna amaaku fee qianaura.

Mataioo 27:42

Maafa faiqí anaasee mareeqee Anutuna asumu mariranaki mara quqannisaannee qimarifa nariara sia amanaikinoo. Kuqaa fee anee Isaraee maqannaa karaambaiqee maridanee. Kuqaa miqinana anee karaambaiqa maridana maqee maqasaa tatuaki aqufinaqa maasa aniara kuqaa karaambaiqee qianaura.