Mataioo 27:12 - Anutuna Ufa

¹² Amaana maqasaa aanaiqikirausa misa uriqararausa faqa Yuda maqannaa faiqí firaasa faqa minara iriseeqa Yisunara ufa oosana oosana qidaqa kiapana qimami mariqau. Miqi qimarufanoo sia Yisufa ufa qimarinau, kaqi kasoo inoo marinau.

Mataioo 27:12 Referans Kwoze

Mataioo 26:63

Miqi qimasoofanoo Yisufa kaqi kasooinoo marinau. Amaana maqasaa aanaiqikirausa misa uriqararafa Yisuna qafamaseenoo narí afusaa qimaminoo qinau. Kuqaa maaqanda Anutuna afusaa marunausa marida. Anee anoona ufa kai qini qimaqimia. Kuqaa fee anee Anutuna asauku mundirafa uqannee maridanee, Anutuna amaaku uqannee maridanee.

1 Peetooroo 2:23

Misa aqurara ufa amufanoo sia mifa quandafi mina akiaqara nári niminau. Misa aupurarana mina apatasaa quqoofanoo sia mifa misa aanoo ufa niminau kaqi narí irirana Anutunasaa andeeqara ufa nimimarunasaa narí irirana quqasee kuqinau.

Mataioo 27:14

Miqi qimarufanoo Yisufa sia uqanna misa ufa itairiseenoo rukianau. Ufa sia qinau kaqi kasoo inoo marufanoo kiapafa qafeenoo aaquqoofanoo qafanau.

Mataioo 27:13

Piratoofa minara mina qafamaseenoo qimaminau. Misa oosana oosana ufa aniara qimariafana anee naqi fee imarifanee sia ufa qidanee.

Ruka 23:9

Yisufa oonuroofanoo Eeroodeefa oosana oosana ainainara iroofanoo sia ufa qinau, kaqi marinau. Amaana maqasaa aanaiqikirausa faqa Mooseena sandufa akoofasauqa faqa Eeroodeena aaqa anireeqa unna ufa afeekaikamandee Yisunara Eeroodeena qimamiqau.