Biblia Todo Logo
Bib sou entènèt

- Piblisite -




Mataioo 26:74 - Anutuna Ufa

74 Peetooroofa mi ufana iriseenoo kaukaata qimaseenoo darara qimaseenoo niqinoo qinau. Sia uqanna qinee mi fasiqanara iridaqa. Nanaree unna qida fee. Miqi qimasoofanoo kookooraana ufa qinau.

Gade chapit la Kopi




Mataioo 26:74
19 Referans Kwoze  

Qinee nimuqusi maria fasiqa anaaseera kai mandainainaki keeqaafaqa qaoo qimasee naridaqa. Innee minara irisee kuqaa noori runusee inneeqa marirana quandaaqa.


Karaambaiqara sia amuqusimarinafa aqurarara ufa minasaa mariannoo. Nári ufakiqari maranata, maasa ufakiqari maasa karaambaiqa qumuannee qidaqa.


Peetooroofa mina iriseenoo kafaa qaoo kai qinau. Qaoo qimasoofanoo kookooraana ufa qinau.


Faiqí nipata kuqa narifandinausa sia misara rufiaaqa. Misa inni naunduraindaraa nimana sia amana kuqa narifaranoo. Moo fannoo Anutufa inni nipata faqa nimana faqa amana idaki kuqa narirana amanaiki marifa minara kai rufiaaqa. Faiqí nipata kai narifandinnanara sia rufiaaqa.


Misa Isaraee maqannaasa asauku mundiranasaaqaraana rakeemmiqa maridaqa. Anutuna narira ufa ameemaanai marianara qinee rakeemaseeqa minni misa nimaaqa maqaanaqa misa aiqaree asauku mundiranasaa atooqafiqa naaru kaqi mariranaki mariaqaana.


Peetooroofa mina iriseenoo qaoo qinoo qinau, qinee sia minara iridaqa sia anee qiannufana oosana iridaqee qimaseenoo findufumakufanoo mi maaqana ququsa kooqi marunnai fufanoo kookooraana ufa qinau.


Miqi qimasoofaqa faiqí anaasee moodaa kari faaqa quqasee qimamiqau. Doo mina fidika maasaki faqa maasa faiqi namuki faqa mariannoo.


Yisufa mi ufana iriseenoo qimaminau. Fafaa eendaki kookooraana sia ufa qinana anee qaaramookinana iraifana qiniara sia qinee mina qafaidee qinnaranoo. Miqi qinanoo kookooraana ufa qiannoo.


Kafaa kaqikaa qoo marikamasoofaqa faiqí miqoo marusa anireeqa Peetooroona qimamiqa qiqau. Kuqaa anee mi fasiqana faiqi namuki mariananoo. Anee faqa mifa faqa kuqaa moodaa ufa qimariaqanda mariafanoo.


Kookooraana ufa qimasoofanoo Peetooroofa Yisufa ufa qimamunara irinau. Yisufa qinoo. Qaaramoo kari ani iraifana anee qiniara sia fee qinanoo kookooraana ufa qiannoo. Peetooroofa mi ufanara oonumafi iriseenoo oo doo Yisuna ufa qiniara qifa anoona koorooinoo, qimaseenoo raudamakufanoo asauruseenoo firaaqoo ikiraqa mareenoo finau.


Swiv nou:

Piblisite


Piblisite