Mataioo 26:53 - Anutuna Ufa

⁵³ Qinee qeeqa qikoonara iraananoo qangiroouqa nukudara foora qiminaqa dadaaqifaqa sia kuqunaura. Anee minara sia fee iridanee. Doo aneenna rakira paipana quqasaa.

Mataioo 26:53 Referans Kwoze

Mataioo 4:11

Yisufa miqi qimasoofanoo Sadannafa quqasee finau. Fufanoo qangiroouqa Yisufinnai qumureeqa narana aina amidaqa amiqi amiqiqau.

Ruka 8:30

Yisufa mi faafasaaqana iramirinoo qinau, ani auqu yafee qufanoo mi faafasaaqafa qinau, maasa moomoosa maa fasiqana aundurai marunausa marunnanara maasa duqu qusirausee qidaqa.

Yudeesa 1:14

Ooqai Eenookafa mi manda fasiqausara tamummaqaseenoo akara rumaqoofa maridaqa. Adanasaaqari moodaannai qisauku oosana taikafufanoo dinni ani moodaa mareenoo qaaraikinoo Eenookafa kambiqanau. Mi Eenookafa maaqi qimasee tamummaqaseenoo akara rinau. Innee iriaqa Anutufa narí naaquqara andeeqara qangiroouqa moomoosa faqa qumureenoo aiqama maqasaa qaraasa suqusee ufa nimiannoo, mandoosana maree mariasa Anutunara sia irimariasa misa Anutuna ufa rukiasee mandainaina oosana oosana maree marianara Anutufa faqa narí qangiroouqa faqa narirara qumuannoo. Mi manda fasiqausa Anutunara mandufa oosana oosana qiranara Anutufa narirara qumuannoo. Doo Eenookana tamummaqara ufa miqiminoo maridanoo. Eenookafa misara miqi qimasoofaqa qinee maa inniki mandoosana uqeeree mariasara mi mau fimariafaqa maaqi qidaqa.

2 Teesaroonika 1:7

Karaambaiqa Yisufa innaarunaindari narí afeekafaqaa qangiroo namufaqa ida aurunamu faqa koorooira faasaana asooarana maasa nimiseenoo aupurarana misa nimiannoo.

Mataioo 25:31

Qinee faiqí nimaaku qumuanna kari qeeqa rakisira afeeka namufaqa qeeqa qangiroo namufaqa maa maqanasaa qumuanaura. Qumureeqa ufaqira qaari amiqira qaari ufiqisee eekara ariranasaa ooqu marifinaqa maqasaaqaraasa ufa irisee andeeqannimaqaanaura.

Mareekoo 5:9

Yisufa mina ufa iriseenoo irammirinau ani auqu yafee qufanoo mi fasiqana aunduraindari afaanna fannoo qinau. Maasa moomoosa qusidaqa marunnanara maasa duqu qusirausee qidaqa.

Yoohanee 10:18

Sia moo fannoo narí afeekannai qini marirana maraannoo. Qinee qeeqakai qeeqaraa irisee qeeqa marirana kuqiranaki quqaanaura. Qini qikoofa qinaqa qeeqa marirana kuqiranaki quqararee qimasee quqaanaura. Quqasee kafaa marararee qimasee maraanauranoo. Qini qikoofa miqi qimasee ufa qimaqimifaqa iridaqa.

Yoohanee 18:36

Yisufa qinau, qini ququsa sia maa maqa maaqanasaaqaraa ququsa maridanoo. Qini ququsa maa maqanasaa marinaqau qini faiqinamu rakifaqau qini mareeqeefau idukuqisani. Sia qini ququsa maa maqanasaaqaraafa maridanoo.