Mataioo 26:44 - Anutuna Ufa

⁴⁴ Nindafamaseenoo ani quandakufanoo kafaa oonureenoo kafaa qaaramookinoo innaaru qinau. Indaaru qundee kai kaifaa miqi kai inoo innaaru qinau.

Mataioo 26:44 Referans Kwoze

2 Koorinti 12:8

Qinee qaaramoo kari karaambaiqinnai innaaru qiqa anee maa aurirana maraquqisaannee qiafananoo mifa qaoo qimasee qinau. Qeeqa kaqi nimira dadaaqirana amiafanafa doo mifa kai doo ani amana mariannoo, qiqa afeeka fannoo kudoosaapee mariasaki amiqi mandee kambiqaidanoo.

Ruka 18:1

Yisufa narí faiqi namuara sia nikoo nikaa masee innaaru qiranara minnisaaqee maqee maqee afeekaikamasee innaaru qiaqeera quandara ufa qimanniminau.

Mataioo 6:7

Innee innaaru qidaqa aanaamuru mariasa naanna sia raaqa. Misa sia ufara randaidaqa ufa fannoo urirara kai urirara kai qidaqa. Misa Anutufa maasara amiqimmasee irianifeera qimasaida miqidaqa.

Mataioo 26:43

Miqi qimaseenoo kaifaa narí faiqi namu unnai oonu nindafoofaqa misa kafaa nisuku faiqee mariqau. Misa nifuki aunduari marufaqa faiqaqee mariqau.

Mataioo 26:45

Innaaru qimaseenoo findimeeqeenoo narí faiqi namu maruqoo anireenoo nindafeenoo qimanniminau. Innee faiqaqee maridee idooaidee. Qini mareeqee manda oosana maree mariasa nisaukuki quqaaninna eendirafa doo anireenoo.