Mataioo 26:42 - Anutuna Ufa

⁴² Miqi qimaseenoo Yisufa kaifaa kaqikaa qoo oonureenoo innaaru qinoo qinau. Oo qini qikoofa anee amanee sia kuquana nammarina qiminnaree anee sia minniqisainaqee sia kuquanauree. Sia qeeqa iriranannaifau qidau anee qinandee, qinaqa miqimmiqa kuquanaura.

Mataioo 26:42 Referans Kwoze

Mataioo 26:39

Miqi qimaseenoo mifa kaqikaa qoo nariara oonu oorindari mi saqamanaki maqasaa aqufufanoo innaaru qinoo qinau. Oo qini qikoofa amanee anee sia qini minniqisainaqee sia kuquanauree. Sia qeeqa didiranara iridaqa ani aidiranara dididanoo, anee qinaqa kuquanaura.

Heeburu 4:15

Maasa aanaiqiki maria fasiqausa uriqararafa maasa daunduraki ummaararee marifaqa maasa kudoosaapee marunnana sia sia qafee marifa maridanoofau, qafee marifa maridanoo. Sadannafa aiqama ainaina amanamasaifanoo sia mina qumaraifa qafamaqaifa kai maridanoo, minara kai maasara qimudaoo qimasee amuqusidanoo.

Mataioo 6:10

Ani innaarunai ququsa maa maqanasaa kambiqaani, innaarunai ani aiku asauku mariasa ani iriranamau kai andeeqasee fimariasa maridaqa maasa maa maqanasaa qaraasa misa naanna ramasee mi iriranamau kai fuaqaana.

Mataioo 20:22

Anee iraannanara mi oosannara siammiri mariananoo minarammiridaqa. Miqi qimaseenoo mi fasiqaqanda maaqi qimasee irammirinau. Qinee manda nammari naannanara qiqa inneeqara faqa amanee namasee inneeqara qini faqa nipatara aupure̱efaree. Mi qanda iriseeqa qiqau. Eedoo maa qanda amana naanaura.

Mataioo 26:43

Miqi qimaseenoo kaifaa narí faiqi namu unnai oonu nindafoofaqa misa kafaa nisuku faiqee mariqau. Misa nifuki aunduari marufaqa faiqaqee mariqau.

Mareekoo 14:36

Oo qini qikoofa qini qikoofa, anee aiqama ainaina amanaikimarianafa mariananoo, qinee manda nammari naannanara anee qinisaaqaraana mareeqee kaqinni aqusa. Sia qeeqa didiranara iria, aneenna aidinna ainaina kai qifaaqai quqaa.

Yoohanee 6:38

Qinee qeeqa qikoona iriranamau innaarunaindari sia qinee qeeqa qumiqa, qipaqeena ufara mina ainainirara qumiqa minara qinee sia moona aqiqaananoo fuannoo.