Mataioo 26:40 - Anutuna Ufa

⁴⁰ Miqi qimasee innaaru qimaseenoo doo findifinoo qaaramoo namu maruqoo anireenoo nindafoofanoo misa nisuku kaaqa faiqaqau. Ani nindafamaseenoo Peetooroona aaramaseenoo qinau. Peetooroo anee sia fee kaqikaa qoo qiniara rakisinanee.

Mataioo 26:40 Referans Kwoze

Mareekoo 14:37

Yisufa miqi qimasee innaaru qimaseenoo kafaannai aniree narí faiqi namu qaaramoo marunnai aniree nindafoofaqa misa nisuku kaaqa faiqaqeeiqau. Yisufa Peetooroona moo auqu Simoona auqamasee qimaminau Simoona anee faiqaqee idanee anee sia fee amana qusasaa kai afu tautasee rakisinnaree. Innee aufaridaqa innaaru qida mariaqa innee miqidaqa sia nimaniranaki aqufifaranoo, inni irirafa kai afeeka marifaqa inneeqa uqanna kudoosaapee mariafanoo.

Ruka 22:45

Yisufa miqi qimasee innaaru qimaseenoo findifinoo narí faiqi namu qaaramoo marunnai oonu nindafoofaqa nimudaani rumafufaqa nisuku kaaqa faiqaqee mariqau. Yisufa oonu nindafamaseenoo qimanniminoo qinau, Innee naqaa fee ifaqee faiqaidee findi fiqa innaaru qiaqa, manda nimaniranaki aqufifaara.

Mataioo 26:43

Miqi qimaseenoo kaifaa narí faiqi namu unnai oonu nindafoofaqa misa kafaa nisuku faiqee mariqau. Misa nifuki aunduari marufaqa faiqaqee mariqau.

Ruka 9:32

Peetooroofa narí faqa maruqanda faqa faiqaqee mariufanoo findifiqa Yisuna kaaqa qarana faqa mi fasiqaqanda faqa niqa fee mariqau.

Mataioo 26:35

Peetooroofa minara iriseenoo qinau. Qaoo, sia qinee aniara sia qafaidee qianaura ani faqa kuquanaura. Yisuna faiqi namufaqa misa aiqama miqi kai qiqau.

Mataioo 26:38

Miqidanoo minamusa qimanniminau. Innee maaqoo saqama qambaanai marida nifu maqaidaqa qinisaa faqa rakisi qimaqaaqa. Qini qikoofa qini minniqisaaninnanara firaa qoo qimuqusimarifaqa, mi qimuqusirafa daruannoo fee qidaqa.

Mataioo 25:5

Amundara fasiqa sia dauni ani marufaqa, afeesimarufanoo nifuki aunduarufaqa mandaiki mariqau.

Mataioo 26:41

Rakisidana innaaru qidana maria sia kaqi maria. Aneenna iriranannai kai qini dadaaqi marianafa, aneenna uqanna sia amanaiki mariananoo miqi marifana kudoosaapee marianaqa qafaidaqa.