Mataioo 26:14 - Anutuna Ufa

¹⁴ Yudasi Keerioota maqusaindaraafa, Yisuna faiqi namuki marufa, mi fasannai amaana maqasaa rakisi marusunnai oorureenoo irammirinoo qinau.

Mataioo 26:14 Referans Kwoze

Yoohanee 13:30

Yudasifa mi feemuna mara namaseenoo findimeeqeenoo aaqee kai eendaki raudamaki finau.

Yoohanee 13:2

Yisufa narana eendaki sakasaida narí faiqi namufaqa neemarinau. Yudasifa Keerioota maqusaindaraafa indaaruqaa Simoona amarana amaaku mifa Yisuna faiqi namufaqa miqoo marufa faasai Sadannafa mina dadaaqufanoo Yisunara ueeqararee qidanoo deedaqimarinau.

Mataioo 27:3

Piratoo finnai maree firari marufanoo Yudasifa Yisufa kuquaninnanara irufanoo narí afaaqakina akooqoofanoo Yisuna akiaqara munnimma amaana maqasaa rakisimarusa faqa faiqí firaasa faqa marunnai Yudasifa moodaa fasiqa aiku asauku taikasee moo fasiqa asaukuqara taikasee ooni mareenoo kafaa nimiraree qimaseenoo qinau.

Mataioo 26:47

Mikari kai mi ufana qimarufanoo eendufanoo asukunai narí faiqi namukiqari faiqí moo auqu Yudasifa aninau. Faiqí moomoo mina saimbaqa duru feefa saamu faaqaana indaaii maree aniraqau. Yuda maqannaasa faiqí firaasa rakisirausa niqiqoofaqa Yudasina faqa aniraqau.

Yoohanee 18:2

Ooqai moomoo kari Yisufa Yeerusaree maqusaindari fimaruqoo fiqau. Yudasifa minni fimarunara irimarufa maridanoo Yisuna ueeqaaninafa mi saqamanara faqa irimarufa miqoo finoo fee qimasee sundiauqa faqa amaana maqasaa rakisimaria firisuaiqauqa faqa Yudasifa eendaki nifiqee finau. Misa uriqararausa faqa, Farisai amaana ufa qimarusa faqa niqiqoofaqa saamu faaqaana indaaiqa asukuna marufaqa qooma qumaroofanoo Yudasifa mi saqamanaki Yisuna qumaraaqee qimaseenoo nifiqee finau.

Mataioo 26:25

Miqi qimasoofanoo Yudasifa Yisunara irammirinoo qinau. Oo qini qafee faqaafa qiniaree ueeqee maqi qidanee qimasoofanoo Yisufa qinau. Aneenna kai qiananoo.

Yoohanee 12:4

Yisuna faiqi namukiqari moo fannoo mina auqu Yudasifa Keerioota maqannaafa Yisuna ueeqaaninna fasiqafa marinau. Mi fasiqafa Yudasifa amiqira afudimaru fadameena moomoo qafamaseenoo maaqi qinau.

Yoohanee 13:26

Yisufa qinau, qinee feemu rakeemandeeqa sauna anoona fooqaanaki raaraamandee amianana qafa. Mifa kai qini ueeqaannoo. Miqi qimasee Yisufa feemu rakeemaseenoo sauna anoona fooqaanaki raaraameeqeenoo Yudasifa Keerioota maqannaa Simoona amarana amaaku aminau.