Mataioo 26:11 - Anutuna Ufa

¹¹ Inniki kudi fasiqa anaaseeuqa naaru naaru marifandia. Innee amana moomoo kari misa amiqi amiqifaranoo qinee sia kisaaqasaa inniki marianaura, kaqikaa qoo fuanaura minara mifa qini adiaqimaqeenoo.

Mataioo 26:11 Referans Kwoze

Mareekoo 14:7

Kudi fasiqa anaasee naaru naaru inniki moomoo marifaranoo, innee inneeqa kai oonu mafi irisee mi kudi fasiqa anaaseesa dadaaqiaqa, qinee sia kisaaqasaa marianaura.

Yoohanee 12:8

Anee kudi fasiqa anaaseeuqara qianandee. Kudi fasiqa aanaaseeuqa naaru naaru inniki marifaranoo. Qinee sia kisaaqasaa marianaura qusasaa taikaanaura. Saina fadameena adiaqimaqaani.

Yoohanee 16:28

Qinee qeeqa qikoofinaindari maqasaa qumuafanausa maridaqa doo maqasaa taikeeqa qeeqa qikoofinai ooru fuanaura.

Yoohanee 16:5

Maqee qini qikoofa qini diqiqamaqoonnai ooru firaridaqa innikiqari moo fannoo sia qini iraidanoo anee yai fee fidanee miqidanee.

Yoohanee 14:19

Kaqikaaqoo maa maqanasaaqaraa irirana faqaasa sia qini qiqafeefaranoo. Innee kai qini qiqafeefaranoo. Qinee kaqi marirausa maridaqa minara innee kaqi marirana mareefaranoo.

Yoohanee 13:33

Qini faiqi namu sia kisaaqasaa inniki marianaura. Yuda maqannaa qimannimiafannandee kai inni qimannimidaqa. Innee qiniara randee sia paqurifaranoo. Qinee fuannaqoo sia innee amana fifaranaoo.

Yoohanee 17:11

Doo maqee qinee anee mariannaqoo ooru firaridaqa doo qinee maa maqanasaa taikasee minni ooru fuanauranoo. Misa kaqi maa maqanasaa marifaranoo. Oo naaquqara qikoofa. Ani auqu afeeka eeraarirana misasaa ititannimaqaani. Anee mi auquna afeeka eeraarirana qini qimunafa mifa misasaa ititaani. Ititannimaqasaanaqa maaqanda daanna ramasee moodaanakikiqa mariaqeera.

Mataioo 28:20

Aiqama ufa qimannimiafannana misa faqa mi ufana aiqamausa uqanna qimannimifaqa iriseeqa mi ufana qumaraaqeera, mi ufanamau kai fuaqa. Innee maqusa maqusa fifaqa qinee faqa qumee inni faqa fuanaura. Innee miqi marifaqa qinee qumee kai inni faqa nuanaura. Sia inni mininnisaanaura kasoo innaaruna faqa maqa faqa taikara aukuana inniqa saimbaqa moodaanaki kianaura.

Mataioo 18:20

Yai fee qaaraqanda fee qaaramoo fee qini duquara iriseeqa suqiqa misa qambaanai qeeqa faqa qumee maridaqa inniki marida dadaaqianaura.

1 Yoohanee 3:17

Moo fannoo ainaina narí amanasaa maqeeifa narí akaqaafasaa sarauqiranaki marina qafamasee qimudaoo qimasee amiraree qimasee narí amuqusirana amuqusinanoo narí amuqusa muqufi rafaaqafuseenoo sia dadaaqinoo, naqimasee miqinna fasiqafa Anutunara qini qimuqusaki maridanoommifoo qiannoo fee. Sia amana maridanoo.

Mataioo 26:10

Yisufa misa ufa iriseenoo quandafinoo narí faiqi namu qaoo qimannimaqaidanoo qinau. Nanaree mi anaaseenara qaoo qida fee. Qifaaqa idaaqa uqannamma qimaqaanifeera adiaqimaqeenoo.