Mataioo 26:10 - Anutuna Ufa

¹⁰ Yisufa misa ufa iriseenoo quandafinoo narí faiqi namu qaoo qimannimaqaidanoo qinau. Nanaree mi anaaseenara qaoo qida fee. Qifaaqa idaaqa uqannamma qimaqaanifeera adiaqimaqeenoo.

Mataioo 26:10 Referans Kwoze

Titusa 3:8

Mi ufana anoona ufa kai qimamidana aninna irirafa minasaa rusimari ufafa maridanoo. Titusa qinee Pauroosa maa ufana faqa ani qimamianana anee Anutuna ufa irimariasa qimannimia. Misa sia fifau faafau ufa kai ida mariaqa. Misa aiqama kari andeeqara ainainiranaki maridaqa auqaaqeera qimanniminaqa maqee maqee minaki kai mariaqa. Mi ainainirafa aiqama fasiqa anaasee dadaaqi marifa maridanoo, anee mina uqeerasee afeekaikia.

Heeburu 13:21

Anutufa asooarana faqaafa innee mina iriranamau fifandinna oosana akoofasaikirana inni niminaqa fuaqeera. Anutufa asauku mundiranannai maasa faqa mareeqeenoo narí aidira oosanaki narí iriranamau firanaki quqannisaani. Aiqama amooqirafa faqa kaaqa areenarafa faqa asauku mundiranaindi naaru naaru mariannoo. Kuqaa.

Titusa 3:14

Maasa niqoondi Kareetee maqannaauqa sia nisauku raqandaamasee mariaqeera naamuaqiaqa. Misa maqee maqee maqasaa anoona ainainirana kasi kasida niqoonausa faqa dadaaqi marinanaki maridaqa nári anoona ainaina auqee marianaki faqa maridaqa akaqausa niqoonausa naida nimiaqeera qimannimia. Miqimasainaqa misa saika sia fifau irairaaiani anoona kai kambiqaani.

Titusa 3:1

Titusa anee maa ainainnara faqa maqee maqee Kareetee maqannaasa naaqoo auqaina iriaqa. Misa kaamanna rakisirausara maasa uriqararausee qimasee eedoo kai qiaqa. Aiqama misa amiqira ainainiranara qifaqa kasi kasi kai iaqa.

Titusa 2:14

Mifa maasa kuqirana nariara maraseenoo maasa sia maraaqeera maasa kuqiranaki mifa keeqanau. Sia fifaufau kuqinau. Maasa qeeqa mandainainakinaana mareeqeenoo maqee kamuqoo narí kaaqa qara andeeqara fasiqa anaasee kammannimaqaaneera kuqinau. Maasa minaindikuqanna iaqeera, maqee maria kamuqoo amiqira ainaina kai maasa aruqarara rimariasaikamma fuaqeera kuqinau.

Titusa 1:16

Amiqi mariasa anirarisameeqee mandaki quqeemariasa misa nári nookiqari maasa Anutunara iridee qimasaidaqa quandaki nári auqee maria ainainafa moomau fimarifaqa maasa qafamasee unna qidammiafoo qidaqa. Faiqí aanaaseera fidiaqaaimariasa ufa rukiee mariasa mi manda fasiqausa maridaqa. Amiqira saikara sia amanaiki mariasa maridaqa.

2 Timooti 2:21

Faiqí moo fannoo madaapeenni mari difaanifara foora marifa narí anukamasainanoo ainaina saka neemaria difaanifara foora amiqirafa mariannoo. Miqinanoo mina akoofa mareeqee amiqira saikaki quqaannoo.

1 Timooti 5:10

Mi anaaseefa ooqai afaari marufa marinnana mifa kai minaki mariani narí faiqi namu amiqimasee firimaru aanaaseefa marufa mifa kai mariani, aanaamuru dapi aanaamuru amiqimmandee rakisimarufa faqa Anutuna ufa maqusa maqusa nida qimannimimarusa faqa narana maaqa nimimarufa oosana oosana mandainainaki aqufimarusa dadaaqimarufa, oosana oosana amiqira ainaina eedoo qimasaida auqee marufa miqi maru anaasee asooqausa kai rakisirausaikiaqa. (Mi asooqa adeedaanausa saika Timootina aukuana maaqimminoo marinau. Misa fuka anaasee nári nifaaqmaaka faiqi namu rakisiaqeera qimannimidaqa naakapee mariqau. Aaqamaki kaqirunna fusa andeeqeeqeenoo Anutuna aanai ubeekee mariqau. Mandainainaki aqufusa andeeqasee Anutuna ufa naakapee mariqau.)

1 Timooti 3:1

Maa ufana anoona ufa kai qinee Pauroosa qimannimianaura. Faiqí moo fannoo Yisuna ufara suqimariasasaa rakisiraree qimarifa amiqira ainainammiannoo.

Kooroosee 1:10

Innee miqi marifaqa Karaambaiqa undee kai imarifaranoo mifa maqee maqee inni marirafa amiqira marira maridaqa amiqisaa kambiqaaqeera Anutuna irirafa faqa firaaqoo inniki kambiqaannoo.

Eefeesusa 2:10

Anutufa maasa auqufa maridanoo sia fifau maasa auqinau, maasa asauku mundirana Yisunasaa atooqaranasaaqari andeeqasee nirana marirana mariaqee qimasee maasa auqinau. Doo ooqai mi andeeqara nirana marirana maasara deedaqammaqoofa maridanoo.

Karatia 6:17

Qini Pauroosa rafaaqafira ufa maaqimminoo maridanoo. Sia moo fannoo kafaa qiniara Yisuna ufara sia andeeqasee qimannimimari fee qifaranoo. Qinee kuqaa uqanna Yisuna karabusa ainainira fasiqa maridaqa Yisuna ufa andeeqasee qimannimiafannana akiaqara qini darufa qifaaqasaa qufaanakuru aanaaqi marifa mifa qiniara kuqaa Yisunaindi fee qimasee akoorooidanoo. Misa qini darusaafaqa mi ufaanakurunara Yisuna akarara foora maridanoo, aiqamausa qini qiqafamasee Yisunaindi fee qiaqeera.

Karatia 5:12

Inni Karatia maqannaasa mareeqee moo aatata quqeemariasara qidaqa misa nári fainanduqiranara kai qidaqa nári nifaandama itirana faqa minaki ookaammaseeqa doo naadumasaqanna maridaqa sia aaqaranaki inni fuki faaki qima quqaaqeera.

Karatia 1:7

Sia moo amiqira fasaasa ufa maridanoo moodaa kai maridanoo, faiqí anaasee akaqausa asauku mundirana amiqira fasaasa ufa qumaree mareeqee kaqinni ubeekeeqa minannai furufarirana inni nimimariafanoo.

2 Koorinti 9:8

Inniqa nimana kai narana maraaqee munnimma Anutufa amana nimiannoo sia inni munnimma amana kaifau nimmiannoo aabaa faqa niminaqa minannai nana ainainaree dadaaqirafa kambiqaannoo fee innee faqa amana minannai dadaaqiaqa.

Mareekoo 14:6

Yisufa mi ufana iriseenoo qinau, See innee minnisaaqa, nanaree innee fifau mi anaaseena aqidee. Mifa amiqira idaaqira ainaina adia qimaqeenoo.

1 Peetooroo 2:12

Innee aamina maqannaaki nidaqa maridaqa inneeqa nirana marirana amiqimasee nifaqa misa inniara mandoosana mareemariasee qimasee inni nindafeeqa oo amiqimasee mariasa qimasee misa faqa quandafi Anutuna amooqiqa Yisufa innaarunaindari qumurainaqa amooqifaranoo.

Mataioo 26:9

Naqi fee ifanee munnimma fainausa nimiseenana mina akiaqara firaa munnimma maraseenana kudi fasiqa anaaseeuqa nimiaqaana.

Mataioo 26:11

Inniki kudi fasiqa anaaseeuqa naaru naaru marifandia. Innee amana moomoo kari misa amiqi amiqifaranoo qinee sia kisaaqasaa inniki marianaura, kaqikaa qoo fuanaura minara mifa qini adiaqimaqeenoo.

Ruka 8:49

Yisufa miqi qimasee mi anaaseena qimamimarufanoo amaana maqasaa rakisirana maaqaindari faiqí moo fannoo anireenoo Iairusana qimaminau, anee Yisuna sia kadaapi amia, ani araamuna doo kuqufinoo.