Mataioo 24:9 - Anutuna Ufa

⁹ Mina aanaaqiana faiqí anaasee maqusa maqusa inniara Yisuna faiqi namu fee qimasaida fidiaqaamma nimaqeefaranoo. Aiqama maa maqa maaqanaki mariasa inni nidafirana nimisee inni kuqannarifaranoo.

Mataioo 24:9 Referans Kwoze

Yoohanee 16:2

Kasooqaqee faiqí misa nariqa amaana maqakiqarifee ufa suqira maqakiqarifee aanoommasee inni niqiqeefaranoo. Kasooqaqee nariqa aaqamasee kuqaa Anutuna dadaaqidee qiqa inni kuqa narifaranoo.

Uqafiqoo Ufafa 2:10

Qini ufasaara kaqikaa qoo innee aupurarana mareefaranoo innee sia minara rufiaaqa. Innee iriaqa Sadannafa inni nimanamasee qafaaneera karabusaki akaqausa quqaannoo. Inni nidafirafa maa maqanasaa qusasaa mariannoo. Innee kaqi maraqa fifi inaqa kuqirana paqurinna aukuana qinee naaru marira qafee afisunnimaqaanaura.

Ruka 21:12

Misa inni naaree qini ufasaara ruumbeeqee aupuraranaki quqeefaranoo. Misa qini ufasaara inni mareeqee firaa uriqararausa nifusaa faqa kaqikaa uriqararausa nifusaa faqa quqasaifaqa mikari inni ufa qimannimimari aukuana mariannoo.

Uqafiqoo Ufafa 7:14

Sia qinee iridaqa anee qimaqimia qiafananoo mifa kooroo qimasee qimaqiminau. Maa fasiqa anaaseesa Anutuna ufamau fimarusa minasaara narirana maree marusa minakiqari amiqimasee ani marusa maridaqa. Misa nári ikairi aanaaqi qamunna sipsipa aanaaqi Yisuna fidikaki nári qamunna nammaruqusee eekara arufifaqa afisusee maridaqa.

1 Peetooroo 4:16

Innee Yisuna ufara aupurarana maraseeqa sia minara nisauruaqa, Yisuna auqu maasasaa marinara Anutunara dufi dufi qiaqa.

Uqafiqoo Ufafa 2:13

Innee Peerakamumma maqusanaasa Sadannana amaana maqa mariaqoo mariasa mariafanoo qinee iridaqa. Innee kuqaa qinisaa atooqee mariasa mariafanoo. Inni maqusai Sadannana amaana maqa mariqoo miqooqaraasa qini qiqoondi moo fasiqa qini Yisusara andeeqasee kooroo qimarina akiaqara mina auqu Antipasana kuqa arufaqa innee sia minara rufioosa kaqi kai qini saqariki mariasa mariafanoo.

Ruka 11:49

Anutufa minara iriseenoo narí iriranannai maa ufana qinau, qini tamummaqara fasiqauqa faqa qini ufa mara nimimariasa faqa Isaraee maqannaasa mariannai niqiqaifaqa misa akaqausa kuqa narusee akaqausa aupurarana nimifaranoo.

Mataioo 23:34

Yisufa kafaa Farisai amaana ufa qimarusa qimanniminau. Qinee tamummaqara fasiqauqa faqa Anutuna ufa irimariasa faqa Anutuna ufa uqannifiqeemariasa faqa qinee marunannai mariasa innee iannai niqiqaanaura. Innee misa nindafamaseeqa akaqausa aunirira saqarisaa narifaranoo. Akaqausa innee inni amaana maqaki raitasaa qainna ateekasaida rumbeeqoo samunannai nitaufakaaqa nariisaifanoo fidika radiqinoo qumuannoo. Akaqausa maqusa maqusa nifaqasaifaqa sandeefaranoo misa fidika faqa inni nikeeku nikaaku narusa misa fidika faqa inniki marianifeera, ooqai indaaru Abeerana fidika fifau kaqinni adianau. Miqooqari anidanoo moomoosa fidika fifausaqa adianoo ani ifanoo Seekariaafa Barakiana amaaku Yeerusaree amaana maqaki Anutuna naaquqara oosirana dinni marufanoo dinni qainda marufanoo, mi qambaanna fifau arusoofanoo kuqinau. Mi kamusaqa fidika moomoo fifau adianoo maridanoo.

Mataioo 22:6

Moo maqusanaasa mina faiqinamu saamu samu nariqau, manda oosana nimiqau, kuqa nariqau.

Aaquqira Ufa 29:27

Andeeqarausa manda oosana maree mariasara fidiaqaa midaqa. Manda oosana maree mariasa andeeqarausara fidiaqaa midaqa.

Yoohanee 15:18

Maa maqanasaaqaraasa inniara fidiaqaammifaranoo maanara iriaqa indaaru qini Yisusara fidiaqaaiaasa mariafanoo innindi inaaqianna fidiaqaairafa mariannoo.

Yoohanee 15:21

Innee qinindi marianara oosana oosana mandainaina maa maqanasaaqaraasa inni nimifaranoo. Misa sia qini diqiqoonara Anutunara iridaqa miqifaranoo.