Mataioo 24:25 - Anutuna Ufa

²⁵ Yisufa mi aukuannara mi unna fasiqausara maaqi qimasee narí faiqi namu qimanniminau. Innee mi aukuannara oonumafi iriaqa, eerairiaqa rufiaaqa. Doo maqee kamu doo kooroomma nimaqaunnana iriaqa.

Mataioo 24:25 Referans Kwoze

Yoohanee 16:1

Innee aanai fiqa niku rupauraki saamuriqa qini minnisee foora minara naamua qimarunausa maridaqa.

Mataioo 10:16

Iriaqa, qinee inni niqiqaanaqa innee sipsipara foora kaasau faini qambaana inni niqiqaidaqa. Faiqí oodaa mariafanoo faiqí moomoosa inni narusee naaqaammidammia. Minara innee sakani maaso̱o aanna reeqa reendeenamasee nuaqa. Nakipurunara foora kaqi muquriqa marida, reendeenammida mariaqa.

Mataioo 24:24

Mi aukuanna unna nisauku mundirausa faqa unnaqi maria tamummaqira fasiqausa faqa moomoo kambiqeefaranoo. Misauqaindi aninna aukuana misa qaini qainiqira ainaina mookira ainaina naaquqara ainaina auqamasee uqannifiqasainaqa Anutuna qutaaqamasee mina ufamau fimariasa nikaru qimasaana qinindi kiaqeera miqifaranoo.

Mataioo 24:26

Faiqí moo fannoo maaqi qimaseenoo ani qimaminoo. Asauku mundirafa aadana maqusa maridanoo, qinana siamma oonu qafaaqa minnimasaaqa, unna qidanoo. Faiqí moo fannoo asauku mundirafa maaqoo kukeeqanoo mari ifoo qinana sia uqanna oonu qafa. Anee minara unna qiifoo qia.

2 Koorinti 13:2

Qinee ooqai indaaru innee unnai fiqiafana inaaqiana kafaa fiqa maa ainainara qimannimiqiafana, maqee moosaa marunannaindari kafaa mi ufana kai qimannimianaura. Maqee oonureeqa sia qiaafannandee ireeda qimannimianura, maqee sia moo fannoo qinee ufannai náriara foora qiananoo rufiaki sandaannoo.